Kulumbaisha 3:5 - Baibo Busansulushi Bwa Libuku Ili

⁵ Aboobo ndoona mutulo akubuka alimwi, mukwiinga Mwaami Lesa ulandama.

Kulumbaisha 3:5 Referans Kwoze

Kulumbaisha 4:8

Ndyeengona ndaba muluumuno, mukwiinga mwebo noBaami baLesa, ndimwe mumfukete.

Tushimpi 3:24

Ulaakunooya mukoona kwakubula cakuloonda, ee, ulaakunoolyonenabo cakusutulako amutwi.

Isaya 26:3

Mwebo noBaami baLesa, mulapa luumuno lwiine lwiine kubaabo bashomeka lyoonse ceebo cakucinka manungo muli ndimwe.

Bene Lefi 26:6

“Ndaakumupa luumuno mucishi canu alimwi mulaakunokoona cakutaloonda muntu nabi womwi. Banyama boonse bakali ndaakubatandaamo, anu teshi mukabewo nkondo alimwi.

Tushimpi 18:10

Mwaami Lesa uli anga niŋanda ilaamfu iyumu uko kucicila bantu baluleme akupuluka.

Kulumbaisha 127:2

Mulalipenshabo kubuka macuunsacuunsa alimwi akucelwa kuya mukoona, kwaamba ayi mucane cakulya kwiinda mukuyuwaana. Ceebo Mwaami Lesa ulapa cakulya kubaabo mbwaasuni kabacilete.

Tushimpi 14:26

Uyo woonse uloonda Mwaami Lesa ulicite kwakuyuba. Ndushinisho ulicite kwakuyuba uko bana bakwe nkweshi bakacicile.

Kulumbaisha 66:9

Watulama ayi tutafwi alimwi akutufuna ayi tutakomwi.

Milimo ya Batumwi 12:6

Ono mashiku pabushiku Elodi mbwaakalinga kuyeeya ayi macuunsa akamoomboloshe, Pita wakalinga kulete pakati kabashilumamba bakalinga kumulama. Wakalinga kwaangitwe ncetani shobilo, imwi kayaangitwe kushilumamba womwi kulubasu lumwi aimwi kushilumamba umwi. Kwakalinga abashilumamba bamwi pamulyango wa ntolongo.

Kulumbaisha 34:5

Abo balyatililwa balanga kuli nguwe shiwa nshakusekaseka. Ncakwiila taaku bushiku mbweshi bakalenshekwe nsoni.