Kulumbaisha 27:6 - Baibo Busansulushi Bwa Libuku Ili

⁶ Aboobo balwani bangu abo banshingulukite ndaakubakoma. Ndaakunoobenga milambu muŊanda yakwe isalalite akwiimba cakusangalala, Ndaakwiimbila Mwaami Lesa inyimbo munshila isangalasha kunyumfwa.

Kulumbaisha 27:6 Referans Kwoze

Kulumbaisha 3:3

Sombi mwebo noBaami baLesa muli liyawo lyangu, mulamfwalika bulemu bwanu, mulanjumyayumya akunsumpula.

Bene Ebulu 13:15

Paceebo ceeco kwiinda muli Jesu, atulumbaishe Lesa lyoonse kwaamba ayi kube mulambu wesu, nditulyaambilila ayi nguMwaami wesu.

Kulumbaisha 107:22

Abamuluumbe amilambu yakulumba, akwaambilisha milimo yakwe munyimbo shakusangalala.

Isaya 12:6

Amoolobeshe akwiimba ceebo cakusangalala nobene Siyoni! Mukwiinga Usalalite wa bene Isilaeli uli pakati kanu ulicite nkusu.”

2 Samwelo 22:49

Kubalwani bangu ngoompulusha. “Nobaami baLesa mulanengesha kukoma balwani bangu, ncakwiila mulamfuna kubantu bakali.

Ciyubululo 15:3

Bakalinga kwiimba lwiimbo lwakwe Mose musebenshi wakwe Lesa alimwi alwiimbo lwa Mwanaambelele ayi, “NoBaami baLesa Beshinkusu shoonse, micito yanu njinene alimwi ilakankamika abuumbi! NoBaami baLesa ba mishobo yoonse ya bantu, nshila shanu shililuleme alimwi nshalushinisho!

Sekaliya 9:9

Amusangalale, amusangalale mwebo nobene Siyoni! Amoolobeshe cakusangalala mwebo nobene Jelusalemu! Amubone mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.

Jelemiya 33:11

ciyobeyobe cakusangalala akukondwa kwabo aciyobeyobe cakusangalalila bwiinga. Lyalo mulaakunyumfwa bantu kabeemba pakunooleta shipo shakulumba kuŊanda yangu neLesa. Balaakunokwaamba ayi, ‘Amulumbe Mwaami Lesa, Shinkusu shoonse mukwiinga uli kabotu ee, mukwiinga lusuno lwakwe ndwamuyayaya.’ Ncakwiila ndaakulengesha cishi ici kuswitilila bweenka mbocakalinga kale kale. Nebo neMwaami Lesa ndaamba.”

Ciyubululo 5:9

Bakalinga kwiimba lwiimbo lupya ayi, “Webo ndiwe weelete kubwesa libuku akulamatula bakalamatila ba keshibilo. Mukwiinga wakalinga wacaikwa alimwi kwiinda mulufu lwako ndowakalibenga, wakoolila Lesa bantu mumikowa yoonse, milaka yoonse, shishi shoonse alimwi amishobo yoonse.

1 Pita 2:5

Amwebo mube anga ngamabwe oomi ayo Lesa ngweshi ayakishe ŋanda yakwe ya mushimu. Muŋanda iyo mweshi mukasebensele mbuli bapailishi basalalite mukubenga milambu ya mushimu itambulwa kuli Lesa kwiinda muli Jesu Klistu.

Kulumbaisha 95:1

Amwise twiimbile Mwaami Lesa cakusangalala, Atwiimbe cakoolobesha kuMwaandami utufuna.

2 Samwelo 7:9

Ndakalinga awebo kuli koonse nkowakaya alimwi ndakakoma balwani bako ayi baswe kunembo lyako. Ndaakulengesha liina lyako kupuka mbweeke mbuli nkumenkume shimwi sha mucishi ca panshi.

Jelemiya 31:7

Mwaami Lesa waamba ayi, “Amwiimbile Jakobo kamusangalete. Amulumbaishe cakoolobesha mushobo uyo wiindaawo. Kamulumbaisha cakunyumfwika akwaamba ayi, ‘NoBaami baLesa, amupulushe bantu banu, ee, bene Isilaeli bakacaalaawo.’

Kulumbaisha 138:5

Balaakwiimba shanshila shanu noBaami baLesa ceebo bulemu bwanu mbunene abuumbi.

Kulumbaisha 110:7

Ulaakunwa maanshi amukalonga kali munshaanshila. Lyalo ulaakwiinuna mutwi ceebo cakukoma.

Kulumbaisha 81:1

Amwiimbe cakusangalala kuli Lesa shinkusu wesu, amoolobeshe cakulumbaisha kuli Lesa wakwe Jakobo.

Kulumbaisha 47:1

Amukambe mapaka mwebo nobantu bamumishobo yoonse. Amoolobeshe kuMwaami Lesa pakumwiimbila nyimbo shakusangalala.

Kulumbaisha 21:13

Amulumbaishikwe mwebo noBaami baLesa ceebo ca nkusu shanu. Tunanokwiimba akushilumbaisha nkusu shanu.

Kulumbaisha 21:1

NoBaami baLesa, mwaami wesu ulikondetwe pankusu nshemwakamupa. Ulisangalete abuumbi ceebo cakumulengesha kukoma balwani bakwe.

1 Makani 22:18

Wakaamba ayi, “Mwaami Lesa, Lesa wanu wakalinga amwebo akumupa luumuno kumbasu shoonse. Wakanengesha ayi nkome bantu boonse bakalinga kwikala mucishi cino. Ciindi cino bali mumaansaanu amumaansa a Mwaami Lesa.

2 Baami 25:27

Mumwaaka Efilu Melodaki ndyaakaba mwaami wa bene Babiloni, wakanyumfwila nkumbu Jeoiyakini mwaami wa bene Juda akumwaangulula kuswa muntolongo. Ici cakacitika pabushiku bwa makumi obilo anshiiku shosanwe ashobilo mumweenshi walikumi amyeenshi yobilo wa mwaaka wamakumi otatwe amyaaka yosanwe ayobilo kuswa ciindi Jeoiyakini ndyaakatolwa busha.

2 Samwelo 22:1

Defedi wakeemba lwiimbo kuMwaami Lesa ndyaakamana kumupulusha kuswa kuli Saulo abalwani bakwe bamwi boonse. Mukulemeka Mwaami Lesa, wakeemba lwiimbo ulu ayi,

Matalikilo 40:13

Inshiku shotatwe shaakwiinda mwaami ulaakumwaangulula akumulekelela, akumuboosha pamusena wa ncito yanu. Mulaakunoomupa nkomeshi yakwe bweenka mbomwakalinga kucita kataanshi kamucili shikumulamina waini.

Matalikilo 40:20

Pakusekelela bushiku bwakushalwa kwakwe kapeendite nshiku shotatwe, Falawo mbwaakapangila bacinenenene ba mubweendeleshi bwakwe. Wakakusha shikulama waini amunene wa beshikupanga shinkwa muntolongo akubeemika kunembo lya bacinenenene abo.

Kulumbaisha 3:4

Ndalilila Mwaami Lesa ayi ancaafwe, alakwe ulankumbula kuswa kukalundu kakwe kasalalite.

Kulumbaisha 57:8

Ono omoyo wangu libambe! Okalumbu kangu libambe! Ceebo ndyeelete kucesha bushiku.

Kulumbaisha 119:108

NoBaami baLesa, amutambule mipailo yangu yakumulumbaisha. Amunjiishe milawo yanu.