Kulumbaisha 27:11 - Baibo Busansulushi Bwa Libuku Ili

¹¹ Anu noBaami baLesa amunjiishe nshila shanu, amunyenshe munshila isalalite ya bululami, ceebo balwani bangu mbaanji abuumbi.

Kulumbaisha 27:11 Referans Kwoze

Kulumbaisha 5:8

Balwani bangu mbaanji noBaami baLesa. Amuntanjilile mukucita kuyanda kwanu, mundulikile nshila yanu, noomukonkela.

Kulumbaisha 86:11

NoBaami baLesa amunjiishe mboonjelete kweenda, kwaamba ayi nkanokweenda mulushinisho lwanu. Amunjiishe kumusebensela amoyo wangu woonse, kwaamba ayi noolemeka liina lyanu.

Kulumbaisha 26:12

Ndiimfwi pamusena pataapu cakulisukama, ndalumbaisha Mwaami Lesa pakati ka likoto lya bantu bakwe.

Kulumbaisha 119:10

Ndeelesha kumusebensela amoyo wangu woonse. Mutandeeki ayi nswe kumilawo yanu.

Kulumbaisha 64:6

Balapinga kucita miyeeyo italuleme. Balaamba ayi, “Twapanga muyeeyo ubotu abuumbi!” Ncakwiila miyeeyo amyoyo ya bantu ilishupite.

Isaya 35:8

Lyalo kulaakuba mukwakwa. Mukwakwa uyo ulaakutumbwa ayi, “Mukwakwa wa Basalalite.” Bamucita shibi teshi bakeendeemo umo, sobwe. Ulaakuba wa baabo beelete kweendaamo beenka. Nabibo mashilu a bantu teshi akeendeemo umo.

Jelemiya 20:10

Nebo ndanyumfwa maswi aanji kaatepeta ayi, “Kuli mapensho ayoosha kumbasu shoonse! Aaluulwe! Ee, atumuluule!” Beensuma boonse batoolindilila ayi ndubye akwaamba ayi, “Mpashi inga weendwa kumaano, lyalo inga twamucata akumubooshesha cishole.”

Kulumbaisha 25:9

Abo balibombya ulabatanjilila munshila shiluleme, alimwi ulabeeisha mbobeelete kweenda.

Luka 20:20

Aboobo bakalinga kulindila ciindi ceelete kucata Jesu. Bakapa maali bantu bamwi ayi babece kushomeka akubatuma mukusunka Jesu mumiipusho kwaamba ayi aabwe mumaansa a nkuta ya mweendeleshi wa kuLoma.

Tushimpi 8:9

Kubaabo bacite maano akunyumfwisha shintu, shintu shoonse shililuleme. Ncakwiila tashicitewo kampenda kubaabo bacite lushibo.

Kulumbaisha 25:12

Anu ngani muntu ulemeka Mwaami Lesa? Ngooyo utondeshekwa kuswa kuli nguwe nshila njeelete kutola.

Tushimpi 15:19

Nshila ya mutolo iliswitebo mapensho, sombi nshila ya ushomeka ili anga ngumukwakwa utacite mfumpu.

Kulumbaisha 54:5

NobaLesa bubi abuboolele baabo batooncaya liina. Amubanyonyoole kwiinda mukushomeka kwanu.

Kulumbaisha 5:9

Isho shaamba balwani bangu tashishomwa, mukwiinga balisunibo kunyonyoola. Maswi abo ngabotu alimwi ngabushicibusa, sombi muli kweena kwabucayi.

Kulumbaisha 139:24

Amubone na ndakonkela nshila shibiibi. Lyalo muntanjilile munshila yanu yamuyayaya.