Kulumbaisha 24:2 - Baibo Busansulushi Bwa Libuku Ili

² Ceebo ngowakacilenga peculu lya lweenge, ncakwiila ngowakacikalika peculu lya maanshi.

Kulumbaisha 24:2 Referans Kwoze

Jelemiya 5:22

“Sa nebo tamweelete kunoonda? Ceebonshi tamututumi pameenso angu? Nebo ndakabika museese ayi ngomanyinsa a lweenge. Ngamanyinsa a lyoonse alyoonse ayo lweenge ndwatakoonshi kwiindilila. Maaba inga anyamuka, sombi inga taasubukiiwo. Nabi awoote cili buyani, inga taakoonshi kwiindilila.

Kulumbaisha 136:6

Wakayaka cishi peculu lya maanshi, ee, mukwiinga lusuno lwakwe ndwamuyayaya.

Kulumbaisha 96:10

Amwaambile mishobo yoonse ayi, “Mwaami Lesa ngumwaami. Cishi ca panshi ciliimfwi mumusena womwi, aboobo tacitenkaani. Lesa uyo ulaakoombolosha bantu boonse cabululami.”

Jobo 38:4

“Sa wakalingaako ndindakalinga kuyaka lwiimbi lwa cishi? Ndwiite tubone na ulicite lushibo luunji.

Kulumbaisha 33:6

Maculu akalengwa kwiinda muliswi lya Mwaami Lesa. Shoonse shili kuli ndilyo shakalengwa kwiindabo mukwaamba kwakwe.

Matalikilo 8:22

Ono kulilabo cishi kaciciliiko, kunanooli ciindi ca kushanga akutebula. Kunanooli kutontola akulungula, cilimo amupewo, malumwi amashiku.”

Kulumbaisha 95:4

Ulalela cishi coonse ca panshi, kuswa panshi peene peene, kuya mukushika peculu lya tulundu tulaamfu.

Kulumbaisha 93:1

Mwaami Lesa ngoolela ulifwete bwaami, ulifwete bwaami alimwi ulicite nkusu. Cishi ca panshi ciliimfwi mumusena womwi, aboobo tacitenkaani.

Kulumbaisha 89:12

Ndimwe mwakalenga kumalenge akumatwa. Kalundu ka Tabo aka Emoni tulamwiimbila cakusangalala.