Kulumbaisha 24:10 - Baibo Busansulushi Bwa Libuku Ili

¹⁰ Anu Mwaami shibulemu ngani? NguMwaami Lesa Shinkusu shoonse. Lakwe ngoMwaami shibulemu.

Kulumbaisha 24:10 Referans Kwoze

Taitasi 2:13

Bulya nditutoolindila bushiku bwa coolwe, ubo bulemu bwakwe Lesa munene alimwi aMupulushi wesu Jesu Klistu, ndyeshi bukaboneke.

Mateyo 25:34

Lyalo Mwaami ulaakwaambila baabo beshi bakabe kululyo lwakwe ayi, ‘Amwise kuno, mwebo nomwakapekwa coolwe kuli baTa. Amwinjile muBweene ubo mbomwakabambilwa kuswa kumatalikilo a cishi.

Isaya 54:5

Mukwiinga uyo wakakulenga ulaakuba anga ngoibayo. Ee, Mwaami Lesa Shinkusu shoonse Usalalite wa bene Isilaeli alimwi Mupulushi wako. Lakwe ngoLesa wa cishi ca panshi coonse.

Joni 14:9

Jesu wakakumbula ayi, “Ciindi kukomena ncendekalaanu, ono anu abobulya Filipo toona kwinshiba? Uyo wabona ndime wabona abaTa. Ono inga waamba buyani ayi, ‘Mututondeshe baIshiwanu’?

Joni 12:40

“Lesa wakabapofosha akuyumya mitwi yabo, cakwaamba ayi tabakoonshi kubona ameenso abo nabi kunyumfwishisha amyoyo yabo. Nabibo kusandukila kuli ndime ayi mbashilike.”

Mateyo 25:31

“Ono MwanaaMuntu ndyeshi akese mubulemu abaanjelo bakwe boonse ba kwiculu, ulaakwikala pacuuna cakwe ca Bwaami.

Luka 9:26

Paceebo ceeco uyo woonse unyumfwa nsoni ceebo ca ndime amaswi angu, alakwe MwanaaMuntu ulaakumunyumfwila nsoni pakwisa mubulemu bwakwe amubulemu bwa baIshi alimwi abwa baanjelo basalalite.