Kulumbaisha 24:1 - Baibo Busansulushi Bwa Libuku Ili

¹ Cishi ca panshi ashoonse shiliimo nsha Mwaami Lesa. Nkokwaamba ayi cishi pantu pomwi abantu boonse bekaalaamo mbaakwe.

Kulumbaisha 24:1 Referans Kwoze

Kulumbaisha 89:11

Liculu ndyanu ainshi ayalo njanu. Mwakalenga cishi ca panshi coonse asheesho shiliimo.

1 Bene Kolinto 10:26

Mbuli Malembo akwe Lesa mbwaamba ayi, “Cishi ca panshi ashoonse shiliimo nsha Mwaami Lesa.”

1 Makani 29:11

Nkusu, bulemu, bwaami abubotu, nshanu noBaami baLesa mukwiinga shintu shoonse shili kwiculu apacishi ca panshi nshanu. Ncakwiila bwaami mbwanu alimwi ndimwe mweendelesha shintu shoonse.

Jobo 41:11

Ngani ngondakabwesela cintu utoonsesa ayi mupilushishe? Shintu shoonse shili pacishi ca panshi nshaangu.

Dutolonomi 10:14

Liculu lili peculu pawoonse alyalo ndya Mwaami Lesa, cishi ca panshi acalo ncaakwe pantu pomwi ashintu shoonse shiliimo.

Kulonga 9:29

Alakwe Mose wakamwaambila ayi, “Paciindi ceenka ico nceshi nswe mundabala inene ino, ntootambika maansaangu akupaila kuMwaami Lesa. Lyalo kukalooka kutoomana alimwi teshi kubewo mfula ya mabwe kwaamba ayi mwishibe ayi cishi ca panshi nca Mwaami Lesa.

Kulonga 19:5

Ono na munyumfwile akulama cipangano cangu, mulaakuba bantu bangu. Cishi ca panshi coonse ici ncaangu, sombi mwebo mulaakuba bantu bangu basalitwe.

Naamu 1:5

Tulundu tunene tulatenkaana kunembo lyakwe atwalo tulundu tuniini tulasunguluka. Cishi ca panshi cilatenkaana kunembo lyakwe, ncakwiila cishi coonse cilatenkaana aboonse abo bekalaamo.

Kulumbaisha 50:12

“Niyalinga nsala yankola, naakwiinga nshisengi ndimwe cakulya mukwiinga cishi ashintu shoonse shili mumo nshaangu.

Danyelo 4:25

Mulaakutandaanishikwa kuswa pakati ka bantu akuya mukwikala abanyama bamuluundu. Mulaakunoolya bwiisu anga niŋombe alimwi mume kuswa kwiculu ulaakunoomutontosha. Cilaakuba boobo kushikila myaaka yosanwe amyaaka yobilo ikeende. Kuswawaawo ndyeshi mukasumine ayi Mwaami Lesa wa kwiculu Wiindaawo ngomwaami pamalelo a bantu alimwi ngooapa kubantu abo mbwaasuni.

Kulumbaisha 98:7

Lweenge aluwoote pantu pomwi ashintu shoonse shiliimo! Cishi ca panshi aciimbe pantu pomwi aboonse bekala muli ncico.

1 Makani 29:16

NoBaami baLesa, baLesa besu, twabunganya bubile ubu buunji kwaamba ayi tuyake Ŋanda yanu mukulemeka liina lyanu lisalalite. Nakubi boobo bubile boonse ubu bwakaswa kuli ndimwe alimwi boonse mbwanu.

2 Makani 25:9

Lyalo Amasiya wakeepusha mulaluki ayi, “Ino citooba buyani pasilifa ngondalipilila kale bashilumamba bene Isilaeli aba?” Mulaluki wakakumbula ayi, “Mwaami Lesa ulaakumupa uunji kwiinda wooyo!”

Jobo 34:13

Ngani wakamupa nkusu shakweendelesha cishi? Sa kuliwo wakapa Lesa bwaami bwa cishi ca panshi coonse?

Jobo 41:3

Na wamucatisha boobo, sa inga wakukombelela ayi umunyumfwileko nkumbu? Sa inga wakukombelela aliswi libombu ayi umuleeke?

Kulumbaisha 50:10

Ceebo banyama boonse bamuluundu mbaangu, aŋombe shoonse shitooya cilya mushuulu ashuulu sha tulundu, nshaangu.

Kulumbaisha 89:12

Ndimwe mwakalenga kumalenge akumatwa. Kalundu ka Tabo aka Emoni tulamwiimbila cakusangalala.

Mika 4:13

Mwaami Lesa waamba ayi, “Nobene Siyoni, amunyamuke akutalika kunyonyoola balwani banu! Ndaakumulengesha kuba ankusu anga ngumucende ucite meeca anshimbi ashoondo sha bulonse. Mulaakupwayoola mishobo ya bantu iinji. Bubile boonse mbobakasaala munkondo, mulaakububenga mumaansaangu, ee, mumaansaangu nebo neMwaami Lesa wa cishi ca panshi coonse.”