Kulumbaisha 23:6 - Baibo Busansulushi Bwa Libuku Ili

⁶ Ncakwiila shintu shibotu alusuno lwanu shinanooli anebo mubuumi bwangu boonse. Aboobo ŋanda yanu ilaakuba ngomusena wangu lyoonse alyoonse.

Kulumbaisha 23:6 Referans Kwoze

Kulumbaisha 27:4

Ndasenga cintu comwi kuMwaami Lesa. Cintu comwi ico nceensenga ncakwaamba ayi nookala muŊanda yakwe kwabuumi bwangu boonse, kwaamba ayi noosangalala pabubotu bwakwe akunoomulambila muŊanda yakwe isalalite.

2 Timoti 4:18

Mwaami Lesa ulaakumfuna kuswa kububi boonse akundama ayi nkenjile muBweene bwakwe bwa kwiculu. Kuli nguwe akube bulemu lyoonse alyoonse! Ameni.

2 Bene Kolinto 5:1

Mubili ngotucite bulya uli anga ninkunka. Ono tulishi kwaamba ayi nkunka iyi yaakunyonyoolwa, tulaakwikala muŋanda yakatubambila Lesa kwiculu, ŋanda iyo teekwe kuyakwa amuntu alimwi njamuyayaya.

Kulumbaisha 16:11

Mwebo mwakanshibisha nshila shitola kubuumi, alimwi ceebo mwebo muli anebo, ndasangalala abuumbi, ncakwiila kusangalala kutamaani muliimfwa lyanu.

2 Bene Kolinto 1:10

Wakatufuna mumapensho alufu amushobo uyo alimwi ulaakutufuna. Ono tulishomete kwaamba ayi ulaakutolelela kutufuna

Kulumbaisha 103:17

Sombi lusuno lwa Mwaami Lesa ndwamuyayaya kubaabo bamulemeka. Ulatondesha bululami bwakwe akubamulunyungu lwabo boonse.

Kulumbaisha 17:15

Sombi nebo, mubululami ndaakumubona meenso ameenso, ndaakubushikwa ndaakusangalala abuumbi kumubona.

Bene Filipi 1:23

Ndacata mambili. Cintu nceensuni bunene nkuswaawo pacishi cino ca panshi akuya mukwikala aKlistu mukwiinga ncecintu ciindaawo kubota.

Kulumbaisha 21:4

Wakamusenga buumi ncakwiila amwebo mwakamupa. Mwakamupa buumi bwa lyoonse alyoonse.