Kulumbaisha 20:5 - Baibo Busansulushi Bwa Libuku Ili

⁵ Tulaakoolobesha cakukondwa bushiku mbweshi mukakome. Muliina lyakwe Lesa wesu tulaakutambika mbembela shesu mwiculu kusekelela kukoma. Mwaami Lesa aakumbule kusenga kwanu koonse.

Kulumbaisha 20:5 Referans Kwoze

Kulonga 17:15

Mpomunyaawo Mose wakayaka cipaililo akucitumba ayi, “Mwaami Lesa njembembela yangu yakukoma.”

Kulumbaisha 60:4

Nakubi boobo abo bamulemeka mwabeemikila mbembela, kwaamba ayi bacicile nkuko kuloonda nkondo ya mata.

1 Samwelo 1:17

Eli wakaamba ayi, “Koya muluumuno alimwi Lesa wa bene Isilaeli aakupe ncewamusenga.”

Isaya 61:10

Ndasangalala cankusu muMwaami Lesa. Moyo wangu ulisangalete abuumbi muli Lesa. Ceebo wamfwalika lupulusho anga ncakufwala ca peculu akumfwalika bululami anga ngumungaanjo. Wamfwalikabo bweenka shibwiinga nabi mupailishi mbwaalibotesha kumutwi, nabibo shibwiinga mbwaalibotesha ashakulibotesha sha makwebo.

Isaya 25:9

Ici caakucitika, muntu woonse ulaakwaamba ayi, “Ncakwiila nguLesa wesu! Twakacinka manungo muli nguwe, ono anaapa watupulusha. Ncakwiila nguMwaami Lesa! Twakacinka manungo muli nguwe, ono anaapa tulikondetwe alimwi tulisangalete ceebo watupulusha.”

Luka 1:47

Ndisangalete abuumbi ceebo cakwe Lesa Mupulushi wangu

Kulumbaisha 118:15

Ono amunyumfwe ciyobeyobe cakusangalala mumisumba ya baluleme. Batokwiimba nyimbo shakusangalala mukwiinga bakoma. Batokwaamba ayi, “Nkusu sha Mwaami Lesa shiindaawo shacita shintu shikankamika!

Kulumbaisha 35:9

Lyalo ndaakusangalala ceebo ca Mwaami Lesa, kusangalala mukwiinga mwampulusha.

Kulumbaisha 13:5

Ono nebo ndicinkite manungo mulusuno lwanu lutamaani. Moyo wangu ulaakusangalala mukwiinga mulaakumfuna.

Kulumbaisha 9:14

kwaamba ayi nkeemikane pameenso abene Jelusalemu akubalwiita shintu shoonse nshemulumbaishishaawo. Nebo ndaakusangalala mukwiinga mwebo mwakampulusha.

Abakuku 3:18

ndaakusekelela muMwaami Lesa, ndushinisho ndaakusangalala muli Lesa, Mupulushi wangu.

Mika 4:5

Mushobo womwi awomwi ulaakunoolambila akunyumfwila lesa wa nguwo, sombi swebo tulaakunoolambila akunyumfwila Mwaami Lesa, Lesa wesu kwalyoonse alyoonse.

Kulumbaisha 19:4

Sombi nkombe sha nshisho shilaya mucishi coonse, ncakwiila shilanyumfwika akweela cishi koonse. Wakayakila lisuba ŋanda mwiculu,

Isaya 11:10

Bushiku bulaakushika mwaami uyo wamulunyungu lwakwe Jese ndyeshi akeemikanine bantu anga nimbembela yakukoma. Mishobo ya bantu ilaakumuyobolokela alimwi musena ngweshi akekaleewo ulaakunoocite bulemu.

Kulumbaisha 21:1

NoBaami baLesa, mwaami wesu ulikondetwe pankusu nshemwakamupa. Ulisangalete abuumbi ceebo cakumulengesha kukoma balwani bakwe.

1 Samwelo 17:45

Sombi Defedi wakaambila mwine Filisiti uyo ayi, “Webo utoosa mukundwana amupeeni alimwi amasumo. Ono nebo ntookulwana muliina lya Mwaami Lesa Shinkusu shoonse, Lesa wa likoto lya bashilumamba lya bene Isilaeli, uyo ngowanyansha.

Kulumbaisha 21:3

Mwakamupa buumi mbwaakalinga kusenga, akumufwalika mushini wa golodi wiine wiine kumutwi wakwe.