Kulumbaisha 2:4 - Baibo Busansulushi Bwa Libuku Ili

⁴ Uyo ucite cuuna ca bwaami kwiculu ulasekabo, Mwaami Lesa ulaweluluka miyeeyo yabo.

Kulumbaisha 2:4 Referans Kwoze

Kulumbaisha 37:13

Nakubi boobo bantu abo Mwaami Lesa ulabaseka, ceebo ulibwene ayi bushiku bwakunyonyoolwa kwabo buli munshila.

Kulumbaisha 59:8

Sombi mwebo noBaami baLesa mulabaseka, alimwi mulasebaanya mishobo ya bakunsengwe.

Isaya 40:22

Mwaami Lesa ulicite cuuna cakwe ca bwaami mwiculu peculu lya cishi ca panshi. Bamucishi ca panshi balaboneka anga ntulongolo. Liculu ulalifungululabo anga ncisani cakushitilishishaako. Ncakwiila ulalifungululabo anga nitente yakwikalaamo.

Tushimpi 1:26

Paceebo ceeco anebo ndaakumuseka mwaakuba mumapensho akumuwela mwakupolelwa shilensha boowa.

Kulumbaisha 11:4

Mwaami Lesa mwaali muŊanda yakwe isalalite. Ncakwiila ulishiite pacuuna cakwe ca kwiculu. Bantu boonse ulibabwene kuli koonse alimwi ulishi shoonse nshebatoocita.

Isaya 57:15

Usumpukite Lesa wakwiculu uyo, Lesa walyoonse alyoonse ucite liina lisalalite waamba ayi, “Nebo ndekala kwiculu kumusena usalalite, sombi ndekala abaabo balibombya alimwi basanduka kuswa kushibiibi shabo kwaamba ayi mbabooshelemo lushomo lwabo akulangila.

Kulumbaisha 115:3

Ndushinisho Lesa wesu uli kwiculu. Ncakwiila ulacita cili coonse ncaasuni.

Kulumbaisha 53:5

Ono bantu abo balaloonda abuumbi, banjilwa boowa mbobatana kubaabo kale. Lesa ulaakupalanganya shifuwa sha baabo boonse balwana bantu bakwe. Balaakulenshekwa nsoni mukubakoma ceebo Lesa wabakaka.

Isaya 66:1

Mwaami Lesa waamba ayi, “Liculu ncecuuna cangu ca bwaami, acalo cishi ca panshi mpopakulyata myeendo. Ono ŋanda njeshi munjakile ili buyani? Ee, musena ngweshi nkanokookeshelamo ulaakubeta pali?

Kulumbaisha 68:33

Amumwiimbile uyo weendela muliculu likulukulu. Ngowooyo ululuma aliswi lyankusu.

2 Baami 19:21

Mwaami Lesa waamba ayi, ‘Senakelibu, ndabala ya Siyoni itookusebaanya akukuseka. Ndabala ya Jelusalemu itoopukumuna mutwi mbuli mbootoocica.

Kulumbaisha 59:9

Mwebo nomumpa nkusu, meenso angu ali pali ndimwe, mukwiinga muli ndimwe moonjuba nobaLesa.

Kulumbaisha 123:1

NoBaami baLesa, ndalangilisha kuli ndimwe, kuli ndimwe nomucite cuuna ca bwaami kwiculu.