8 Milasho ya Mwaami Lesa ililuleme, ee, ilalengesha moyo kusangalala. Milawo ya Mwaami Lesa ilisalalite, ilatondesha muntu buumi bubotu.
Ee, kushomesha kwa Mwaami Lesa takucite kampenda. Kulibo anga ngusilifa wakeenshikwa mumunyumbi mankanda osanwe aobilo.
Maswi anu ndyelilampi lya myeendo yangu, ngomumuni umunikila nshila yangu.
Ndindakanyumfwa maswi anu, ndakaatambula camoyo woonse. Akansangalasha akulengesha moyo wangu kukondwa ceebo ndi muntu wanu, mwebo Nobaami baLesa, baLesa beShinkusu shoonse.
“Maswi a Mwaami Lesa oonse ngalushinisho. Lakwe ndyeliyawo lya baabo bacicila kuli nguwe.
Paceebo ceeco ndakonkela milasho yanu yoonse. Ndipatite nshila shoonse shibiibi.
Ceebo nguMwaami Lesa upa busongo, kuli nguwe nkokuswa lushibo amaano akunyumfwisha shintu.
Milawo yanu nitakwe kunsangalasha, sunu naakwiinga ndifwite mumapensho angu.
Moyo wangu utabi akampenda kumilasho yanu, kwaamba ayi ntakalenshekwi nsoni.
Shitookufunda baiso, ndilampi. Shitookwiisha banyoko, ngumumuni, akwalo kululamika kwabo, ndwiiyo lwa buumi.
Ndakondwa amoyo wangu woonse ceebo ca Milawo iswa kuli Lesa.
Kweelana akukonkela Milawo, nebo ndifwite ceebo Milawo yeenka iyo yakancaya kwaamba ayi nsebensele Lesa amoyo wangu woonse.
Ceebo taaku muntu ululamikwa pameenso akwe Lesa kwiinda mukucita bwaamba Milawo. Sombi Milawo ilalengeshabo bantu kwishiba ayi babisha.
Ino ono twaambe buyani? Sa twaambe ayi Milawo njibiibi? Sobwe, tabwishi mbocibete ubo! Sombi njiMilawo yakalengesha ayi nshibe bubi. Nikuteshi Milawo yaamba ayi, “Utabi amunyono pashintu sha mubyo”, naakwiinga nshishibiiwo lunkumbwa lwa mushobo uyu.
Ndasangalalila mumilasho yanu, ee, teshi nkasuulewo maswi anu.
Ndasangalala mukwiisha kwanu, kwiinda kuba abubile buli boonse,
Ndaakubika Mushimu wangu muli ndimwe akumulengesha kukonkela milasho yangu alimwi akunyumfwila milawo yangu cakushomeka.
Mulomo wangu aumulumbaishe ceebo mwebo mulanjiisha milasho yanu.
Mapensho abuumba shampolela, nakubi boobo milawo yanu ilansangalasha.
Kupandulula maswi anu kulapa mumuni, kulapa busongo kuli baabo batabucite.
Ndacitabo shintu shiluleme alimwi shibotu. Aboobo mutandekeli mumaansa a beshikundyatilila.
Amubone mboonsunishi kukonkela milawo yanu, amumpe buumi bupya ceebo mwebo muliluleme.
Amulumbaishikwe noBaami baLesa. Amunjiishe milasho yanu.
Wakacita boobo kwaamba ayi bakonkele milasho yakwe, alimwi akulama milawo yakwe yoonse. Amulumbaishe Mwaami Lesa!
NoBaami baLesa ndisunishi kucita kuyanda kwanu. Ee, milawo yanu moili mumoyo wangu.”
Amunjeeye noBaami baLesa, baLesa bangu akunkumbula. Amunjuminishe alimwi. Mutandeeki ayi mfwe.
Na bantu bobilo batoopikishanya, balesa kuli ndime. Mpeeke anebo ndyeembona ululeme awabisha. Kuswawaawo ndabalwiita milasho alimwi amilawo yakwe Lesa.”
mukwiinga Abulaamu wakanyumfwila akukonkela milawo yangu yoonse anshindakamulwiita ayi acite.”
Sa nkokwaamba ayi Milawo ilapikisha sheesho Lesa nshaakashomesha? Sobwe, napaceyuubo! Mukwiinga bantu nebakalinga kuba abuumi kwiinda mukukonkela Milawo, naakwiinga muntu woonse wakalulamikwa pameenso akwe Lesa kwiinda mukukonkela Milawo iyo.
Mulacafwa bantu abo basuni kucita shiluleme ee, kucafwa baabo beebaluka nshila shanu shibotu. Twakamukalasha sombi twakatolelela kubisha. Ndushinisho nakubi kwaamba ayi mwakakalala pali ndiswe kuswabo kale kale tatuna kucilekaawo kubisha.
Milasho yanu yaba nshenyimbo shangu, nshenyimbo shangu koonse kweenga kaambete.
Ndasangalalilabo mukwiisha kwanu, ee, kwiisha kwanu nkokumpa maano.
KuKalundu ka Sinayi mwakaseluka kuswa kwiculu akwaamba abantu banu. Mwakabapa milawo ibotu akwiisha kululeme.
Mpomunyaawo bantu boonse bakaya mukulya akunwa akwaabilaako bamwi. Bakasekelela kabasangalete abuumbi mukwiinga maswi ayo ngobakabelengelwa bakaanyumfwisha.
Mukasekelele pantu pomwi abana banu, basebenshi banu, bene Lefi, baswamashi, bana banshiwa alimwi abamukalubinje banakashi abo bekala mumandabalaanu.
Mwebo pantu pomwi abana banu, basebenshi banu, bene Lefi, baswamashi, bana banshiwa alimwi abamukalubinje banakashi abo bekala mumandabalaanu, mulyeelete kusangalala kunembo lya Mwaami Lesa, Lesa wanu kumusena womwi uyo wakulambililaako.
Mulyeelete kukonkela milasho amilawo lyoonse iyo njendakamulembela. Mutanoolambila balesa bamwi.
NoBaami baLesa milawo yanu njamuyayaya, Ŋanda yanu ilisalalite calushinisho kwalyoonse alyoonse.
Milimo yakwe ilashomeka alimwi ililuleme, ayalo milasho yakwe yoonse ilashomeka.