Kulumbaisha 19:12 - Baibo Busansulushi Bwa Libuku Ili

¹² Taaku ukonsha kubona shilubo shakwe shoonse. Anu amundekelele nkambo kushibiibi shitaboneki.

Kulumbaisha 19:12 Referans Kwoze

Kulumbaisha 90:8

Mwabika shilubo nshetucite pameenso anu, shibiibi shesu shishisitwe mwashitula patuba kunembo lyanu.

Jobo 6:24

“Amunjiisheeko ntokuumuna. Amuntondeshe mpondakabisha, ntookutika.

Jelemiya 17:9

“Moyo wa muntu ngubeshi abuumbi kwiinda pashintu shimwi shoonse alimwi ulicite bulwashi butashilikiki. Anu ngani weenga wakonsha kuushiba?

Kulumbaisha 40:12

Nebo ndisakatitwe amapensho aanji koonse koonse, shibiibi shangu shafulisha abuumbi cakuncala ameenso. Ee, shiinji kwiinda misusu yangu ili mumutwi. Paceebo ceeco ndatyongola abuumbi mumoyo wangu.

1 Bene Kolinto 4:4

Mumiyeeyo yangu taaku ncentooyeeya ayi ndakabisha. Nakubi boobo ici tacaambi ayi nshicite mulandu. Mwaami Lesa ngooŋombolosha.

1 Joni 1:7

Sombi na katweenda mumumuni, bweenka mbuli mbwaali mumuni lakwe, nkokwaamba ayi tulekala mubwanabwankashi alimwi bulowa bwakwe Jesu Mwanaakwe, bulatusalasha kuswa kushibiibi shoonse.

Bene Ebulu 9:7

Sombi mupailishi munene eenkabo ngowakalinga kwinjila mucipinda ca mukati alimwi ndinkanda lyomwibo pamwaaka. Wakalinga kwinjila abulowa ubo mbwaakalinga kupa kuli Lesa ceebo ca shibiibi shakwe mwiine alimwi asha bantu isho nshebakacita kabateshi.

Kulumbaisha 139:6

Lushibo lwanu pali ndime lwanyinda ciimo. Ncakwiila nshikoonshi kunyumfwisha lushibo lwa mushobo uyo.

Isaya 64:6

Soonse twalinga kubisha kuswabo kale kale. Nabi micito yesu ibotu ilibo anga ncakufwala cishipite citoonunka. Twanyana kushibiibi shesu cakuba anga nditewu alimwi shibiibi shesu nshemunya shitootuululusha anga ncipuupu.

Kulumbaisha 139:2

Mulanshiba ndyeenkala nabi ndyeembuka, muleshiba miyeeyo yangu kamuli kooko kulaale.

Kulumbaisha 51:2

Amunsaanshe kulubisha kwangu koonse, akunsalasha kuswa kushibiibi shangu.

Kulumbaisha 65:3

Shibiibi shesu ndishitukoma mwebo mulashilekelela.

Kulonga 24:12

Mwaami Lesa wakaambila Mose ayi, “Kosa tanta pakalundu pano mpoombete. Ono koocili waano, ntookupa mabwe obilo apampamene, apo mpondakalemba milawo amilasho yoonse kwaamba ayi bantu bakeeye nshebeelete kucita.”

Dutolonomi 5:29

Na lyoonse banooyeeya bobulya alimwi kabandemeka akukonkela milawo yangu yoonse, shintu shoonse inga kashibeendela kabotu pantu pomwi abamulunyungu lwabo, lyoonse alyoonse.

Dutolonomi 5:32

“Nobene Isilaeli amushinishe kwaamba ayi mulaakunookonkela shoonse Mwaami Lesa, Lesa wanu nsheshi amulwiite ayi mucite. Mutakasuuli mulawo wakwe uli woonse.

Tushimpi 13:13

Uyo usuula milasho ulaliletelela mwiine, sombi uyo ubikila maano kumulawo ulalambulwa.