Kulumbaisha 19:11 - Baibo Busansulushi Bwa Libuku Ili

¹¹ Kulancenjesha nemusebenshi wanu. Ndatambula cilambu cinene kwiinda mukukukonkela.

Kulumbaisha 19:11 Referans Kwoze

2 Joni 1:8

Amucenjele kwaamba ayi mutasowi ceeco ncemwakasebensela, sombi mukatambule cilambu canu coonse.

Kulumbaisha 119:11

Ndalama maswi anu mumoyo wangu, kwaamba ayi ntanoomubishisha.

Jemusi 1:25

Milawo yakwe Lesa ililuleme alimwi ilapa lwaanguluko. Uyo woonse wiilangilisha cakuyanda kwiiya akutolelela kucita bweenka ubo alimwi cakutaluba sheesho nshaanyumfwa, sombi kushikonkela, Lesa ulaakumupa coolwe mushintu shoonse nshaacita.

Tushimpi 29:18

Kutaaku maswi abulaluki bantu balacileka kulilemeka, sombi ulicite coolwe uyo ukonkela milawo.

Mateyo 6:4

kwaamba ayi shipo shanu shibe shabushishi. Lyalo Ishiwanu ubona shabushishi ulaakumulambula.

Ciyubululo 14:13

Lyalo ndakanyumfwa liswi kuswa kwiculu lyakwaamba ayi, “Ulembe ayi, Balicite coolwe abo beshi bakafwite mumulimo wa Mwaami kuswa sunu!” Mushimu Usalashi wakakumbula ayi, “Ncakwiila balicite coolwe! Balaakookesha kuswa kumilimo yabo iyumu mukwiinga micito yabo ilabakonkela.”

Bene Ebulu 11:26

Wakabona ayi kupenshekwa ceebo ca Usalitwe wakwe Lesa nkubotu kwiinda kuba abubile boonse bwa muIjipiti mukwiinga wakalinga kulangilabo cilambu ca kunembo.

1 Bene Tesalonika 5:14

Twamusenga alimwi nobamakwesu, ayi mucenjeshe batolo. Amuyumyeyumye beshiboowa, mucafwe balefukite alimwi bantu boonse kamubakalikila myoyo.

Mateyo 3:7

Ono Joni ndyaakabona baFalisi abaSaduki baanji kabesa kuli nguwe mukubombekwa, wakabaambila ayi, “Nobana ba nsoka mwebo! Ngani wamucenjesha kuloonda bukali bwakwe Lesa butoosa?

1 Bene Kolinto 4:14

Nshintoolembela ayi mulenshe nsoni, sombi kwaamba ayi mucenjesheeko mbuli bana bangu mboonsunishi.

Milimo ya Batumwi 20:31

Anu amucenjele. Kamwiingashila lyoonse ayi ndakapenshekwa abuumbi mashiku amalumwi alimwi nshikwe kucilekaawo kumwiisha noonse mulikoto lyanu kwamyaaka yotatwe.

Mateyo 6:18

kwaamba ayi kulikasha kulya kwanu kutaboneki kubantu, sombibo Ishiwanu utaboneki ngoweelete kwishiba. Lyalo Ishiwanu uyo ubona shabushishi, ulaakumulambula.

Tushimpi 11:18

Bamucita shibi taaku mpindu njebapekwaawo, sombi bacita shiluleme balapekwa shilambu.

2 Makani 19:10

Na bene mishaanu ba kundabala imwi baleta mulandu wakucaya muntu nabi mulandu umwi wakusotoka milawo nabi milasho, mulyeelete kubacenjesha kwaamba ayi batabishishi Mwaami Lesa pakoombolosha. Na mwabula kucita boobo, mwebo abene mishaanu mulaakunyumfwa cilemeneshi ca bukali bwa Mwaami Lesa. Sombi na munoocita boobo, teshi mukabeewo amulandu.

Mateyo 6:6

Sombi mwebo pakupaila, amunjile muŋanda yanu akucala kumulyango, lyalo mupaile kuli Ishiwanu utaboneki. Ishiwanu ubona shabushishi ulaakumulambula.

Kulumbaisha 119:72

Mulawo ngomwakampa ngubotu kwiinda kupekwa shuulu sha golodi asilifa.

Kulumbaisha 119:103

Maswi anu alicite mise abuumbi mumulomo wangu, ncakwiila alicite mise kwiinda buuci.

Tushimpi 24:14

Ono shiba alimwi ayi busongo bulicite mise anga mbuuci kubuumi bwako. Na wacana busongo, ingayi kunembo lya buumi bwako koonse kwatuba akulangila kwako teshi kukeelebo munshila.

Esekelo 3:3

Kuswawaawo wakaŋambila ayi, “Webo omuntu, kolya cakulembelaawo ici ncindakupa. Lifumo lyako lisushebo ncico.” Aboobo ndakacilya. Cakulembelaawo ico cakalinga kucite mise anga mbuuci pakucilya.