Kulumbaisha 18:9 - Baibo Busansulushi Bwa Libuku Ili

⁹ Mwaami Lesa wakapensula liculu akwisa panshi. Kuunshi kwa myeendo yakwe kwakalinga makumbi ashiya mbi.

Kulumbaisha 18:9 Referans Kwoze

Dutolonomi 33:26

Nobene Isilaeli, taaku lesa umwi uli anga nguLesa wanu, uyo weendeenda mwiculu mubulemu bwakwe, uleendeenda mumakumbi ayi amucaafwe.

Ciyubululo 20:11

Mpomunyaawo ndakabona cuuna ca bwaami cituba cinene alimwi awooyo wakalinga kushiiteewo. Cishi ca panshi alimwi aliculu shakacica kuswa kuli nguwe. Mpeeke tashikwe kubonekaawo alimwi.

2 Pita 3:10

Sombi Bushiku bwakwisa kwa Mwaami, bulaakwisa anga ngumwiipi. PaBushiku ubo, liculu lilaakumana acoongo cinene, shintu shoonse sha kwiculu shilaakupya akunyonyoolwa, acalo cishi ca panshi ashintu shoonse shiliimo shilaakupya.

Bene Ebulu 12:26

Paciindi ico, liswi lyakwe Lesa lyakatenkaanya cishi ca panshi, sombi bulya wakashomesha ayi, “Ndaakutenkaanya cishi alimwi, ono kuteshi cishi ceenka, sombi aliculu alyalo.”

Joni 13:7

Jesu wakakumbula ayi, “Inga tooshibi ncentoocita bulya, sombi ulaakucishiba kunembo.”

Maako 15:33

Lisuba ndilyakashika pakati ka mutwi, kwakaba munshinshe mucishi coonse kushikila 3 koloko malumwi.

Mateyo 24:29

“Na akamanebo mapensho a nshiku isho, lisuba lilaakubabo munshinshe, mweenshi ulaakucileka kumunika, nyenyeenshi shilaakuloka kuswa mwiculu, ashalo nkusu sha mwiculu shilaakutenkaanishikwa.

Jowelo 3:16

Mwaami Lesa ulaakubuluma kuKalundu ka Siyoni akululuma kuswa kundabala inene ya Jelusalemu. Lyalo cishi ca panshi aliculu shilaakutenkaana. Sombi Mwaami Lesa ulaakuba ciyubilo ca bantu bakwe, ee, ulaakufuna bantu bakwe bene Isilaeli.

2 Samwelo 22:10

Mwaami Lesa wakapensula liculu akwisa panshi. Kuunshi kwa myeendo yakwe kwakalinga makumbi ashiya mbi.

Isaya 51:6

Ono amulange kwiculu, mulange apacishi ca panshi. Liculu lilaakushiminganabo anga mbwiishi. Cishi ca panshi cilaakusansookabo anga ncakufwala abalo abo bekalaamo, balaakumana kufwabo anga mbaloonshi. Sombi lupulusho lwangu ndwalyoonse alyoonse alimwi kufuna kwanu teshi kukeelebo waawo peenka, sobwe.

Kulumbaisha 68:4

Amwiimbile Lesa, mwiimbe nyimbo shakulumbaisha liina lyakwe. Amwiimbishe kulumbaisha wooyo weendela pamakumbi, liina lyakwe nguMwaami Lesa, amusangalale pameenso akwe!

Kulonga 19:18

Kalundu ka Sinayi koonse kakalinga kuswitebo bwiishi mukwiinga Mwaami Lesa wakaselukila pali nkako mumulilo. Bwiishi bwakalinga kuya mwiculu anga mbwiishi bwa mumunyumbi alimwi kalundu koonse kakatenkaana abuumbi.

Kulumbaisha 50:3

Lesa wesu utoosa, sombi kuteshi buumwite. Mulilo ubilima, ukali, ulibo muliimfwa lyakwe. Acalo cipuupu ciyoosha cilimushingulukite.

Kulumbaisha 97:3

Mulilo uleendela kunembo lyakwe. Ulaya citenta balwani bakwe mumbasu shoonse.

Isaya 66:15

Amubone Mwaami Lesa waashika amulilo! Cikoci cakwe ca nkondo cilibo anga nkapupuulwa. Utoosa calunteente mukutondesha bukali bwakwe ee, kukalooka kwakwe kulaakuba anga nkwa mulilo.