Kulumbaisha 17:1 - Baibo Busansulushi Bwa Libuku Ili

¹ NoBaami baLesa, amukutike kupaila kwangu kwabululami amukutike kulila kwangu. Amuteye kutwi kwanu kumupailo wangu uyu, mupailo utooswa mumulomo mutaamu bubeshi.

Kulumbaisha 17:1 Referans Kwoze

Kulumbaisha 142:6

Amunyumfwe kulila kwangu, ceebo ndipengete abuumbi. Amumfuune kuli baabo batoompensha, mumfuune ceebo banyinda nkusu.

Kulumbaisha 61:1

NobaLesa amunyumfwe kulila kwangu. Amukutike mupailo wangu.

1 Joni 3:21

Aboobo nomusunikwi, na myoyo yesu teetushinini, nkokwaamba ayi inga tweemikana pameenso akwe Lesa cakubula boowa.

Mateyo 15:8

‘Aba bantu balandemekabo pamulomo sombi myoyo yabo ili kulaale anebo.

Kulumbaisha 145:18

Mwaami Lesa uli pafwaafwi kubaabo bamwiita, ndushinisho uli pafwaafwi kubaabo bamwiita calushinisho.

Isaya 29:13

Mwaami Lesa ulaamba ayi, “Aba bantu balaba pafwaafwi anebo mukwaamba, balandemekabo pamulomo, sombi myoyo yabo ili kulaale anebo. Kupaila nkobampaila, taaku mbokubete mukwiinga baleeisha milawo ipangabo bantu anga njemilawo yakwe Lesa.

Kulumbaisha 142:1

Ndalilila Mwaami Lesa muliswi lya peculu. Ndoolobesha kuMwaami Lesa ayi amfwite nkumbu.

Kulumbaisha 140:12

NoBaami baLesa, ndishi kwaamba ayi mulafuninina bakandu, akwiimikanina bataaku mbobabete ayi batanyengelelwi.

Kulumbaisha 86:1

NoBaami baLesa, amuteye kutwi akunkumbula, mukwiinga ndi mukandu alimwi taaku mboombete.

Kulumbaisha 66:19

Ono Lesa ndushinisho wankutika, akunyumfwa mupailo wangu.

Kulumbaisha 43:1

NobaLesa amutondeshe ayi nebo nshicite mulandu. Amumfuninineeko mucikani ici kumushobo uyu wa bakunsengwe. Amumfuune kuswa kubantu babeshi alimwi bamucita shibi.

Kulumbaisha 18:20

Mwaami Lesa wanambula ceebo ndacita shiluleme. Wampa coolwe mukwiinga nshicite mulandu.

Kulumbaisha 7:8

Mwebo muloombolosha mishobo yoonse, Amuŋomboloshe kweelana akululama kwangu noBaami baLesa, ee, kweelana akubula kampenda kwangu mwebo noMwiindaawo.

2 Makani 7:15

Ndaakunoolama Ŋanda yangu iyi alimwi akunoonyumfwa mipailo iyo njeshi mukanoopaila muli njiyo.

Kulumbaisha 5:2

Amunyumfwe kulila kwangu nobaLesa bangu, noBaami bangu, mukwiinga ndapaila kuli ndimwe.

Joni 1:47

Ono Jesu ndyaakabona Natanaelo keesa kuli nguwe wakaamba ayi, “Anooyu mwine Isilaeli wancinencine, muli nguwe taamu kampenda.”

Kulumbaisha 18:44

Ee, na banyumfwa liswi lyangu balanyumfwila. Baswamashi balamfukamina mukumpa bulemu.

Neyemiya 1:6

Amumboone noBaami baLesa akuteya matwi anu kwaamba ayi munyumfwe mupailo wangu nemusebenshi wanu uyo ngoontoopaila kunembo lyanu malumwi amashiku pabasebenshi banu bene Isilaeli. Ndalyaambilila shibiibi shesu sobene Isilaeli, nebo abamuŋanda ya bata, nshetwakamubishisha.

Jelemiya 3:10

Nakubi boobo, Juda mukwabo Isilaeli mwanakashi utashomeki taakwe kwisa kuli ndime camoyo wakwe woonse. Sombi wakesabo cakweena. Nebo neMwaami Lesa ndaamba.”

2 Samwelo 22:24

Ndeenda kaantacite kampenda pameenso akwe, alimwi ndalitalamusha kushibiibi shoonse.

Jobo 16:17

Sombi nshiciteewo mulandu wakucisa bantu alimwi mupailo wangu kuli Lesa ngwa lushinisho.

Kulumbaisha 54:4

Sombi Lesa ncakwiila ngooncafwa. Mwaami Lesa ngoolama buumi bwangu.

Kulumbaisha 55:18

Ulampulusha kuswa munkondo njeendwana kwakubulaawo acimenga, nakubi kwaamba ayi mbaanji bampinga.

Kulumbaisha 61:2

Ncakwiila kuno kulaale akumisheesu ntoolila kuli ndimwe, moyo wangu walemenwa buumba. Mwebo nobeene amuntole kuciyubilo kutaaku cakulisukama.

Kulumbaisha 84:9

Amubone liyawo lyesu, nobaLesa. Amunyumfwile nkumbu uyo ngomwakasala kuba mwaami!

Kulumbaisha 86:6

Amunyumfwe kusenga kwangu noBaami baLesa, amunyumfwe kulila kwangu kwakusenga lucafwo.

Kulumbaisha 88:3

Buumi bwangu bwesula mapensho, cakwaamba ayi ndi pafwaafwi akufwa.

Kulumbaisha 102:2

Mutamfutatili muciindi ndyeendi mumapensho, amuteye kutwi wanu kuli ndime. Na ndamulilila amufwambaane kunkumbula.

Kulumbaisha 143:1

NoBaami baLesa, amunyumfwe mupailo wangu, amunyumfwe mboontoomulilila akunyumfwila nkumbu. Amumfuune kwiinda mukushomeka kwanu abululami bwanu.