Kulumbaisha 16:10 - Baibo Busansulushi Bwa Libuku Ili

¹⁰ Mukwiinga teshi mukandekeleshe ayi nkanoolibo mumusena wa bafu, nabi kulekelesha Usalalite wanu ayi abole.

Kulumbaisha 16:10 Referans Kwoze

Kulumbaisha 49:15

Sombi Lesa nebo ulaakumpulusha kuswa munkusu sha lufu. Ncakwiila nebo ulaakutambula.

Ciyubululo 1:18

Ndime Wooyo Muumi! Ndakalinga kufwite, sombi ndi muumi ono, alimwi ndaakunoolibo muumi lyoonsebo. Ndicite nkusu palufu alimwi amusena wa bafu.

Ciyubululo 20:13

Lweenge alwalo lwakakusha bafu bakalinga muli ndulo. Lufu alimwi amusena wa bafu ashalo shakakusha bafu bakalinga muli nshisho. Boonse bakoomboloshekwa kweelana amicito yabo.

Luka 16:23

Mpeeke mubile uyo ndyaakalinga mumusena wa bafu, kaapenga cancinencine, wakalanga kwiculu akubona Lasalo kaali kulubasu lwakwe Abulaamu palaale.

Luka 1:35

Munjelo wakakumbula ayi, “Mushimu Usalashi ulaakwisa pali ndiwe ankusu shakwe Lesa wiindaawo shilaakukufwekelela. Aboobo mwaana usalalite eshi akashalwe, ulaakunokwiitwa ayi Mwanaakwe Lesa.

Isaya 14:9

“Ncakwiila musena wa bafu walibambila kukutambula. Weemika mishimu ya baabo bakafwa kale kale, ee, mishimu ya baabo boonse bakalinga bamatanjilili kwaamba ayi ikwaanshe. Ee, weemika boonse abo bakalinga bamaami kuswa pashuuna shabo sha bwaami.

Dutolonomi 32:22

Bukali bwangu bulaakunoonyaka anga ngumulilo kuya mukushika akumusena wa bafu. Ulaakunyonyoola cishi ca panshi ashisepo sha ncico, akukumika lwiimbi lwa tulundu.

1 Bene Kolinto 15:42

Mbweeke ubo mbweshi kukabe pakubushikwa kuswa kubafu. Mubili ngotubika mucuumbwe ngumubili ubola, sombi ndyoobushikwa ulaba mubili utabooli.

Shakubelenga 6:6

Mukwikala kwakwe koonse kwakulibenga kuMwaami Lesa, teelete kusena pafwaafwi amutuntu.

Bene Lefi 19:28

alimwi tamweelete kulyaanda akulinengoola pamibili ayi mulambile bafu. Nebo ndime Mwaami Lesa.

Luka 4:34

“Anu twamucitanshi mwebo nobaJesu ba kuNasaleti? Sa mwesa mukutunyonyoola? Ndimwishi ndimwe wooyo Usalalite uswa kuli Lesa!”

Amosi 9:2

Nabi bakakaabe panshi kushika kumusena wa bafu, lyaansa lyangu lilaakubakushaako uko. Nabi bakataante kushika kwiculu, nebo ndaakubaselushaako.

Danyelo 9:24

“Myaaka ili 70 kufushikwa mankanda ali 7, nceciindi Lesa ncaapimina bene mishaanu andabala yanu isalalite kwaamba ayi bakaanguluke kuswa kushibiibi akububi. Shibiibi shilaakulekelelwa abululami butamaani bulaakulengeshekwa kwikalilila kwaamba ayi cili anga nciloto amakani a bulaluki shikacitike cancinencine ayalo Ŋanda yakwe Lesa ilaakusalashikwa alimwi.

Isaya 5:14

Paceebo ceeco cuumbwe calakaminaako alimwi cilicitekobo kwiita. Ncakwiila cilaakumina bacinenenene ba muJelusalemu abantubo bamwi baanji, ee, beshinkondo abamukondwa kumangweengwe.

Tushimpi 27:20

Lufu akunyonyoola tashikutiiwo, mbweeke ubo aalo meenso taakuti.

Tushimpi 15:11

Ono na musena wa bafu ulibo patuba pameenso a Mwaami Lesa, ino myoyo ya bantu inga yashiswa buyani kuli Lesa?

Kulumbaisha 139:8

Nabi ndaamba ayi ntante kwiculu mwebo nkomuli, nabi ndaamba ayi nje mumusena wa bafu mwebo nkomuli.

Kulumbaisha 9:17

Lufu nkokweela nshila ya bamucita shibi, njenshila ya baabo boonse bakaka Lesa.

Jobo 11:8

Busongo bwakwe mbulaamfu kwiinda peela liculu, ono webo inga wacitanshi? Kuya panshi buleendilila pamusena wabafu, ono webo inga weshibanshi?