Kulumbaisha 146:9 - Baibo Busansulushi Bwa Libuku Ili

⁹ Mwaami Lesa ulalama baswamashi bekala pakati lyesu. Uleemikanina bamukalubinje abana banshiwa. Sombi ulapilinganya buumi bwa bamucita shibi.

Kulumbaisha 146:9 Referans Kwoze

Kulumbaisha 68:5

Ngumushali ulama bana banshiwa alimwi wiimikanina bamukalubinje. NguLesa uyo ukala mumusena wakwe usalalite.

Kulumbaisha 147:6

Mwaami Lesa ngoosumpula baliceesha, sombi ulalyatoola bamucita shibi.

Malaki 3:5

Mwaami Lesa Shinkusu shoonse utokwaamba ayi, “Ndaakwisa pakati kanu cakutasowa ciindi mukoombolosha. Ndaakushinina beshimampelampela, beshibulale, beshikupa bukamboni bwakubeca, banyengelela beshincito pamaali ngobafola, abaabo banyengelela bamukalubinje banakashi, bana banshiwa alimwi abaswamashi. Nkokwaamba ayi ndaakushinina boonse batandemeki.

Jelemiya 49:11

Amushiye banabanshiwa banu, ndaakubalama. Bamukalubinje banu abalo balakonsha kucinka manungo muli ndime.”

Tushimpi 15:25

Mwaami Lesa ulamwayulula ŋanda ya shikulisumpula, sombi ulatabilila buboni bwa mukalubinje.

Jemusi 1:27

Kupaila kwiine kwiine kutacite kampenda pameenso akwe Lesa Ishiwesu, nkwakulama bana banshiwa abamukalubinje banakashi mumapensho abo. Peculu lya waawo, nkuloonda shibiibi sha mucishi ca panshi ayi inga shamubisha.

Tushimpi 4:19

Sombi nshila ya bamucita shibi ili anga ngumunshinshe ushiya mbi cakwaamba ayi tabashibi anshebaya bulisuntulaako.

Kulumbaisha 145:20

Mwaami Lesa ulatabilila boonse abo bamusuni, sombi bamucita shibi boonse ulaakubanyonyoola.

1 Bene Kolinto 3:19

Ceebo busongo bwa buntu mbuluya mumeenso akwe Lesa. Bweenka bwaamba Malembo akwe Lesa ayi, “Lesa ulacatisha basongo mubucenjeshi bwabo.”

Osiya 14:3

Bene Asilya tabakoonshi kutupulusha. Maaki a nkondo taakoonshi kututabilila. Teshi tukaambewo tubili kusheesho shakapanga maanseesu ayi, ‘Balesa besu’ mukwiinga muli ndimwe bana banshiwa mobacana nkumbu.”

Kulumbaisha 18:26

Mulisalalite kubaabo basalalite kuli ndimwe. Sombi kubaabo bataluleme pameenso anu, muli bakali.

Esita 9:25

Sombi makani aya akanyumfwika Esita ndyaakaya kumwaami. Lyalo mwaami wakalemba mulawo wakukasha muyeeyo wakwe Amani pabaJuda uyo wakamuboolela mwiine. Nkokwaamba ayi lakwe abana bakwe basankwa bakaangililwa pashisamu shakwaangililawo bantu.

Esita 7:10

Aboobo Amani wakaangililwa pashisamu isho nshaakashimpikila Modekayi. Lyalo abukali bwa mwaami mpobwakamanina.

Esita 5:14

Lyalo mukaakwe Seleshi ababye boonse bakamwaambila ayi, “Ceebonshi tamutooshimpikabo shisamu shakwaangililawo bantu shilaampa mamita ali 22? Lyalo ciilo macuunsa mukaambile Baami kwaamba ayi Modekayi acailweewo. Kuswawaawo mukaye kamusangalete abaami kukusekelela.” Makani aya akakonda Amani, aboobo wakacita bweenka ubo.

2 Samwelo 17:23

Ono Ayitofelo ndyaakabona ayi muyeeyo wakwe wakakwa, wakabika cakwikalaawo pambongolo yakwe akuya kuŋanda yakwe mundabala ine mishaabo. Mpeeke ndyaakamana kubamba shakalinga kweelete muŋanda yakwe, wakalyaangilila. Aboobo wakafwa akubikwa mucuumbwe ca baishi.

2 Samwelo 15:31

Ono Defedi wakalwiitikwa ayi pabaabo batookonkela aAbusalomu, Ayitofelo alakwe mpwaali. Mpomunyaawo Defedi wakapaila ayi, “NoBaami baLesa amumunyaaye busongo bwakupanda maano kwaamba ayi anokwaambabo shifwite.”

Dutolonomi 16:11

Mwebo pantu pomwi abana banu, basebenshi banu, bene Lefi, baswamashi, bana banshiwa alimwi abamukalubinje banakashi abo bekala mumandabalaanu, mulyeelete kusangalala kunembo lya Mwaami Lesa, Lesa wanu kumusena womwi uyo wakulambililaako.

Kulumbaisha 10:14

Nakubi boobo mwebo nobaLesa mulabona mapensho amakatasho oonse. Lyoonse mulekala kamulibambite kucafwa. Bataaku mbobabete balalibika mumaansaanu, mukwiinga mwebo ndimwe mucafwa bapengete.