Kulumbaisha 142:4 - Baibo Busansulushi Bwa Libuku Ili

⁴ Amulange kulyaansa lyangu lyalulyo, mutoobona ayi taakuuwo nabi womwi umbikaako maano. Ndushinisho taaku nkweenga ndaya mukuyuba. Taaku utoolama buumi bwangu.

Kulumbaisha 142:4 Referans Kwoze

Jelemiya 30:17

Sombi mwebo ndaakumupa buumi akushilika shilonda shanu nabi balwani banu balaamba ayi, ‘Siyoni wakasuulwa, taakuuwo nabi womwi umulama.’ Nebo neMwaami Lesa ndaamba.”

Kulumbaisha 88:18

Mwantalamushisha beensuma abamakwesu. Munshinshe ushiya mbi ngomweensuma weenkabo wacalaawo.

Kulumbaisha 31:11

Balwani bangu boonse balanshibuluka, abalo beshikamukobonyinaangu balanaama. Beensuma boonse batalika kunoonda, kulilabo kumbona mumukwakwa, nkucica.

Mateyo 26:56

Sombi shoonse ishi shacitika kwaamba ayi shakalemba balaluki bakulukulu shicitike cancinencine.” Mpeeke bashikwiiya bakwe boonse bakamupalangana, bamushiya eenka.

Kulumbaisha 88:8

Mwalengesha beensuma kunsuula, ndaba cintu cilensha bunya kuli mbabo. Ndi anga ngumukaili utakoonshi kuloboka.

Kulumbaisha 69:20

Matushi apensha moyo wangu abuumbi alimwi ndi mubuumba. Ndakalinga kulangila kunyumfwilwa nkumbu, sombi napaceyuubo. Ndakalinga kulangila kuyuminishikwa, sombi nakuceyuubo.

2 Timoti 4:16

Paciindi ndindakataanguna koomboloshekwa, taaku wakesa mukuncafwaako. Boonse bakampalangana. Lesa abalekelele!

1 Samwelo 27:1

Ono Defedi wakalyaamboosha mumoyo wakwe ayi, “Bumwi bushiku Saulo ulaakuncaya, taaku ceenda kubota kwiinda kulobokela kucishi ca bene Filisiti. Lyalo Saulo cilaakumulensha butolo kunyandoola kuli koonse mucishi ca Isilaeli. Munshila iyi ndaakufuna buumi bwangu.”

Jelemiya 25:35

Beembeshi balaakubula kwakulobokela, bamatanjilili teshi bakabonewo kwakucicila.

Jobo 11:20

Sombi bamucita shibi balaakulemabo kulangoola lucafwo, teshi bakabeewo amusena wakulobokelaako. Nceshi bakanoolindilabo nkutula moyo.”

Kulumbaisha 1:6

Ncakwiila Mwaami Lesa ulalama baluleme, sombi bamucita shibi balilulemebo mukunyonyooka.

Kulumbaisha 140:6

Nobaami baLesa, ndaamba ayi, “Ndimwe baLesa bangu.” NoBaami baLesa, amunyumfwe mboontoomulilila ayi muncaafwe.

Kulumbaisha 141:9

Amuntabilile kutoose ntobanteyete, ee, kuswa kutukuka twa bamucita shibi.

Kulumbaisha 143:4

Aboobo moyo wangu watyongola, ncakwiila moyo wangu woongumana.

Jelemiya 18:22

Mibila ainyumfwike mumaandaabo mwaakubatumina beshikubalwana cakuteengashila, mukwiinga balo bankabila cilindi ayi ngwiteemo. akuteya toose ayi bancatishe kumyeendo.

Jona 2:8

“Abo balambila shibumbwabumbwa shitacite ncito, baleendwa nkumbu sheelete kuba shinebo.