Kulumbaisha 14:3 - Baibo Busansulushi Bwa Libuku Ili

³ Sombi taaku nabi womwi ululeme, bantu boonse baba bamucita shibi. Taaku aucita shibotu, ncakwiila taaku nabibo womwi.

Kulumbaisha 14:3 Referans Kwoze

Isaya 53:6

Ono swebo soonse twasoweka mbuli mbelele, ncakwiila womwi awomwi watola nshila yakwe. Sombi Mwaami Lesa watubweselaako shibiibi shesu swebo soonse.

Isaya 64:6

Soonse twalinga kubisha kuswabo kale kale. Nabi micito yesu ibotu ilibo anga ncakufwala cishipite citoonunka. Twanyana kushibiibi shesu cakuba anga nditewu alimwi shibiibi shesu nshemunya shitootuululusha anga ncipuupu.

Bene Loma 3:23

ceebo bantu boonse bakabisha akulela kubulemu bwakwe Lesa.

Kulumbaisha 14:1

Baluya mumyoyo yabo balaamba ayi, “Taaku Lesa.” Bantu abo mbamucita shibi, micito yabo njibiibi. Ncakwiila taaku ucita shibotu nabi womwi.

Jobo 14:4

Anu ngani ukonsha kukusha cintu cisalalite kuswa mucintu citasalalite? Ncakwiila taaku nabi womwi weenga wacita boobo.

Kulumbaisha 58:3

Anu bamucita shibi balalubabo kabacimititwe. Mbeshikubishabo akubeca kuswa kukushalwa kwabo.

Bene Efeso 2:3

Ncakwiila aswebo soonse mbotwakalinga mbomunya ubo alimwi twakalinga kwikala mubuumi bwakulisangalasha sobeene. Twakalinga kucita shintu shiyanda mibili amiyeeyo yesu. Mubuumi ubo, twakalinga kweelete kutondeshekwa bukali bwakwe Lesa kweelana abantu bamwi boonse.

Kulumbaisha 143:2

Mutaŋomboloshi nemusebenshi wanu ceebo taaku muntu muumi ululeme pameenso anu.

Esekelo 36:25

Ndaakumusanseela maanshi asalalite mukusalasha kuswa kusheesho shoonse shakamubisha alimwi ashibumbwabumbwa shanu.

Jelemiya 2:13

Bantu bangu bakacita shibiibi shobilo. Bamfutatila nebo nekantupu ka buumi akulikabila mikalo yabo beene, mikalo itakoonshi kusunga amaanshi.

2 Bene Kolinto 7:1

Ono nomusunikwi, Lesa wakashomesha shintu shoonse ishi kuli ndiswe. Aboobo atulisalashe kushintu shoonse shibisha mibili amyoyo yesu. Kwiinda mukulemeka Lesa, atweeleshe kwikala buumi busalalite pameenso akwe.

Kulumbaisha 119:176

Ndeengaila anga nimbelele isowekete. Amunyandoole nemusebenshi wanu, ceebo nshilubiiko milawo yanu.

Shikushimikila 7:29

Ncendakacanabo nceeci: Lesa wakalenga muntu kaaluleme, sombi bantu beene balipilinganya ashintu shiinji.”

Kulumbaisha 38:5

Shiloonda shangu shitooya ciindaawo kutopota akununka, ceebobo ca buluya bwangu.

Dutolonomi 1:35

‘Taaku muntu nabi womwi pakati kanu nobamucita shibi ba cecino ciindi, eshi akenjile mucishi ca bulongo bubotu, ico ncendakashomesha bamashali banu bakulukulu.

1 Bene Kolinto 6:5

Ndaamba boobo kwaamba ayi munyumfwe nsoni. Sa ncakwiila mutoondwiita ayi taaku nabi womwi musongo pakati kanu weenga woombolosha bashominyina?

Jobo 15:16

ino mbuyani kumuntu ulensha nsoni alimwi shikubisha? Ndushinisho kumuntu kubisha kulibo anga nkunwa maanshi!

Kulonga 12:30

Pabushiku ubo mbomunya mashiku mwaami Falawo, bacinenenene bakwe alimwi abene Ijipiti boonse bakabushikwa. Mwakalinga kulila kunene abuumbi mucishi coonse ca Ijipiti mukwiinga tekwakalinga ŋanda nabi yomwi umo mwatakalinga mwaana musankwa ufwite.

Kulonga 8:31

Alakwe Mwaami Lesa wakacita kweelana abwakasenga Mose. Aboobo baloonshi bakaswaawo pamwaami, bacinenenene bakwe alimwi abantu ba mucishi cakwe. Taaku loonshi nabi womwi wakacaala.

Matalikilo 6:12

Lesa wakabona cishi ca panshi mbocakalinga canjila mucibiibi mukwiinga bantu boonse bakalinga kucitabo shibiibi.

Shikushimikila 7:20

Taaku muntu ululeme pacishi ca panshi uyo ucita shintu shiluleme, kutabishaawo napaceyi.