Kulumbaisha 135:4 - Baibo Busansulushi Bwa Libuku Ili

⁴ Mwaami Lesa wakasala Jakobo kuba wakwe, wakasala Isilaeli ayi mbuboni bwakwe mbwaasunishi.

Kulumbaisha 135:4 Referans Kwoze

1 Pita 2:9

Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.

Dutolonomi 10:15

Ono lusuno lwa Mwaami Lesa pabamashali banu bakulukulu lwakalinga lunene abuumbi, cakwaamba ayi wakasala mwebo kuba bantu bakwe kuleka bamwi boonse alimwi mucili bantu bakwe asunu.

Malaki 3:17

Mwaami Lesa ulaamba ayi, “Balaakuba bantu bangu pabushiku ubo ndyeshi nkaciyeeye. Ncakwiila balaakuba bantu bangu nemwiine. Ndaakubanyumfwila nkumbu, bweenka mushali musankwa mbwaanyumfwila nkumbu mwanaakwe musankwa umusebensela.

Isaya 41:8

“Sombi mwebo nobene Isilaeli nobasebenshi bangu, nobamulunyungu lwakwe Jakobo, bantu mbondakasala, ee, nobamulunyungu lwakwe Abulaamu mweensuma,

Kulumbaisha 105:6

Kamushiibaluka nobamulunyungu lwakwe Abulaamu musebenshi wakwe, Nobamulunyungu lwakwe Jakobo, mwebo nomwakasalwa.

Kulumbaisha 33:12

Ulicite coolwe mushobo ucite Lesa ayi ngoMwaami Lesa wabo. Ncakwiila mushobo wa bantu abo mbwaakasala kutambula shintu nshaakashomesha.

1 Samwelo 12:22

Mwaami Lesa wakashomesha cakulumbila ayi teshi akamushiyeewo mukwiinga cakamukonda kwaamba ayi mwebo mube bantu bakwe.

Dutolonomi 32:9

Ceebo cipansha ca Mwaami Lesa mbantu bakwe, ncakwiila bamulunyungu lwakwe Jakobo ncipansha cakwe.

Taitasi 2:14

Lakwe uyo wakalibenga kutufuna kububi boonse akutusalasha kwaamba ayi tube bantu bakwe beene abo balibambite kucita shibotu.

Dutolonomi 26:18

Alakwe pabushiku bwasunu Mwaami Lesa, Lesa wanu wasumina ayi muli bantu bakwe mwiine, kweelana ambwaakashomesha. Paceebo ceeco wamwaambila ayi munoolama milawo yakwe yoonse.

Jelemiya 51:19

Lesa wa bamulunyungu lwakwe Jakobo taaeleneewo ambabo ceebo lakwe ngowakalenga shintu shoonse. Wakasala bene Isilaeli ayi babe bantu bakwe. Mwaami Lesa Shinkusu shoonse ndyeliina lyakwe.