Kulumbaisha 127:3 - Baibo Busansulushi Bwa Libuku Ili

³ Baana ncipo kuswa kuMwaami Lesa, ncakwiila ncilambu ncaatupa.

Kulumbaisha 127:3 Referans Kwoze

Dutolonomi 28:4

“Mwaami Lesa ulaakumupa coolwe cakuba abaana baanji, shakulya shiinji alimwi aŋombe ambelele shiinji.

1 Samwelo 1:27

Ndakasenga mwaana uyu kuswa kuMwaami Lesa. Mpeeke wakakumbula kusenga kwangu.

Isaya 8:18

Ono bulya ndime abaana Mwaami Lesa mbwaakampa. Mwaami Lesa Shinkusu shoonse ucite cuuna ca bwaami paKalundu ka Siyoni, watutuma kwaamba ayi tube nkombe yakwe yuumi kubene Isilaeli.

Matalikilo 48:4

Wakandwiita ayi, ‘Ndakukupa baana baanji kwaamba ayi bamulunyungu lwako bakabe mishobo iinji. Ndaakupa bamulunyungu lwako cishi ici cikabe caabo muyayaya.’ ”

Matalikilo 33:5

Esau ndyaakacebooka akubona balutundu alimwi abaana wakeepusha ayi, “Mbaani bantu aba mbooli abo?” Jakobo wakakumbula ayi, “Nkambo, aba mbaana abo Lesa mbwaakampa ceebo ca luse lwakwe.”

Matalikilo 1:28

Lyalo Lesa wakabapa coolwe akubaambila ayi, “Amushalane mufule, akususha cishi ca panshi. Amweendeleshe inswi sha mumaanshi, bayuni bauluka ashilongolo shinene atuniini sheenda panshi shoonse.”

Matalikilo 24:60

Mpeeke bakapa coolwe Labeka mumaswi akwaamba ayi, “Onankashi yesu, koya ukashale shuulu ashuulu. Bana bako abakakonshe kukoma mandabala anene a balwani babo.”

1 Makani 28:5

Mwaami Lesa wakampa baana basankwa baanji. Kuswa pali mbabo wakasala Solomoni kwaamba ayi akalele cishi ca Isilaeli, bwaami bwa Mwaami Lesa.

Isaya 13:18

Balaakucaya basankwa bacikula bwangu amata abo. Teshi bakafwitewo nkumbu bakateta nabibo banike.

Matalikilo 4:1

Ono Adamu wakakumana aEfa mukaakwe, aboobo wakamita. Wakatumbuka mwaana musankwa. Mpeeke Efa wakaamba ayi, “Ndaba amwaana musankwa kwiinda munkusu shakwe Lesa.” Lyalo wakamupa liina ayi Kaini.

Dutolonomi 28:11

Mwaami Lesa ulaakumupa baana baanji, shifubwa shiinji alimwi ashakulya shiinji mucishi ico ncaakashomesha bamashali banu bakulukulu ayi ulaakumupa.

Boomboloshi 12:9

Ibisani wakalinga kucite baana basankwa makumi otatwe abaana banakashi abalo makumi otatwe. Wakeebesha bana bakwe banakashi kubasankwa ba kushipani sha mumukowa shimwi. Abalo baana basankwa wakabaletela banakashi makumi otatwe ba kushipani sha mumukowa shimwi. Ibisani wakalinga moomboloshi wa bene Isilaeli kwamyaaka yosanwe ayobilo.

2 Samwelo 3:5

wasanu awomwi nguItilimu muli Egila. Boonse baana basankwa aba Defedi wakabashalila muEbuloni.

1 Makani 8:40

Bana bakwe Ulamu basankwa bakalinga bashilumamba bacibwene kulwana amata. Wakalinga kucite baana basankwa abeshikulu baanji. Pantu pomwi bakalinga 150. Aba boonse bakalinga bamumukowa wakwe Benjameni.

Jobo 1:2

Wakalinga kucite baana basankwa bosanwe abobilo abaana banakashi botatwe.