Kulumbaisha 12:5 - Baibo Busansulushi Bwa Libuku Ili

⁵ Ono Mwaami Lesa waamba ayi, “Ceebo cakwaamba ayi balefukite balyatililwa, ceebo cakwaamba ayi bakandu batongela, ntoonyamuka akubafuna kweelana ambobatoolila.”

Kulumbaisha 12:5 Referans Kwoze

Kulumbaisha 34:6

Mupenshi ndyaakasenga, Mwaami Lesa wakamukumbula akumanisha mapensho akwe oonse.

Tushimpi 14:31

Muntu uyo useka mubye mukandu, ingayi ulanyansha Mulengi wakwe, sombi uyo woonse ufwita nkumbu mukandu, ulalemeka Lesa.

Jemusi 5:4

Abo batebula mumyuunda yanu tamukwe kubafoleshawo kale. Ono amunyumfwe mbobatootongooka! Kulilishaanya kwa bantu abo, Mwaami Lesa Shinkusu shoonse wakunyumfwa.

Isaya 33:10

Mwaami Lesa utokwaamba ayi, “Ono ntoonyamuka, ee, ntoomutondesha nkusu shangu. Lyalo ntooba abulemu.

Jobo 5:15

Sombi Lesa ulafuna bakandu kuswa kubalwani babo alimwi ulabafuna kuswa kubantu beshinkusu.

Kulumbaisha 10:12

NoBaami baLesa amupe mulandu bantu babiibi abo! Ncakwiila amwiibaluke akubona baabo batoopenga.

Jobo 5:21

Lesa ulaakukufuna kuswa kubeshikucaya meena alimwi tooelete kuloonda muciindi cakunyonyoolwa.

Isaya 19:20

Shintu isho shilaakuba shitondesho kwaamba ayi Mwaami Lesa Shinkusu shoonse mwaali muIjipiti. Bushiku baakulyatililwa, na bakalilile Mwaami Lesa ayi abacaafwe, ncakwiila ulaakubatumina weshi akabafuune akubapulusha.

Esekelo 18:18

Sombi baishi balaakufwita shibiibi shabo beene ceebo bakalinga kucenjeeka, kupamba akucita shintu shibiibi pakati ka bene mishaabo.

Shikushimikila 5:8

Na waboona muntu mupenshi kaalyatililwa mucishi akumulita masuku pamutwi mushintu shoonse, utakankamani. Ceebo wacinenenene womwi uleendeleshekwa kuumwi umwiindaawo alimwi boonse bobilo aba kuli bacinenenene babeendelesha.

Shikushimikila 4:1

Ndakalangilisha alimwi akubona kulyatililana kucitika pacishi ca panshi. Ndakabona minsonshi ya bantu balyatililwa, tebakalinga kucite abeshikuboombulusha. Ndakabona ayi nkusu shakalinga kubaabo bakalinga kubalyatilila. Ncakwiila tebakalinga kucite abeshikuboombulusha.

Kulumbaisha 10:18

Ncakwiila muleemikanina bana banshiwa abaabo balyatililwa, kwaamba ayi muntubo uli mbuli bamwi boonse, acileeke kulengesha babye boowa.

Kulumbaisha 10:5

Sombi balo balaswitilila mushintu shoonse. Aboobo milawo yakwe Lesa ili kulaale ambabo. Paceebo ceeco balwani babo boonse balababonabo anga ngukabwa wamucila.

Boomboloshi 10:16

Kuswawaawo bakacileka kukonkela balesa bamwi akutalika kusebensela Mwaami Lesa alimwi. Aboobo wakabafwita nkumbu kumapensho ngobakalinga kucite.

Kulonga 5:2

Lyalo Falawo wakabeepusha ayi, “Ino Mwaami Lesa uyo ngweshi nyumfwile akuleka bene Isilaeli ayi banooya ngani? Mwaami Lesa uyo nshimwishiiwo, alimwi bene Isilaeli teshi mbalekeewo.”

Kulumbaisha 31:19

Nshiinji shintu shibotu nshemwakabambila bamulemeka, shintu nshemucitila bantu bacicila kuli ndimwe. Shintu isho shilibwenekete kumuntu uli woonse.

Kulumbaisha 73:8

Balaseka bantu bamwi akwaamba shintu shibiibi. Balalisumpula akupangana kulyatilila bamwi.

Tushimpi 18:21

Nshewaamba shilakonsha kukupa buumi nabi kukucaisha, ee, muntu ulyeelete kutambula shisepo sha maswi ngwaamba.

Osiya 7:16

Bantu aba tabasandukili kuli ndime neMwaami Lesa Shinkusu shoonse. Ncakwiila kutashomeka kwabo kulibo anga nkwa buta busendeme. Ono bamatanjilili babo balaakucaikwa kunkondo ceebo ca maswi a mucobwe ngobasebensesha. Paceebo ceeco balaakusekwa abuumbi kubene Ijipiti.”