Kulumbaisha 119:1 - Baibo Busansulushi Bwa Libuku Ili

¹ Balicite coolwe abo bekala cakubula kampenda, abo bacita kweelana amilawo ya Mwaami Lesa.

Kulumbaisha 119:1 Referans Kwoze

Luka 11:28

Sombi Jesu wakakumbula ayi, “Ee, sombi bacite coolwe cinene mbaabo banyumfwa maswi akwe Lesa akucita mbwaamba!”

Esekelo 11:20

Lyalo balaakukonkela milasho yangu alimwi akunyumfwila milawo yangu cakushomeka. Balaakuba bantu bangu, anebo ndaakuba Lesa wabo.

Jemusi 1:25

Milawo yakwe Lesa ililuleme alimwi ilapa lwaanguluko. Uyo woonse wiilangilisha cakuyanda kwiiya akutolelela kucita bweenka ubo alimwi cakutaluba sheesho nshaanyumfwa, sombi kushikonkela, Lesa ulaakumupa coolwe mushintu shoonse nshaacita.

Kulumbaisha 128:1

Balicite coolwe abo banyumfwila Mwaami Lesa, ncakwiila abo beenda munshila yakwe.

Joni 13:17

Ono bulya mbomweshiba shintu ishi, mulaakuba acoolwe na mukashiciite.

Luka 1:6

Boonse bobilo bakalinga bantu baluleme pameenso akwe Lesa, abo bakalinga kukonkela Milawo asheesho shoonse Lesa nshaakalinga kuyanda ayi bacite.

Kulumbaisha 112:1

Amulumbaishe Mwaami Lesa! Ulicite coolwe muntu uloonda Mwaami Lesa, muntu usangalala mukulama milawo yakwe.

Tushimpi 11:20

Mwaami Lesa ulipatite bacite miyeeyo ya bubi, sombi ulasangalalila mubaabo batacite tumpenda.

Milimo ya Batumwi 24:16

Paceebo ceeco, ndeelesha lyoonse kwikala buumi bubotu pameenso akwe Lesa alimwi abantu.

Kulumbaisha 101:2

Ndaakukonkela nshila shitacite kampenda. Ino mwebo mulaakwisa lili kuli ndime? Ndaakwikala muŋanda yangu kaantacite kampenda,

Osiya 14:9

Anu musongo ngani? Ngooyo weshi akeshibe shintu ishi. Anu ucite maano akunyumfwisha shintu ngani? Ngooyo weshi akanyumfwishe shintu ishi. Nshila sha Mwaami Lesa shililuleme. Baluleme baleendela mumo, sombi baashu balawa ceebo cakusuula nshila isho.

Ciyubululo 22:14

Balicite coolwe abo bacapa shakufwala shabo kwaamba ayi bakasuminishikwe kulya shisepo sha kucisamu cipa buumi alimwi akwinjila mundabala inene iyo.

Kulumbaisha 101:6

Sombi ndaakusuminisha bantu bashomeka mucishi, alimwi ndaakumusuminisha kwikala anebo. Uyo weenda cakubula kampenda ngweshi akansebensele.

2 Bene Kolinto 1:12

Ono kuli cintu comwi ncetukonsha kulilumbaishilaawo. Tulishi cakutatonsha ayi koonse koonse twakalinga kulilemeka cakubula kampenda akushomeka kweelana abuyanda Lesa, bunene bunene pakati kanu. Tetwakalinga kutanjililwa abusongo bwabuntu, sombi nkusu sha luse lwakwe Lesa.

Joni 1:47

Ono Jesu ndyaakabona Natanaelo keesa kuli nguwe wakaamba ayi, “Anooyu mwine Isilaeli wancinencine, muli nguwe taamu kampenda.”

Jobo 1:8

Mpomunyaawo Mwaami Lesa wakeepusha Satana ayi, “Sa wabonaawo musebenshi wangu Jobo? Ngumuntu utacite kampenda, ululeme, undemeka alimwi ushomeka kuli ndime.”

Jobo 1:1

Mucishi ca Usi mwakalinga muntu wakalinga kwiitwa ayi Jobo. Musankwa uyu taakalinga kucitewo kampenda nabi komwi alimwi wakalinga kululeme. Wakalinga kulemeka Lesa alimwi wakalinga kushomeka kuli nguwe.

2 Baami 20:3

“NoBaami baLesa, amwiingashile kwaamba ayi ndakalinga kumusebensela cakushomeka alimwi camoyo woonse. Lyoonse ndakalinga kucita shintu nshemwakalinga kusuni ayi ncite.” Kuswawaawo wakalila abuumbi.

Tushimpi 13:6

Bululami bulafuna muntu ushomeka, sombi kubisha kulawisha mucita shibi.

2 Samwelo 22:22

Ncakwiila ndakonkela nshila sha Mwaami Lesa, nshikwe kubisha kwiinda mukufutatila Lesa wangu.

Tushimpi 29:18

Kutaaku maswi abulaluki bantu balacileka kulilemeka, sombi ulicite coolwe uyo ukonkela milawo.