Kulumbaisha 11:7 - Baibo Busansulushi Bwa Libuku Ili

⁷ Ee, Mwaami Lesa uliluleme, ulisuni micito iluleme. Ncakwiila baluleme balaakumubona.

Kulumbaisha 11:7 Referans Kwoze

Ciyubululo 22:4

Balaakubona ciinso cakwe alimwi liina lyakwe lilaakulembwa pankumo shabo.

Kulumbaisha 17:15

Sombi nebo, mubululami ndaakumubona meenso ameenso, ndaakubushikwa ndaakusangalala abuumbi kumubona.

1 Pita 3:12

mukwiinga Mwaami Lesa ulalama baluleme alimwi ulakumbula mipailo yabo, sombi ulipatite bantu bacita bubi.”

Kulumbaisha 45:7

Mwebo ncemusunibo mbululami, sombi bubi mulibupatite. Nceceeco Lesa, Lesa wanu ncaakamusalila, akumupa kusangalala kwiindaawo, pabamaami bamwi boonse.

Jobo 36:7

Baluleme ulabalama ciindi coonse. Ulababika pashuuna sha bwaami akubasumpula ayi balemekwe kwalyoonse alyoonse.

1 Joni 3:2

Nobeensuma, bulya tuli bana bakwe Lesa, sombi tacishibikitwe kabotu mbweshi tukabe. Sombi tulishi kwaamba ayi na Klistu akaboneke, tulaakuba bweenka mbuli nguwe mukwiinga tulaakumubona bweenka mbwaabete.

Kulumbaisha 42:5

Ono nebo ceebonshi ntokuungumana bobulya? Ceebonshi ndapenga bobulya amoyo? Nebo aanangilebo muli Lesa. Ndaakumulumbaisha alimwi, ee, kulumbaisha Lesa wangu uyo umpulusha.

Kulumbaisha 34:15

Mwaami Lesa ulalama baluleme alimwi ulakumbula mipailo yabo,

Kulumbaisha 33:18

Sombi meenso a Mwaami Lesa ali pabaabo bamulemeka, abo bacinkite manungo mulusuno lwakwe lutamaani.

Kulumbaisha 99:4

Mwaami Shinkusu shoonse, ulisuni shiluleme. Lakwe walengesha ayi koombolosha kululeme kube muIsilaeli, ee, muIsilaeli mwaleta bululami akoombolosha cakutanyengelela.

Kulumbaisha 33:5

Mwaami Lesa ulisuni shintu shabululami shitacite kampenda. Lakwe ulabonesha lusuno lwakwe lutamaani pacishi coonse ca panshi.

Kulumbaisha 21:6

Ndushinisho mwamupa shoolwe shitamaani, Ulasangalala abuumbi lyoonse ceebo cakuba amwebo.

Kulumbaisha 5:12

Ncakwiila noBaami baLesa ndimwe mupa coolwe kubaluleme. Lusuno lwanu ulo luli anga ndiyawo lulabacingilisha.

Isaya 61:8

Mwaami Lesa waamba ayi, “Nebo neMwaami Lesa ndisuni koombolosha kululeme. Bupambi alimwi ashibiibi ndishipatite. Ndaakulambula bantu bangu ceebo nebo ndashomeka alimwi ndaakupangaabo cipangano camuyayaya.

Kulumbaisha 146:8

Ulalengesha boofu mumushimu kubonesha, uloolola bantu basendeme mumushimu, alimwi nguMwaami Lesa usuni baluleme.

Kulumbaisha 7:9

NobaLesa baluleme, nomubona miyeeyo amumyoyo ya bantu. Amumanishe bubi bwa bamucita shibi akulambula baluleme.

Kulumbaisha 7:11

Lesa ngumooboloshi ululeme, lyoonse ulapa bamucita shibi milandu.

Kulumbaisha 37:28

Mukwiinga Mwaami Lesa ulisuni koombolosha cakutanyengelela, alimwi taalekeleshi bantu bakwe bashomeka. Nkokwaamba ayi lyoonse ulabafuna, sombi bamulunyungu lwa bamucita shibi balaakutandwaamo.

Kulumbaisha 45:8

Mingaanjo yanu yoonse itoonunkilabo mule amafuta amwi anunkila kabotu. Beshikulisha shilimba balamusangalasha mumaanda a bwaami akaboteshekwa ameeca ansofu.

Tushimpi 15:9

Mwaami Lesa ulipatite nshila sha mucita shibi, sombi ulisuni muntu ucita shintu shiluleme.