Kulumbaisha 102:14 - Baibo Busansulushi Bwa Libuku Ili

¹⁴ Basebenshi banu baliisuni nakubi kwaamba ayi yakanyonyoolwa. Ncakwiila baleenyumfwila nkumbu nakubi kwaamba ayi ngamatongobo.

Kulumbaisha 102:14 Referans Kwoze

Neyemiya 4:2

Lyalo wakaamba pameenso ababye abashilumamba bene Samaliya ayi, “Ino baJuda aba balefukite batoocitanshi? Sa batooyeeya kuyakulula lubumbu lwabo? Sa balo batooyeeya ayi inga bamanisha mulimo pabushiku bomwi kwiinda mukubenga milambu? Sa inga bapanga mabwe akuyakishako kuswa pamabwe aya akapwayoolwa akutentwa?”

Kulumbaisha 79:1

NobaLesa, baswamashi batulwana mucishi canu, babisha Ŋanda yanu Isalalite. Banyonyoola ndabala ya Jelusalemu.

Neyemiya 4:10

Paciindi ico bene Juda bakeemba lwiimbo lwakwaamba ayi, “Twakopoka kunyamuna shilemu. Afulisha mabwe apwayookite akusowa. Ino inga twayakulula buyani lubumbu sunu?”

Neyemiya 4:6

Aboobo twakayakulula lubumbu kushikila lweela pakati kuya mwiculu ceebo bantu bakalinga kusebensa camoyo womwi.

Neyemiya 2:17

Mpeeke ndakabaambila ayi, “Mwabona mapensho ngotubeteemo? Ndabala ya Jelusalemu ilimwayulwitwe aminjililo ya njiyo yakapya. Amwise tuyakulule lubumbu lwa Jelusalemu kwaamba ayi tumane musebaanyo ngotucite.”

Neyemiya 2:3

sombi ndakaambila mwaami ayi, “Kamweendela buumi lyoonse nobaami! Sa nsheelete kuboneka kutasangalala pameenso na ndabala inene umo mwakoona bamashali bangu bakulukulu ili mumatongo, aminjililo ya njiyo yakanyonyoolwa kumulilo?”

Neyemiya 1:3

Ono bakankumbula ayi, “Abo bakapuluka mubusha akuboolela kumishaabo bali mumapensho anene akucobolwa kubantu babashingulukite. Lubumbu lwa Jelusalemu lwakapwaikwa, aminjililo ya ndulo yakatentwa alimwi teena kubambululwa kuswa kuciindi ico.”

Esila 7:27

Lyalo Esila wakaamba ayi, “Aalumbwe Mwaami Lesa, Lesa wa bamashali besu bakulukulu uyo walengesha mwaami kuyanda kulemeka Ŋanda ya Mwaami Lesa ya kuJelusalemu munshila iyi.

Esila 1:5

Aboobo bamanene ba shipani sha mumukowa wakwe Juda awakwe Benjameni, bapailishi abene Lefi alimwi abaabo boonse Lesa mbaakalengesha myoyo kupya, bakalibambila kuya mukuyaka Ŋanda ya Mwaami Lesa muJelusalemu.

Danyelo 9:16

NoBaami baLesa kweelana amicito yanu iluleme amukushe bukali bwanu buyoosha pandabala ya Jelusalemu, ndabala yanu inene, ee, pakalundu kanu kasalalite. Shibiibi shesu ashilubo sha bamashali besu bakulukulu shakalengesha ndabala ya Jelusalemu abantu banu kuba cintu ceelete kushibulukwa kubantu boonse batushingulukite.

Lute 1:6

Kunembo liya Naomi wakanyumfwa ayi bantu bene mishaabo, Lesa wakabapa coolwe kwiinda mukubapa shakulya shiinji. Mpomunyaawo wakalibambila kuboolela pantu pomwi abamalokashi bakwe.

Kulumbaisha 119:126

NoBaami baLesa, ciindi cashikila ncemweelete kucitawo comwi ceebo bantu batoopwaya milawo yanu.

Isaya 14:1

Mwaami Lesa ulaakunyumfwila nkumbu bamulunyungu lwakwe Jakobo. Ulaakusala bene Isilaeli alimwi akubaboosha ayi bekale mucishi cabo. Baswamashi balaakwisa mukwikalaabo mucishi cabo akukakatila kuli mbabo.

Isaya 40:2

Amuyumyeyumye bantu bangu. Mubaambile ayi bapenga paboneka. Ono shibiibi shabo shalekelelwa. Ncakwiila ndakabapa mulandu kweelana ashibiibi shabo shoonse.”

Isaya 51:3

“Ndaakunyumfwila nkumbu ndabala ya Jelusalemu abaabo boonse bekala mumatongo a njiyo. Nakubi kwaamba ayi cishi ca njiyo nduyanga, ndaakucilengesha kuba anga muEdeni. Ncakwiila cilaakusandulwa kuba anga ngumuunda wa Mwaami Lesa. Bantu uko balaakunoosangalala akukondwa. Balaakunoolumba alimwi balaakunokwiimba.

Jelemiya 29:10

“Mwaami Lesa utookwaamba ayi, ‘Myaaka makumi osanwe aobilo yaakukumana, mwebo kamuli kuBabiloni, ndaakwisa kuli ndimwe akucita kweelana ambondakamushomesha kwaamba ayi ndaakumuboosha kumusena uno.

Jelemiya 30:18

Mwaami Lesa waamba ayi, “Ndaakuboosha bamulunyungu lwakwe Jakobo kucishi cabo. Ndaakunyumfwila nkumbu bamumaandaabo boonse. Ndabala ya Jelusalemu ilaakuyakwa alimwi pamatongo a njiyo. Ayalo ŋanda ya bwaami ilaakuyakwa peenka mpoyakalinga.