Kulumbaisha 101:8 - Baibo Busansulushi Bwa Libuku Ili

⁸ Bushiku abushiku ndaakunyonyoola bantu babiibi mucishi. Ee, ndaakulobya boonse bamucita shibi mundabala inene ya Mwaami Lesa.

Kulumbaisha 101:8 Referans Kwoze

Kulumbaisha 75:10

Nkusu sha bamucita shibi ulaakushikoma. Sombi nkusu sha baluleme shilaakufushikwa.

Jelemiya 21:12

“Amunyumfwe maswi angu neMwaami Lesa akwaamba ayi, ‘Amoomboloshe bweelete nshiku shoonse. Amufune bantu batokwiipilwa mumaansa a baabo batoobapensha. Na mubule kucita boobo, bukali bwangu bulaakunyaka anga ngumulilo ceebo ca shibiibi nshemwakacita. Bulaakunyaka anga ngumulilo uyo muntu ngwaatakoonshi kushimya.’ ”

Tushimpi 16:12

Bamaami balipatite micito ibiibi ceebo bweendeleshi bulayuma kwiinda mubululami.

Tushimpi 20:8

Mwaami ndyeekala pacuuna cakwe ca bwaami pakoombolosha, ulapupulushabo bubi boonse ameenso akwe.

Kulumbaisha 48:8

Ncakwiila ceenka ncetwakanyumfwa, nceceeco ncetwabona mundabala inene ya Mwaami Lesa Shinkusu shoonse, ee, ndabala inene ya Lesa wesu. Lesa uleelama kuswa kubalwani lyoonse alyoonse.

Mika 3:9

Amukutike mwebo nobamatanjilili ba bamulunyungu lwakwe Jakobo, ee, mwebo nobaleli ba bene Isilaeli. Amukutike mwebo nomupatite koombolosha cakutanyengelela akusandula shiluleme kuba shitaluleme.

Osiya 9:3

Mwebo nobene Isilaeli teshi mukanoocishiite mucishi ca Mwaami Lesa. Mwebo nobene Efuleemu mulaakuboolela kucishi ca Ijipiti mubusha. Mulaakuya mukunoolya shakulya shitasalalite kweelana aMilawo kuAsilya.

Tushimpi 20:26

Mwaami musongo ulapupulusha akukusha bamucita shibi akubapa milandu kwakutabanyumfwila nkumbu.

Kulumbaisha 48:2

Siyoni, kalundu kakwe Lesa kasalalite nkalaamfu cakweebeleka. Nindabala inene ya Mwaami Shinkusu iyo isangalasha cishi ca panshi coonse.

Kulumbaisha 46:4

Nkooli mulonga uleta shoolwe mundabala inene yakwe Lesa. Ee, mumusena usalalite umo mwikala Lesa wa kwiculu Wiindaawo.

Ciyubululo 21:27

Sombi mundabala inene iyo teshi mukenjile cintu citasalalite nabi comwi, nabi bantu boonse bacita shintu shilensha nsoni nabi babeshi. Mulaakwinjilabo baabo bacite meena alembetwe mulibuku lya buumi lya Mwanaambelele.

Kulumbaisha 92:10

Sombi nebo mwanjuumya anga ninyati, mwananika mafuta abotu mukumpa bulemu.