Kulumbaisha 100:4 - Baibo Busansulushi Bwa Libuku Ili

⁴ Amwinjile mumilyango ya kuŊanda yakwe cakumulumba. Amwinjile mulubansa lwa Ŋanda yakwe cakumulumbaisha, Amumuluumbe akulumbaisha liina lyakwe.

Kulumbaisha 100:4 Referans Kwoze

Bene Ebulu 13:15

Paceebo ceeco kwiinda muli Jesu, atulumbaishe Lesa lyoonse kwaamba ayi kube mulambu wesu, nditulyaambilila ayi nguMwaami wesu.

1 Makani 29:13

Ono nobaLesa besu, twamulumba abuumbi akulumbaisha liina lyanu lyabulemu.

Kulumbaisha 66:13

Aboobo ndaakuleta milambu yakutenta kuŊanda yanu. Alimwi ndaakumupa shoonse nshendakashomesha cakulumbila.

Isaya 35:10

Abo Mwaami Lesa mbwaakalubula balaakuboolela akushika kuSiyoni kabeemba cakusangalala. Anu uko nkweshi bakanookala cakusangalala kwalyoonse alyoonse. Ee, balaakuba bantu bakondetwe alimwi basangalete kwalyoonsebo. Buumba alimwi amatongooshi shoonse shilaakumana.

Kulumbaisha 96:2

Amwiimbile Mwaami Lesa cakumulumbaisha. Nshiku shoonse amwaambilishe makani abotu akwaamba ayi wakatupulusha.

1 Makani 29:20

Kuswawaawo Defedi wakaambila bantu boonse ayi, “Amulumbaishe Mwaami Lesa, Lesa wanu!” Mpomunyaawo bantu boonse bakalumbaisha Mwaami Lesa, Lesa wa bamashali babo bakulukulu akufukama cakushisha shiwa panshi kunembo lya Mwaami Lesa alimwi amwaami wabo Defedi.

Kulumbaisha 65:1

NobaLesa, cililuleme kumulumbaisha muSiyoni, akucita kweelana ambotwakashomesha kuli ndimwe.

Kulumbaisha 95:2

Atuye pameenso akwe akulumba, atwiimbe nyimbo shakulumbaisha akulisha shilimba.

Kulumbaisha 96:8

Amulumbaishe liina lyabulemu lya Mwaami Lesa. Amulete cipo akwisa muŊanda yakwe.

Kulumbaisha 99:3

Bantu boonse balaakulumbaisha liina lyakwe lyankusu alimwi liyoosha. Lakwe ulisalalite!

Kulumbaisha 122:2

Ono anaapa myeendo yesu iliimfwi mukati ka minjililo, ee, yenjila mukati kako, webo oJelusalemu.

Kulumbaisha 122:4

Uko nkokooko mikowa yoonse nkoiya, ee, mikowa ya Mwaami Lesa. Ilaya mukulumba Mwaami Lesa kweelana amulasho wakapekwa bene Isilaeli.