Kulumbaisha 10:8 - Baibo Busansulushi Bwa Libuku Ili

⁸ Bamucita shibi balabelamina mumishi kwaamba ayi bacaye bantu batacite mulandu. Balasensa baabo mbobapingite mubushishi.

Kulumbaisha 10:8 Referans Kwoze

Abakuku 3:14

Mwakayasa mutanjilili wa bamucita shibi alisumo lyakwe mwiine. Mwakamuyasa ciindi likoto lyakwe lya bashilumamba ndilyakesa anga nkapupuulwa kwaamba ayi litupalanganye. Wakalinga kusangalala anga wesa mukunyonyoola bakandu cabushishi.

Jelemiya 22:17

Sombi mwebo meenso anu amyoyo yanu ilibo kumpindu yakucana kwiinda mubwiipi, kutila bulowa bwa bantu batacite mulandu, alimwi amukulyatilila akupensha bantu.”

1 Samwelo 22:18

Mpeeke mwaami wakaambila Dowegi ayi, “Nyamuka webo ucaye bapailishi aba.” Mpomunyaawo Dowegi mwine Edomu uyo wakabacayoola boonse. Bushiku ubo wakacaya basankwa bali 85 boonse kabafwala kale shakufwala sha bupailishi, shakapangwa kunsalu ibotu iteshimite, shiitwa ayi efodi.

Luka 8:1

Kuswawaawo Jesu wakeenda mumandabala amumishi, kaaya cishimikila Makani Abotu a Bweene bwakwe Lesa. Wakalinga abashikwiiya bali likumi abobilo

Kulumbaisha 94:6

Balacaya bamukalubinje abaswamashi, alimwi balacaya abana banshiwa.

Kulumbaisha 17:11

Koonse nkondaya balanshinguluka, balayandoola ciindi cakuncailaawo.

2 Baami 21:16

Manase wakacaya bantu baanji batacite milandu, abo bacite bulowa bwakalinga kukunka mumikwakwa ya muJelusalemu, kwiilika pabubi bwakutanjilila bene Juda ayi balambile shibumbwabumbwa ico cakalengesha ayi babishishe Mwaami Lesa.

1 Samwelo 23:23

Mukeepushe misena yoonse njaayubaamo, lyalo mukese kuno alimwi mukandwiite lushinisho lwiine lwiine. Kuswawaawo ndaakuyaanu alimwi na ali kumusena uyo, ndaakumulangoola pakati ka bene Juda boonse.”

Luka 10:1

Kuswawaawo Mwaami Jesu wakasala abamwi basankwa bali makumi osanwe aobilo alimwi abobilo akubatuma kunembo lyakwe kuya mumandabala amisena yoonse mwaakalinga kulibambite kuya mwiine.

Boomboloshi 9:25

Lyalo bene Shekemu bakabika bantu bamwi peculu lya tulundu kwaamba ayi kababelamina Abimeleki. Bantu abo bakalinga kwipila muntu uli woonse weenda. Mpeeke Abimeleki wakashibishikwa makani ayo.

Jobo 24:14

Na lisuba lyepila mucayi ulanyamuka akuya mukucaya bakandu. Lyalo mumunshinshe wa mashiku ulaya mukwiipa.

Tushimpi 24:15

Utanooyubilila ŋanda ya muntu ululeme anga ngumucita shibi. Ncakwiila tooelete kusaala ŋanda yakwe napaceyi.