Kulonga 7:4 - Baibo Busansulushi Bwa Libuku Ili

⁴ teshi akamunyumfwileewo. Lyalo ndaakuleta mapensho anene abuumbi mucishi ca Ijipiti, akutanjilila shipani sha mikowa ya bantu bangu kuswa mucishi ico.

Kulonga 7:4 Referans Kwoze

Kulonga 11:9

Mwaami Lesa wakalinga waambila Mose kataanshi ayi, “Mwaami Falawo ulaakutolelela kutakunyumfwila, kwaamba ayi nkacite ashimwi shaankamiko muIjipiti.”

Kulonga 6:6

Paceebo ceeci lwiita bene Isilaeli ayi, ‘Nebo ndime Mwaami Lesa, alimwi ndaakumufuna akumwaangulula mubusha mbomubeteemo kubene Ijipiti. Ndaakutambika lyaansa lyangu lya nkusu pali mbabo mukubapa mulandu unene abuumbi. Mwebo ndaakumupulusha.

Kulonga 12:51

Pabushiku bweenkoobo, Mwaami Lesa wakakusha mikowa ya bene Isilaeli mucishi ca Ijipiti.

Ciyubululo 19:2

Koombolosha kwakwe nkwalushinisho alimwi kuliluleme! Wakapa mulandu mwanakashi mufuule uyo wakaya mpuwo uyo wakalengesha ayi bantu boonse mucishi babishe kwiinda mubufuule bwakwe. Lesa wakamupa mulandu ceebo wakacaya basebenshi bakwe.”

Ciyubululo 16:7

Kuswawaawo ndakanyumfwa liswi kuswa kucipaililo lyakwaamba ayi, “NoBaami baLesa Beshinkusu shoonse! Ncakwiila koombolosha kwanu nkwalushinisho alimwi kuliluleme!”

Ciyubululo 15:4

NoBaami baLesa, ngani utamuloondi akulemeka liina lyanu? Mukwiinga mwebo nweenka ndimwe Musalalite. Mishobo yoonse ilaakuyoboloka mukumulambila mukwiinga micito yanu iluleme, ilaboneka kubantu boonse.”

Esekelo 30:19

Anu ubo mbweshi nkape mulandu cishi ca Ijipiti. Lyalo bantu ndyeshi bakeshibe ayi nebo ndi Mwaami Lesa.’ ”

Esekelo 30:14

Ndaakunyonyoola cishi ca Patilosi, ndaakukutenta ndabala ya Sowani. Ndaakupa mulandu ndabala inene ya Tebesi.

Esekelo 25:11

Bene Moabu ndaakubapa mulandu. Lyalo ndyeshi bakeshibe ayi nebo ndi Mwaami Lesa.”

Esekelo 14:21

Mwaami Lesa Shinkusu shoonse waamba ayi, “Ino cilaakuba buyani ndaakutuma mapensho one eendaawo kubica pandabala ya Jelusalemu, nkokwaamba ayi ndaakutuma nkondo, nsala, banyama bamuluundu amwaalu kucaya bantu ba mumo alimwi ashifubwa shabo?

Malilo 3:3

Ndushinisho wakanguma lyobilo lyobilo. Ee, wakanguma cakubula kunyumfwila nkumbu.

Isaya 26:9

Mashiku moyo wangu ulayeeyabo ndimwe, aalo macuunsa miyeeyo yangu ilababo kuli ndimwe. Ceebo koombolosha kwanu ndikuboneka mucishi ca panshi, bantu bekalaamo baleeya bululami mbobubete.

Tushimpi 19:29

Milandu ilalindila beshikucelebula akwalo kuumwa kumisana nkwa baluya.

Boomboloshi 2:15

Anu lyoonse na baya mukulwana, Mwaami Lesa wakalinga kubalengesha kukomwa kweelana ambwaakashomesha. Aboobo bakapenga abuumbi.

Kulonga 10:1

Lyalo Mwaami Lesa wakaambila Mose ayi, “Koya kumwaami Falawo. Ndalengesha lakwe alimwi abacinenenene bakwe kuba beshicimpamya ayi ncite shaankamiko pakati kabo.

Kulonga 9:3

ndaakukupa mulandu kwiinda mukuleta bulwashi bubiibi pashifubwa shako shoonse, nkokwaamba ayi maaki ako, mbongolo, ngamela, ŋombe, mbelele alimwi ampongo.

Kulonga 6:26

Aloni alimwi aMose mbobaabo Mwaami Lesa mbwaakaambila ayi, “Amutanjilile mikowa ya bene Isilaeli kuswa muIjipiti.”

Kulonga 3:20

Sombi ndaakusebensesha nkusu shangu, alimwi ndaakupa mulandu bene Ijipiti kwiinda mukucita shintu shiloondesha mucishi cabo. Kuswawaawo mwaami ulaakumusuminisha ayi muye.

Kulonga 3:19

Ndishi kwaamba ayi mwaami wa mucishi ca Ijipiti teshi akamusuminisheewo na nkabule kumukakatisha.

Kulonga 6:1

Mpomunyaawo Mwaami Lesa wakaambila Mose ayi, “Ono utoobona nceshi ncite kumwaami Falawo. Ntoomukakatisha ayi aleke bantu bangu banooya. Ntoomukakatisha ayi abatande mucishi cakwe.”

Kulonga 7:13

Nacibi boobo mwaami Falawo wakatolelela kuba shicimpamya, alimwi kweelana abwakaamba Mwaami Lesa, wakakaka kunyumfwila Mose aAloni.

Kulonga 7:16

Ukamwaambile ayi, ‘Mwaami Lesa, Lesa wa bene Ebulu, wakantuma kwisa mukukulwiita ayi uleke bantu bakwe banooya kwaamba ayi bakamulambile muluyanga. Sombi abobulya webo toona kunyumfwa.

Kulonga 8:15

Ono mwaami Falawo ndyaakabona ayi babombwe bafwa, wakaba shicimpamya alimwi. Kweelana abwakaamba Mwaami Lesa, mwaami Falawo wakakaka kunyumfwila Mose aAloni.

Kulonga 8:19

Pesule beshimampelampela bakaambila mwaami Falawo ayi, “NguLesa wacita sheeshi!” Sombi mwaami Falawo wakacita cimpamya akukaka kunyumfwila Mose aAloni kweelana abwakaamba Mwaami Lesa.

Kulonga 9:12

Sombi Mwaami Lesa wakalengesha ayi mwaami Falawo abe shicimpamya, alimwi kweelana abwakaamba Mwaami Lesa, Falawo wakakaka kunyumfwila Mose aAloni.

Kulonga 13:3

Mpomunyaawo Mose wakaambila bantu ayi, “Amwiibaluke bushiku ubu, ubo mbomwakaswa mucishi ca Ijipiti umo momwakalinga basha. Ubu mbobushiku Mwaami Lesa mbwaakamukusha kwiinda munkusu shakwe shiteelekwa acimwi cintu. Pabushiku ubo tamweelete kulya shinkwa.

Kulonga 13:9

Kusekelela uku kulaakuba ciibalusho, bweenka mbuli cimwi cintu caangitwe kulyaansa nabi pankumo. Kulaakumwiibalusha kutolelela kwiinduluka alimwi akwiiya Milawo ya Mwaami Lesa ceebo nguMwaami Lesa wakamukusha mucishi ca Ijipiti kwiinda munkusu shakwe shiteelekwa.

Kulonga 18:8

Mpeeke Mose wakalwiita Jetulo shoonse Mwaami Lesa nshaakacitila mwaami Falawo alimwi abene Ijipiti, kwaamba ayi afune bene Isilaeli. Wakamulwiita amapensho oonse ngobakabaawo mulweendo alimwi ambuli Mwaami Lesa mbwaakabapulusha.