Kulonga 5:4 - Baibo Busansulushi Bwa Libuku Ili

⁴ Sombi mwaami wakaambila Mose aAloni ayi, “Nciinshi ncemutooyeeya pakulengesha bantu ayi bacileeke ncito njebatoocita? Amuboole muye musebense!

Kulonga 5:4 Referans Kwoze

Kulonga 1:11

Aboobo bene Ijipiti bakasala beshikubasebensesha kwaamba ayi babapeenshe kwiinda mukusebensa ncito shiyumu. Bene Isilaeli bakayaka mandabala anene obilo aPitomu alimwi aLamesesi kwaamba ayi munoolaminwa shakulya sha mwaami Falawo.

Milimo ya Batumwi 24:5

Twacana kwaamba ayi musankwa uyu taanyumfwi. Ngushi kutalika shimfulunganya pakati ka baJuda mucishi coonse alimwi ngumutanjilili wa likoto lya bene Nasaleti.

Luka 23:2

Lyalo bakatalika kumubekesha shikani ayi, “Twakacana muntu uyu kayungoola bantu ba mucishi cesu ayi babukile cishi cino. Wakalinga kubaambila ayi bacileeke kupeleka musonko kuli Sisa, muleli munene wa kuLoma. Peculu lya waawo wakalinga kwaamba ayi uyu mwiine ngoUsalitwe wakwe Lesa alimwi ayi ngumwaami.”

Amosi 7:10

Amasiya mupailishi wa kuBetelo wakalalukila Jeloboamu mwaami wa bene Isilaeli ayi, “Amosi utoopinga kumubukila pakati ka bantu boonse. Nshaatokwaamba shitoonyonyoola cishi ici coonse.

Jelemiya 38:4

Mpomunyaawo bacinenenene bakaambila mwaami ayi, “Muntu uyu ulyeelete kucaikwa ceebo utootyongosha bashilumamba abantu abo bakacaala mundabala inene ino kumakani ngaatoobalwiita. Muntu uyu taasuni kucafwa bantu, sombi uliimfwibo pakunyonyoola.”

Kulonga 2:11

Ono Mose ndyaakakula, wakaya mukufwakashisha bene Ebulunyina, akubona mbuli mbobakalinga kukakatishikwa kusebensa ncito iyumu. Wakabona amwine Ijipiti umwi kaauma mwine Ebulu womwi pakati ka bene mishaabo.

Kulonga 6:5

Ono matongooshi a bene Isilaeli abo bali mubusha kubene Ijipiti ndaanyumfwa. Aboobo ntooyanda kucita kweelana acipangano cangu.