Kulonga 4:11 - Baibo Busansulushi Bwa Libuku Ili

¹¹ Lyalo Mwaami Lesa wakamwaambila ayi, “Ino ngani upa muntu mulomo? Ngani ulengesha ayi ashinke matwi nabi kuba cibuulu? Alimwi ngani ulengesha ayi anoobona nabi ayi abe moofu? Sa teshi ndime neMwaami Lesa?

Kulonga 4:11 Referans Kwoze

Amosi 3:6

Na mapeenga ankondo alila mundabala, sa bantu tabatutumi? Na kunyonyooka kwacitika mundabala inene, sa teshi Mwaami Lesa ulengesha boobo?

Kulumbaisha 146:8

Ulalengesha boofu mumushimu kubonesha, uloolola bantu basendeme mumushimu, alimwi nguMwaami Lesa usuni baluleme.

Isaya 6:7

Lyalo wakakumya mulomo wangu alikalangasha ilyo akwaamba ayi, “Bona, likalangasha ili lyakumya mulomo wako. Milandu yako yakushikwa pali ndiwe alimwi shibiibi shako shalekelelwa.”

Kulumbaisha 94:9

Lesa wakatupa matwi, sa taakoonshi kunyumfwa? Lesa wakatupa meenso, sa taakoonshi kubona?

Kulumbaisha 51:15

NoBaami baLesa, amuncaafwe ayi ŋambe, lyalo mulomo wangu ulaakumulumbaisha.

Jelemiya 1:9

Mpomunyaawo Mwaami Lesa wakatambika lyaansa lyakwe, wancata pamulomo akundwiita ayi, “Bona, ndabika maswi angu mumulomo wako.

Jelemiya 1:6

Lyalo ndakakumbula ayi, “NoBaami baLesa, noBeshinkusu shoonse, nebo nshicishiiwo kwaamba alimwi ncili mwanike.”

Esekelo 33:22

Ono macolesha muntu uyo kaatana kushika, lyaansa lya Mwaami Lesa lyakancata. Lyalo bushiku bwakaboolaawo macuunsa muntu uyo ndyaakesa, ndakakonsha kwaamba alimwi.

Matalikilo 18:14

Sa kuliiwo ciyumu kuMwaami Lesa? Ono bweenka mbondaambaawo kale ayi ndaakwisa kuli ndiwe paciindi ceelete mwakali alimwi Saala ulaakushala mwaana musankwa.”

Mateyo 11:5

boofu batoolasha, balema myeendo batokweenda, beshimanata batooba kabotu, bashinkite matwi batoonyumfwa, bafu batoobushikwa alimwi bakandu batooshimikilwa Makani Abotu.

Isaya 42:7

Ndakusala kwaamba ayi ulengeshe boofu kubona, kwaangulula bakaili bali muntolongo alimwi akukusha baabo bali mumunshinshe.

Luka 1:20

Sombi tookwe kushoma makani aya eshi akacitike ciindi caakushika. Paceebo ceeco utooba cibuulu kushikila bushiku ubo shaakucitika shoonse nshindakwaambila.”

Luka 1:64

Amanebo kulemba boobo wakacikonsha kwaamba alimwi akutalika kulumbaisha Lesa.

Joni 10:21

Sombi bamwi bakaamba ayi, “Ucite shikaswa teshi mbwaamba ubo. Sa shikaswa inga wabonya bantu boofu?”

Matalikilo 11:7

Atuye panshi tuye tufulunganye mulaka wabo kwaamba ayi banoobula kunyumfwana womwi awomwi.”

Tushimpi 20:12

Matwi akunyumfwisha ameenso akubonesha, nguMwaami Lesa wakalenga shoonse.