Kulonga 38:8 - Baibo Busansulushi Bwa Libuku Ili

⁸ Mpeeke wakapanga mbale ifongomene ya bulonse alimwi acapanshi ca njiyo ca bulonse kuswa mushilola sha banakashi bakalinga kusebensela kumulyango wa Tente ya Cipangano.

Kulonga 38:8 Referans Kwoze

Luka 2:37

Paciindi ico wakalinga kucite myaaka makumi osanwe aotatwe alimwi ayone. Ciindi coonse ici wakalinga kuya kuŋanda yakwe Lesa. Wakalinga kupaila kuli Lesa mashiku amalumwi alimwi wakalinga kuba aciindi cakulikasha kulya.

1 Samwelo 2:22

Ono Eli wakacembela abuumbi. Wakalinga kunoonyumfwabo shoonse shakalinga kucita bana bakwe kubene Isilaeli alimwi akwaamba ayi balakumana abanakashi bakalinga kusebensa pamwinjililo wa Tente ya Cipangano.

Kulonga 40:7

Ingayi pakati lya Tente alimwi acipaililo ukabikewo mbale ifongomene yakusambilaamo akwisushamo maanshi.

1 Timoti 5:5

Mukalubinje mwanakashi utacite beshikumucafwa nabi beshikumulama, wakabika kulangila kwakwe muli Lesa alimwi ulatolelela kupaila akumusenga shalucafwo lwakwe mashiku amalumwi.

Joni 13:10

Jesu wakamwaambila ayi, “Muntu wasamba kale watuba. Taaku ceebo nceenga wayandila kusamba, sombibo kushimpanta kweenka. Noonse mwatuba kukushakobo womwi.”

Sekaliya 13:1

Mwaami Lesa Shinkusu shoonse waamba ayi, “Bushiku ubo kulaakucalulwa kantupu pabamulunyungu lwakwe Defedi apabene Jelusalemu kakubasansha kuswa kushibiibi alimwi akutunkowesha.

Kulumbaisha 26:6

Ndasamba kumaansa kutondesha ayi taaku cibiibi ncendakacita, ndeendaana kucipaililo canu mukumulambila noBaami baLesa.

Ciyubululo 1:5

Alakwe Jesu Klistu amupe luse aluumuno. Lakwe ngokamboni ushomeka, ngowakataanguna kubushikwa kuswa kubafu alimwi ngomweendeleshi wa bamaami boonse ba mucishi ca panshi. Jesu Klistu ulitusuni alimwi kwiinda mulufu ndwaakalibenga, wakatwaangulula kuswa kushibiibi shesu shoonse.

1 Joni 3:7

Nobana bangu, kutabi muntu nabi womwi weshi amucenjeeke. Uyo ucita shiluleme, uliluleme bweenka mbuli Klistu mbwaaluleme.

Bene Ebulu 9:10

Mukwiinga shilaambabo pashakulya, shakunwa alimwi anshila shakulisalashilaamo shipusenepusene. Yoonse iyi njimilawobo itakumite kumoyo wa muntu, itoosebensa kushikila Lesa ndyeshi akalenge shintu shoonse cipya.

Joni 18:16

Sombi Pita wakacaala pansengwe kaaimfwi pamulyango. Lyalo shikwiiya umwi uyo wakaboolela pansengwe akwaamba amwanakashi musebenshi uyo wakalinga pamulyango, ayi asuminishe Pita kwinjila mukati. Mpeeke wakamusuminisha.

Mateyo 26:69

Pita wakalinga kushiite pansengwe mulubansa lwa ŋanda. Mpeeke mwanakashi musebenshi umwi wakaya kuli Pita akumwaambila ayi, “Awebo wakalinga aJesu wa kuGalili.”

Tushimpi 8:34

Ulicite coolwe muntu uyo unyumfwila, muntu uyo ulindilila paminjililo yangu nshiiku shoonse, ee, ulindilila pamilyango iya muŋanda yangu.

1 Baami 7:38

Ulamu wapanga ambale likumi, mbale yomwi keeli ya cikoci cimwi. Mbale yomwi yakalinga kulaampa mamita ali 1.8 kwiinda pakati alimwi yakalinga kwisula malita ali 800.

Kulonga 31:9

cipaililo cakubengelawo milambu yakutenta ashintu sha ncico, mbale ifongomene yakusambilaamo alimwi acapanshi ca ncico,

Kulonga 38:7

alimwi akushinjisha mushakukobekesha shoonse shone mumbasu shobilo sha cipaililo. Cipaililo cakalinga ca mapulanga alimwi alupako mukati.

Kulonga 30:17

Lyalo Mwaami Lesa wakaambila Mose alimwi ayi,

2 Makani 4:2

Wakapanga cingomo ca bulonse ico cakalinga kulaampa mamita ali 2.2 kuswa panshi kushika peculu, mamita ali 4.4 kucilinganya pakati napakati, alimwi amamita ali 13.2 kucishinguluka.

Isaya 3:23

shilola, shakufwala sha nsalu ilasha, tutambala twa nkasaalo alimwi ashitambala shilaamfu nshebafwala kumutwi.