Kulonga 37:25 - Baibo Busansulushi Bwa Libuku Ili

²⁵ Wakapanga cipaililo ca cisamu ca mulombe cakutentelawo tununkila kabotu pakutenta. Cakalinga kunokweelenebo mumbasu shoonse, nkokwaamba ayi masentimita ali 45 koonse koonse, sombi masentimita ali 90 kuya mwiculu. Shintu shili anga ngameeca shone isho shili pamakonko one, shilyeelete kunoocatenebo acipaililo.

Kulonga 37:25 Referans Kwoze

1 Pita 2:5

Amwebo mube anga ngamabwe oomi ayo Lesa ngweshi ayakishe ŋanda yakwe ya mushimu. Muŋanda iyo mweshi mukasebensele mbuli bapailishi basalalite mukubenga milambu ya mushimu itambulwa kuli Lesa kwiinda muli Jesu Klistu.

Bene Ebulu 7:25

Nceceeco bulya anshiiku shoonse, ulakonsha kupulushisha baabo besa kuli Lesa kwiinda muli nguwe mukwiinga ngumuumi lyoonse kwaamba ayi anoobasengelaako kuli Lesa.

Bene Ebulu 13:10

Anu bapailishi basebensa mumusena ngobapaililaamo baJuda, tabasuminishikwi kulya milambu ya banyama ipekwa pacipaililo.

Mateyo 23:19

Mwebo noboofu! Ino cinene ncili, cipo nabi cipaililo ico cilengesha ayi cipo cibe cisalalite?

2 Makani 26:16

Mwaami Usiya ndyaakaba ankusu abulemu, wakatalika kulisumpula. Ico cakalengesha bwaami bwakwe kuboola panshi. Wakabisha kuMwaami Lesa, Lesa wakwe mukuya muŊanda yakwe akutenta tununkila kabotu pacipaililo ca ntuto.

Kulonga 40:5

Lyalo ukabike cipaililo ca golodi cakutentelawo tununkila kabotu kunembo lya Libokoshi lya Cipangano, akukobeka cisani cakushitilisha pamulyango wa Tente.

Bene Ebulu 9:4

Mucipinda ici, mwakalinga cipaililo ca golodi apo pakalinga kutentelwa tununkila kabotu alimwi aLibokoshi lya Cipangano ilyo lyakalinga lya mukuba peculu. MuLibokoshi ili mwakalinga mungomo wa golodi umo mwakalinga mana, inkoli yakwe Aloni iyo yakalinga yasonsa matewu alimwi amabwe obilo apampamene apo pakalinga kulembetwe Milawo.

Kulonga 31:8

Nkokwaamba ayi tebulu ashintu sha njiyo, cakubikawo malampi ca golodi wiine wiine ashintu sha ncico, cipaililo cakutentelawo tununkila kabotu,

Kulonga 37:24

Pakupanga cakubikawo malampi alimwi ashintu shimwi shoonse sha kuli ncico, wakasebensesha makilogilamu a golodi wiine wiine ali 35.

Kulonga 37:26

Peculu, mumbasu shoonse shone alimwi ashintu shili anga ngameeca, moonse wakananikaamo golodi wiine wiine. Alimwi mweela wakashingulushaamo mutika wa golodi.

Kulonga 35:15

cipaililo cakutentelawo tununkila kabotu alimwi ashisamu shakucinyamwishaako sha ncico, mafuta akunanika, tununkila kabotu pakutenta, cisani cakushitilisha kumwinjililo wa Tente,