Kulonga 36:29 - Baibo Busansulushi Bwa Libuku Ili

²⁹ Shintu shamakonko one shamumakonko a Tente isho, shakalinga kunungilwa panshi akuya mukucatanishikwa apeculu. Shamakonko shobilo isho shakalinga kupanga makonko obilo a Tente shakaba mbomunya ubo.

Kulonga 36:29 Referans Kwoze

Bene Efeso 2:21

Lakwe ngoocatite ŋanda yoonse akulengesha ayi ikomene kuba ŋanda isalalite ya Mwaami Lesa.

Bene Efeso 2:19

Paceebo ceeco mwebo nobaswamashi bakunsengwe tamubete baswamashi nabi beensu, sobwe. Mwebo ono muli baneshi pantu pomwi abantu bakwe Lesa alimwi muli bana bakwe Lesa.

Bene Efeso 2:15

Lakwe wakamanisha Milawo akwiisha koonse kwa baJuda ayi pamishobo yobilo ilya, apange mushobo womwi muli nguwe akuleta luumuno munshila yeeyo.

2 Bene Kolinto 1:10

Wakatufuna mumapensho alufu amushobo uyo alimwi ulaakutufuna. Ono tulishomete kwaamba ayi ulaakutolelela kutufuna

1 Bene Kolinto 12:13

Mbweeke ubo, swebo soonse, baJuda nabi baswamashi bakunsengwe, basha nabi baangulukite, twakabombekwa muMushimu womwi kwaamba ayi tube mubili womwi alimwi soonse twakatambula Mushimu womwi mumyoyo.

1 Bene Kolinto 1:10

Ono ndamusenga nobamakwesu muliina lya Mwaami wesu Jesu Klistu ayi kamusuminishana mushintu nshemwaamba, patabi kulipatula pakati kanu. Sombi munoonyumfwana camoyo womwi amuyeeyo womwi.

Milimo ya Batumwi 4:32

Likoto lyoonse lya bashomi lyakalinga kucitebo moyo womwi amuyeeyo womwi. Tekwakalinga muntu wakalinga kwaamba ayi cintu ncaacite ncaakwe mwiine, sobwe, sombi lyoonse wakalinga kutola shoonse nshaacite kulikoto.

Milimo ya Batumwi 2:46

Bushiku abushiku bakalinga kubungana amoyo womwi muŊanda yakwe Lesa akulita pantu pomwi mumaandaabo amyoyo yakusangalala akuliceesha.

Kulumbaisha 133:1

Buumi ubu mbubotu abuumbi alimwi bulakondelesha. Ee, buumi bwa bantu bakwe Lesa bwakwikala mubwanabwankashi!

Kulumbaisha 122:3

Jelusalemu nindabala yakayakwa kabotu, yakeemikwa kabotu alimwi ileebelekwa.

Kulonga 26:24

Shintu shamakonko one shamumakonko a Tente isho, shilyeelete kunungilwa panshi akuya mukucatanishikwa apeculu. Shamakonko shobilo isho sheshi shikanoopanga makonko obilo a Tente shilyeelete kuba mbomunya ubo.

Kulonga 36:28

alimwi ashamakonko shobilo shamumakonko a Tente.

Kulonga 36:30

Nkokwaamba ayi kwakaba shamakonko one shili shosanwe ashotatwe alimwi ashapanshi sha nshisho sha silifa shili likumi ashosanwe acomwi isho shakaba shobilo pacamakonko comwi.