Kulonga 36:10 - Baibo Busansulushi Bwa Libuku Ili

¹⁰ Kuswawaawo bakanunganya shisani shili shosanwe kwaamba ayi cikabe cisani comwi, ashalo shimwi shili shosanwe bakashicita mbomunya ubo.

Kulonga 36:10 Referans Kwoze

Bene Filipi 3:15

Ono soonse sotukomete mulushomo tulyeelete kuba amiyeeyo ya mushobo uyu. Na kakuli bamwi pakati kanu bacite miyeeyo ipusene, shoonse isho Lesa ulaakumuyubulwita.

Bene Filipi 2:2

anu ndamusenga ayi munsangalashe abuumbi mukuba bweenka ubo. Amube alunyumfwano, bantu bacite lusuno alimwi bacatene pantu pomwi camoyo amuyeeyo womwi.

Bene Efeso 1:23

Coonde ngomubili wakwe Klistu, nkokukumanisha kwa wooyo ukumanisha shintu shoonse pali poonse.

1 Bene Kolinto 12:27

Ono mwebo noonse muli mubili wakwe Klistu alimwi womwi awomwi pakati kanu ncipansha cakwe.

1 Bene Kolinto 12:20

Ono mbuli mboshibete shintu, kuli shipansha shiinji, sombi ngumubili womwi.

1 Bene Kolinto 1:10

Ono ndamusenga nobamakwesu muliina lya Mwaami wesu Jesu Klistu ayi kamusuminishana mushintu nshemwaamba, patabi kulipatula pakati kanu. Sombi munoonyumfwana camoyo womwi amuyeeyo womwi.

Milimo ya Batumwi 2:1

Bushiku bwa Pentekositi ndibwakashika, bashomi boonse bakalinga kubungene muŋanda yomwi.

Sefaniya 3:9

“Ono ndaakusandula bwikaalo bwa bantu ba mumishobo imwi kwaamba ayi boonse bakanoopaila kuli ndime akunoosebenselabo ndime neenka camoyo womwi.

Kulumbaisha 133:1

Buumi ubu mbubotu abuumbi alimwi bulakondelesha. Ee, buumi bwa bantu bakwe Lesa bwakwikala mubwanabwankashi!

Kulumbaisha 122:3

Jelusalemu nindabala yakayakwa kabotu, yakeemikwa kabotu alimwi ileebelekwa.

Kulonga 26:3

Kuswawaawo ukanunganye shisani shili shosanwe kwaamba ayi cikabe cisani comwi, ashalo shimwi shili shosanwe ukashiciite mbomunya ubo.

Kulonga 36:9

Shisani shoonse shakalinga kweelenebo mubulaamfu amubufwaafwi. Shakalinga mamita ali 12 mubulaamfu amamita ali 2 mubufwaafwi.

Kulonga 36:11

Kweela kwa lubasu lomwi lwa cisani cinene bakatungilaako mwakukobeka acisani camushobo wa liculu. Bakacita bweenka akucisani cinene cimwi.