Kulonga 32:33 - Baibo Busansulushi Bwa Libuku Ili

³³ Alakwe Mwaami Lesa wakamukumbula ayi, “Ngameena a bantu abo bambishisha ngweshi nkakushe mulibuku lyangu.

Kulonga 32:33 Referans Kwoze

Esekelo 18:4

Ceebo buumi bwa bantu boonse mbwaangu, nkokwaamba ayi buumi bwa mushali abwa mwaana boonsebo mbwaangu. Anu muntu uyo ubisha ngweshi akafwe.’

Kulumbaisha 69:28

Meena abo akakushikwe mulibuku lya boomi. Mutakabaleembiwo tubili mumundando wa baluleme.

Dutolonomi 29:20

Mwaami Lesa teshi akalekelele muntu wa mbuli wooyu. Sombi bukali bwakwe bulaakuba pali nguwe, amashingo oonse alembetwe mulibuku ili alaakumupolela, kushikila Mwaami Lesa akashiminganye liina lyakwe pacishi ca panshi cino.

Kulumbaisha 9:5

Ncakwiila mwakapa mulandu bakunsengwe, mwakanyonyoola bamucita shibi abo, aboobo mwalobya meenaabo kwamuyayaya.

Bene Lefi 23:30

Na umwi wasebensa mulimo uli woonse pabushiku ubo, nebo neMwaami Lesa ndaakumucaya.

Ciyubululo 20:12

Lyalo ndakabona bafu, balemekwa abantubo, boonse kabeemfwi kunembo lya cuuna ca bwaami. Lyalo mabuku akacalulwa alimwi libuku limwi lyakacalulwa, ndyelibuku lya boomi. Bafu bakoomboloshekwa kweelana amicito yabo bweenka mbomwakalinga kulembetwe mumabuku.

Ciyubululo 13:8

Bantu boonse bekala mucishi ca panshi balaakulambila munyama uyu, kukushakobo baabo bacite meena akalembwa mulibuku lya boomi cishi kacitana kulengwa, ee, mulibuku lilya lya Mwanaambelele wakacaikwa.

Bene Filipi 4:3

Ndakusenga alimwi webo omweensuma muncito kwaamba ayi ubacaafwe balutundu aba. Bakasebensa camaansa obilo anebo mukushimikila Makani Abotu, kubikaawo aKilementi abamwi boonse mbondakalinga kusebensaabo abo bacite meena alembetwe mulibuku lya buumi.

Ciyubululo 3:5

Uyo weshi akakome bubi ulaakufwala shakufwala shituba mbomunya ubo alimwi liina lyakwe teshi nkalifuute mulibuku lya buumi. Ndaakwaamba patuba ayi ulakonkela ndime pameenso abaTa abaanjelo babo.’

Kulonga 17:14

Lyalo Mwaami Lesa wakaambila Mose ayi, “Ulembe mbuli mbondakoma munkondo iyi kwaamba ayi bantu bakanokwiibalukilaako. Alimwi ulwiite Joshuwa ayi ntoolengesha bantu kubula kwiibalukawo tubili bene Amaleki.”

Kulumbaisha 69:29

Nebo ndi mukutongela kunene abuumba. Ono nobaLesa, amumpulushe akunsumpula!

Esekelo 18:20

Muntu uyo ubisha ngweshi akafwe. Mwaana teshi akapengele shibiibi sha mushali wakwe alakwe mushali teshi akapengele shibiibi sha mwanaakwe. Muntu ululeme ulaakulambulwa ceebo ca bululami bwakwe mwiine alakwe mucita shibi ulaakupengela bubi ubo mbwaacita mwiine.