Kulonga 32:25 - Baibo Busansulushi Bwa Libuku Ili

²⁵ Mose wakabona ayi Aloni wakabaleka bantu ayi bacite bubi akulilensha nsoni pameenso a balwani babo.

Kulonga 32:25 Referans Kwoze

Isaya 47:3

Bantu batookubona koolibo nduno. Lyalo nsoni shitookucata cakuyanda kukupisha panshi. Ncakwiila ntooboosha cishole alimwi taaku weshi ankaashe.”

Ciyubululo 16:15

“Amunyumfwe! Ntoosa anga ngumwiipi! Ulicite coolwe uyo ushiite kaalama shakufwala shakwe kuloonda kunyumfwa nsoni na weenda matakosha mubantu!”

Mika 1:11

Nobene Shafili, kamuya mubusha matakosha alimwi munsoni. Abo bekala mundabala inene ya Saanani bateeleshi kuswa mundabala iyo. Bene Beti Eselo batoolila. Teshi bakamufuneewo, napaceyi.

Bene Loma 6:21

Ino ono nimpindunshi njemwakacana mukucita shintu isho shitoomulensha nsoni bulya? Taakuuwo. Mukwiinga mamanino a shintu sha mushobo wooyo ndufu.

Osiya 2:3

Na babule kucita boobo, ndaakubafuula akubashiyabo matakosha mbobakalinga pakushalwa. Ndaakubalengesha kuba anga nduyanga, ee, ndaakubasandula kuba anga ncishi citacite maanshi. Lyalo ndaakubacaya kunyotwa.

Danyelo 12:2

Bantu baanji baanji abo boona mubulongo bwa cishi ca panshi balaakubuka. Bamwi balaakubukila kuba abuumi butamaani, sombi bamwi balaakubukila kulenshekwa nsoni akuba cintu ceelete kushibulukwa kwalyoonse alyoonse.

Esekelo 16:63

Mpeeke ndaakukulekelela shibiibi, sombi ulaakushiibaluka akunyumfwa nsoni cakwaamba ayi teshi ukacalulewo tubili mulomo wako. Nebo neMwaami Lesa Shinkusu shoonse ndaamba.”

2 Makani 28:19

Mwaami Lesa wakaleta mapensho kubene Juda mukwiinga Aasi mwaami wa bene Isilaeli wakaleka bene Juda ayi batolelele kubisha alimwi taakalinga kunyumfwila Mwaami Lesa.

Dutolonomi 9:20

Mwaami Lesa wakalinga wakalalila aAloni cakuyanda kumucaya, sombi ndakamupailila paciindi ceenka ico.

Matalikilo 3:10

Alakwe wakakumbula ayi, “Ndamunyumfwa kamweendeenda mumuunda. Ono ndaloonda akuyuba ceebo ndimatakosha.”

Kulonga 32:26

Paceebo ceeci wakeemikana pamwinjililo wa mumisumba akwaamba ayi, “Uyo woonse uli kulubasu lwa Mwaami Lesa, ese kokuno!” Mpeeke bene Lefi boonse bakabungana kuli nguwe.

1 Baami 12:28

Ndyaakamana kuyeeya pacikani ici, wakabumba bacende baana ba golodi bobilo. Lyalo wakaamba kubantu bakwe ayi, “Mwakalinga kupenga kunooya kuJelusalemu mukulambila. Nobene Isilaeli, ono mbaaba balesa bakamukusha muIjipiti!”

1 Baami 14:16

Mwaami Lesa ulaakusuula bene Isilaeli boonse mukwiinga wa kubisha kwakwe Jeloboamu uyo wakalengesha bene Isilaeli kubisha.”

Tushimpi 29:18

Kutaaku maswi abulaluki bantu balacileka kulilemeka, sombi ulicite coolwe uyo ukonkela milawo.

Jelemiya 5:5

Aboobo ntooya kubamatanjilili babo nkabandikaabo. Ndushinisho balo balishishi nshila sha Mwaami Lesa asheesho shiyanda Lesa wabo.” Sombi abalo boonse bakakaka bweendeleshi bwa Mwaami Lesa akukaka kucita sheesho nshaayanda.