Kulonga 31:3 - Baibo Busansulushi Bwa Libuku Ili

³ alimwi ndamwisusha Mushimu wangu. Ndamupa lushibo, maano alimwi abusongo bwa pabuyaki buli boonse.

Kulonga 31:3 Referans Kwoze

Kulonga 35:31

Lesa mwiine wakamwisusha Mushimu wakwe akumupa lushibo, busongo alimwi amaano a kwishiba milimo ili yoonse ya buyaki,

Isaya 28:26

Mulimi ulishi bwakucita mulimo wakwe uyu kwiinda mulushibo lwakamupa Mwaami Lesa.

1 Baami 7:14

Baishi, abo bakalinga kufwite kale, bakalinga bene Taya. Abalo bakalinga kwishi abuumbi kupanga shintu sha bulonse. Banyina bakaswa kumukowa wakwe Nafutali. Ulamu wakalinga kucenjete alimwi wakalinga shikupanga shintu sha bulonse ucishi abuumbi. Wakasumina kwiita kwakwe Solomoni ayi abe mweendeleshi wa beshikupanga shintu sha bulonse.

Isaya 28:6

Ulaakupa boomboloshi moyo wakoombolosha cakutanyengelela. Kubaabo bakunkana abalwani kuminjililo ya ndabala ulaakunoobapa nkusu.

1 Baami 3:9

Aboobo amumpe busongo bwakukonsha kulela bantu banu cabululami akwishiba cibotu acibiibi. Kwabula boobo inga ndakonsha buyani kulela mushobo wa bantu banu uyu unene bobulya?”

Kulonga 28:3

Ono ukeete bacite buuya bwakutunga, boonse abo mbondakapa busongo, akubalwiita kutunga shakufwala shakwe Aloni kwaamba ayi mukamusalashe akanonsebensela mulimo wa bupailishi.

Kulonga 31:4

Nkokwaamba ayi busongo bwakuyeeyela bweenga bwaba cintu cibotu akucipanga agolodi, silifa, alimwi abulonse.

Kulonga 35:35

Wakabapa lushibo lwa muncito shipusenepusene isho shicita beshikutala pashintu shiyumu, beshikuyeeyela bweenga bwaba cintu cibotu, abaabo beshikutunga booya bwa mbelele buboneka anga ndiculu, bufubelafubela alimwi abusalalabo pyu, shisani shibotu shiteshimite, alimwi ashakufwalabo shimwi shoonse. Bantu bobilo aba balakonsha kucita milimo ili yoonse, alimwi mbeshikuyeeyela bweenga bwaba cintu cibotu.

2 Makani 2:7

“Ono amuntumine muntu ucishi kusebensesha golodi, silifa, bulonse alimwi anshimbi. Ulyeelete kunoocishi kutunga shisani shifubelafubela, shisalala pyu alimwi ashiboneka anga ndiculu kubikaawo alushibo lwa kutala. Lakwe uyo ulaakunoosebensa abantu bene Juda alimwi abene Jelusalemu bacishi milimo iyo abo bata baDefedi mbobakasala.

1 Baami 7:13

Mwaami Solomoni wakatuma nkombe yakwiita musankwa wiitwa ayi Ulamu, wakalinga kwishi shakupangapanga uyo wakalinga kwikala mundabala inene ya Taya. Wakalinga kwishi abuumbi kupanga shintu sha bulonse.

Tushimpi 2:6

Ceebo nguMwaami Lesa upa busongo, kuli nguwe nkokuswa lushibo amaano akunyumfwisha shintu.