Kulonga 3:22 - Baibo Busansulushi Bwa Libuku Ili

²² Woonse mwanakashi mwine Isilaeli ulaakuya kumwanakashi shikamukobonyina mwine Ijipiti alimwi kumwanakashi mwine Ijipiti ukala muŋanda yakwe, akusenga shintu sha silifa asha golodi, alimwi ashakufwala. Mpeeke bene Isilaeli balaakufwalika bana babo basankwa alimwi abanakashi. Aboobo balaakutola bubile bwa bene Ijipiti.”

Kulonga 3:22 Referans Kwoze

Esekelo 39:10

Teshi bakanootepawo nkuni muluundu nabi mumasaka ceebo balaakunoosebensesha shilwanisho isho pakukunka mulilo. Kuswawaawo balaakusaala baabo bakabasaala akubwesa buboni bwa baabo bakababwesela. Nebo neMwaami Lesa Shinkusu shoonse ndaamba.’ ”

Kulumbaisha 105:37

Mwaami Lesa wakakusha bene Isilaeli mucishi ca Ijipiti. Bakanyamuna golodi asilifa. Pakati kabo taaku wakalinga kulefukite.

Kulonga 11:2

Lwiita bene Isilaeli boonse ayi basenge shintu sha silifa alimwi agolodi kubaabo beshikamukobonyinaabo.”

Isaya 33:1

Mapensho kuli ndiwe oshikunyonyoola, ee, webo nootana kunyonyoolwaawo. Mapensho kuli ndiwe oshikwaaba bantu ee, webo nootana kwaabwaawo. Waakucileka kunyonyoola, ulaakunyonyoolwa. Waakucileka kwaaba bantu, ulaakwaabwa.

Tushimpi 13:22

Muntu ululeme ulashiila bamulunyungu lwakwe buboni bwakwe, sombi buboni bwa mucita shibi bulaya kubaluleme.

Matalikilo 15:14

Sombi ndaakutondesha bukali kucishi ico ceshi cikabatole busha. Pakuswaako kucishi uko balaakubwesa buboni buunji abuumbi.

Matalikilo 24:53

Kuswawaawo wakakusha makosa ashimwi sha mushobo uyo sha golodi asha silifa, alimwi ashisani ashakufwala sha mushobo amushobo akupa Labeka. Nandumi shakwe abanyina wakabapa aabalo shipo shamakwebo.