Kulonga 3:19 - Baibo Busansulushi Bwa Libuku Ili

¹⁹ Ndishi kwaamba ayi mwaami wa mucishi ca Ijipiti teshi akamusuminisheewo na nkabule kumukakatisha.

Kulonga 3:19 Referans Kwoze

Kulonga 6:1

Mpomunyaawo Mwaami Lesa wakaambila Mose ayi, “Ono utoobona nceshi ncite kumwaami Falawo. Ntoomukakatisha ayi aleke bantu bangu banooya. Ntoomukakatisha ayi abatande mucishi cakwe.”

Kulonga 5:2

Lyalo Falawo wakabeepusha ayi, “Ino Mwaami Lesa uyo ngweshi nyumfwile akuleka bene Isilaeli ayi banooya ngani? Mwaami Lesa uyo nshimwishiiwo, alimwi bene Isilaeli teshi mbalekeewo.”

Kulonga 4:21

Mwaami Lesa wakaambila Mose alimwi ayi, “Ono bulya mbootoboolela kuIjipiti, ulyeelete kucita pameenso a mwaami Falawo shaankamiko shoonse nshendakakubonesha. Sombi ndaakulengesha mwaami kuba shicimpamya akukaka kusuminisha bantu ayi baye.

Kulonga 8:28

Mwaami Falawo wakaamba ayi, “Ntoomusuminisha kuya mukubenga milambu kuMwaami Lesa, Lesa wanu muluyanga na mubule kuya kulaale. Ono kamumpaililaako.”

Kulonga 9:7

Kuswawaawo mwaami Falawo wakeepusha cakacitika, abalo bantu bakamulwiita ayi taaku cifubwa nabi comwi ca bene Isilaeli cafwa. Sombi mwaami Falawo wakacita cimpamya akukasha bene Isilaeli kuya.

Kulonga 9:35

Aboobo kweelana aMwaami Lesa mbwaakaamba kwiinda muli Mose, Falawo wakakaka kuleka bene Isilaeli ayi baye.

Kulonga 10:20

Sombi Mwaami Lesa wakalengesha ayi mwaami Falawo abe shicimpamya, aboobo wakakasha kwaamba ayi bene Isilaeli baye.

Kulonga 11:9

Mwaami Lesa wakalinga waambila Mose kataanshi ayi, “Mwaami Falawo ulaakutolelela kutakunyumfwila, kwaamba ayi nkacite ashimwi shaankamiko muIjipiti.”

Kulonga 11:10

Mose aAloni bakacita shaankamiko shoonse ishi pameenso a mwaami Falawo, sombi Mwaami Lesa wakalengesha ayi abe shicimpamya akukasha bene Isilaeli kuswa mucishi cakwe.

Kulonga 13:15

Mwaami Falawo wa muIjipiti ndyaakaba shicimpamya akutukasha kuswaamo, Mwaami Lesa wakacaya baana basankwa bakwiiya boonse mucishi ca Ijipiti, ba bantu alimwi aba shifubwa shoonse. Anu nceceeco ncetupeta mulambu wa shifubwa shisankwa shakwiiya kuMwaami Lesa akulubula bana besu basankwa bakwiiya.