Kulonga 3:15 - Baibo Busansulushi Bwa Libuku Ili

¹⁵ Ubalwiite bene Isilaeli ayi nebo neMwaami Lesa, neLesa wa bamashali babo bakulukulu, neLesa wakwe Abulaamu, Isaki, alimwi aJakobo, ndakutuma kuli mbabo. Ili ndyeliina lyangu lyoonsebo. Mashalane oonse akunembo mbweshi akanoonjita ubo.

Kulonga 3:15 Referans Kwoze

Bene Ebulu 13:8

Jesu Klistu taasandooki. Bweenka mbwaakalinga ciilo, asunu mbwaabete alimwi mbweshi akabe myaaka yamuyayaya.

Malaki 3:6

“Nebo ndi Mwaami Lesa alimwi nshipilooki. Aboobo mwebo nobamulunyungu lwakwe Jakobo tamuna kunyonyookelabo limwi.

Osiya 12:5

Lesa uyo wakalinga Mwaami Lesa Shinkusu shoonse! Mwaami Lesa ndyeliina bantu ndyebeelete kumulambililaamo.

Mika 4:5

Mushobo womwi awomwi ulaakunoolambila akunyumfwila lesa wa nguwo, sombi swebo tulaakunoolambila akunyumfwila Mwaami Lesa, Lesa wesu kwalyoonse alyoonse.

Kulonga 3:6

Nebo ndime Lesa wa bamashali bako bakulukulu. Ndime Lesa wakwe Abulaamu, Isaki alimwi aJakobo.” Mpeeke Mose wakalifweka pameenso ceebo wakaloonda kulangilisha Lesa.

Isaya 9:6

Ceebo mwaana washalwa pakati kesu, ee, twapekwa mwaana musankwa. Bweendeleshi boonse bulaakuba mumaansaakwe. Liina lyakwe unanokwiitwa ayi, “Shikupanda maano Mubotu,” “Lesa Shinkusu shoonse,” “Mushali musankwa wamuyayaya,” alimwi ayi, “Mwaami wa Luumuno.”

Kulumbaisha 102:12

Sombi noBaami baLesa, muli Baami kwamuyayaya, bamumashalane boonse balaakumwiibaluka lyoonse.

Kulumbaisha 135:13

NoBaami baLesa, liina lyanu ndyamuyayaya. Mulipukite kumashalane oonse.

Milimo ya Batumwi 7:32

‘Ndime Lesa wa bamashali bako bakulukulu, Lesa wakwe Abulaamu, Isaki alimwi aJakobo.’ Lyalo Mose wakatutuma akuloonda cakwaamba ayi cakaala akulangaako.

Dutolonomi 1:11

Ono Mwaami Lesa wa bamashali banu bakulukulu, aamufuushe mankanda cuulu kwiinda mbomubete akumusumpula kweelana ambwaakashomesha!

Kulonga 4:5

Mwaami Lesa wakaamba ayi, “Anu ukacite bobulya kubene Isilaeli kwaamba ayi bakashome ayi Mwaami Lesa, Lesa wa bamashali babo bakulukulu, Lesa wakwe Abulaamu, Isaki alimwi aJakobo, wakaboneka kuli ndiwe.”

Isaya 63:12

Uli kuli Mwaami Lesa ulya wakacita shaankamiko kwiinda munkusu shakwe, ee, nkusu shakwe shikankamanisha kwiinda muli Mose? Wakapansaanya maanshi mulweenge bantu bakwe kababweneeko kwaamba ayi akanoolemekwa kwalyoonse alyoonse.

Kulumbaisha 72:19

Alilumbaishikwe lyoonse alyoonse liina lyakwe lya bulemu. Bulemu bwakwe abumwaike akukwanabo cishi coonse. Ameni! Ameni!

Kulumbaisha 72:17

Liina lya mwaami alikakalilile, ee, likanooliikobo bweenka mbuli lisuba. Mishobo imwi yoonse aikalilile kupekwa shoolwe kuswa kuli Lesa, mbweeke mbwaakapa mwaami uyo.

2 Makani 28:9

Mulaluki umwi wa Mwaami Lesa wiitwa ayi Odedi uyo wakalinga kwikala mundabala ya Samaliya wakakumana abashilumamba bene Isilaeli abo bakalinga kuboolela abaabo mbobakacata busha kuswa kuJuda ndibakalinga pafwaafwi akwinjila mundabala ya Samaliya. Mpomunyaawo wakabaambila ayi, “Mwaami Lesa, Lesa wa bamashali banu bakulukulu wakakalala pabene Juda akulengesha ayi mwebo mubakome. Sombi wabona mbuli mbomwabacaya calunkutwe pakubalwana.

Mateyo 22:32

‘Nebo ndime Lesa wakwe Abulaamu, Lesa wakwe Isaki alimwi aLesa wakwe Jakobo.’ Nkokwaamba ayi teshi Lesa wa bafu, sombi nguLesa wa boomi.”

Dutolonomi 4:1

Lyalo Mose wakaambila bantu ayi, “Kamukonkela milawo yoonse iyo njentoomwiisha, mulaakuba abuumi alimwi mulaakwikala mucishi ico ncaatoomupa Mwaami Lesa, Lesa wa bamashali banu bakulukulu.

Dutolonomi 1:35

‘Taaku muntu nabi womwi pakati kanu nobamucita shibi ba cecino ciindi, eshi akenjile mucishi ca bulongo bubotu, ico ncendakashomesha bamashali banu bakulukulu.

Milimo ya Batumwi 3:13

Mukucita ceeci Lesa wakwe Abulaamu, Isaki alimwi aJakobo, Lesa wa bamashali besu bakulukulu, watondesha bulemu kumusebenshi wakwe Jesu. Mwebo mwakamwaaba mumaansa a beendeleshi alimwi mwakamukaka pameenso akwe Pilato nakubi kwaamba ayi lakwe wakalinga kusuni kumwaangulula.

Bene Ebulu 11:16

Sombi cishi ncebakalinga kulangila cakalinga kwiindaawo kubota, cishi ca kwiculu. Aboobo, Lesa taanyumfwi nsoni pakumwiita ayi Lesa wabo ceebo ngowakabayakila andabala inene.

Matalikilo 24:12

Mpeeke wakapaila ayi, “NoBaami baLesa, baLesa ba baami bangu baAbulaamu, amunengeshe kukonsha kucita ncendeendela sunu akucita kweelana ambomwakashomesha baami bangu.

Kulonga 3:13

Sombi Mose wakaambila Lesa ayi, “Ono na nkaye kubene Isilaeli akubaambila ayi, ‘Lesa wa bamashali banu bakulukulu wantuma kuli ndimwe,’ balo balaakunjipusha ayi, ‘Ino liina lyakwe ngani?’ Ono ndaakubalwiita ayinshi?”

Kulonga 4:1

Lyalo Mose wakakumbula Mwaami Lesa ayi, “Ndaakucita buyani na bene Isilaeli bakabule kunshoma akunyumfwila, alimwi na bakaambe ayi tamukwe kuboneka kuli ndime?”

Kulonga 6:2

Lesa wakaambila Mose alimwi ayi, “Nebo ndime Mwaami Lesa.

Kulonga 15:2

Mwaami Lesa ngoompa nkusu alimwi ndamwiimbila, mukwiinga ngomupulushi wangu. NgoLesa wangu, alimwi ntoomulumbaisha ngoLesa wa bata alimwi ntokwiimba pankusu shakwe.

Kulonga 15:3

Mwaami Lesa ngushilumamba. Mwaami Lesa, ndyeliina lyakwe.

Kulumbaisha 30:4

Amwiimbe nyimbo shakulumba Mwaami Lesa mwebo noonse nobantu bakwe, mulumbaishe liina lyakwe lisalalite.

Tushimpi 18:10

Mwaami Lesa uli anga niŋanda ilaamfu iyumu uko kucicila bantu baluleme akupuluka.

Isaya 26:8

Swebo tulacita kweelana akuyanda kwanu alimwi tulalangila muli ndimwe. Tulisuni kubona liina lyanu kalisumpulwa akuya mpuwo.

Isaya 42:8

“Nebo ndime Mwaami Lesa, ee, ili ndyeliina lyangu. Nshipi bulemu bwangu kuumwi, kulumbaisha kweelete ndime, nshikulekeli shibumbwabumbwa.

Jelemiya 33:2

Mwaami Lesa, uyo wakalenga cishi ca panshi, uyo wakacibumba alimwi akucibika pamusena wa ncico, ee, uyo ucite liina lya Mwaami Lesa wakaamba kuli ndime ayi,

Danyelo 2:23

NobaLesa ba bamashali bangu bakulukulu, ndamulumba akumulumbaisha. Mwebo mwampa busongo alimwi ankusu. Mwambonesha cintu ico ncetwamusenga. Ncakwiila mwatubonesha ciloto ca mwaami.”

1 Makani 16:16

Ulaakulama cipangano ncaakapanga aAbulaamu, kushomesha nkwaakalumbila kuli Isaki.

1 Makani 29:18

Ono noBaami baLesa, baLesa bakwe Abulaamu, Isaki alimwi aJakobo bamashali besu bakulukulu, lyoonse amulame kuyandishisha kuli mumyoyo yabo uku akulengesha ayi batolelele kushomeka kuli ndimwe.

Kulumbaisha 30:5

Bukali bwakwe mbwa ciindi ciniinibo, sombi luse lwakwe ndwa lyoonse alyoonse. Ee, kulila inga kwaba mashiku oonse, sombi kukondwa kulesa macuunsa na bwaca.

Kulumbaisha 68:5

Ngumushali ulama bana banshiwa alimwi wiimikanina bamukalubinje. NguLesa uyo ukala mumusena wakwe usalalite.

Kulumbaisha 102:13

Mulaakunyamuka akunyumfwila nkumbu pandabala inene ya Siyoni, mukwiinga ciindi cakwiilekelela cashikila. Ee, ciindi ceelete cashikila.

Osiya 12:6

Paceebo ceeco nobamulunyungu lwakwe Jakobo mulyeelete kuboolela kuli Lesa wanu. Amube bantu bashomeka kuli nguwe, baluleme alimwi mulindile lucafwo kuswa kuli Lesa wanu cakukalika myoyo lyoonsebo.