Kulonga 29:41 - Baibo Busansulushi Bwa Libuku Ili

⁴¹ Alakwe mwanaambelele umwi ukamubenge macolesha akutenta fulaulo, mafuta a olifi alimwi awaini. Shoonse shikanokweelene bweenka mbuli sha macuunsa ayi ncipo ca shakulya kuli ndime neMwaami Lesa. Bweema bwa nshisho bulansangalasha.

Kulonga 29:41 Referans Kwoze

Danyelo 9:21

Ndindakalinga kucipaila, munjelo Gabuliyelo, uyo ngondakalinga ndabonaawo kale mucili anga nciloto, wakesa kuli ndime kaauluka. Ico cakalinga ciindi cakubenga mulambu wa macolesha.

Kulumbaisha 141:2

Mupailo wangu ube anga ntununkila kabotu pakutenta kunembo lyanu. Kutambika maansaangu kube anga ngumulambu wa macolesha.

2 Baami 16:15

Mpomunyaawo Aasi wakapa Uliya mupailishi milasho ayi, “Kosebensesha cipaililo cangu ici cinene kubengelaawo milambu yakutenta ya macuunsa, shipo sha fulaulo sha macolesha, milambu yakutenta ashipo sha fulaulo sha mwaami alimwi asha bantu kubikaawo ashipo sha cakunwa sha bantu. Munoosanseelawo bulowa boonse bwa banyama babengwa. Sombi cipaililo ca bulonse ndanoocisebensesha kusenga kuyanda kwakwe Lesa.”

1 Baami 18:36

Paciindi cakubenga mulambu wa macolesha, mulaluki Elija wakaya kucipaililo akupaila ayi, “NoBaami baLesa, baLesa bakwe Abulaamu, Isaki alimwi aJakobo, amulitondeshe ayi ndimwe baLesa ba bene Isilaeli alimwi ayi ndi musebenshi wanu. Amutondeshe alimwi ayi ndabamba shoonse ishi ceebo mwebo nobeene mwandwiita.

1 Baami 18:29

Bakalinga koolobesha kushikila macolesha ciindi cakubenga mulambu, sombi taaku cintu cakacitika, kwakalingabo tontolo.

Kulonga 29:40

Ono pakubenga mwanaambelele wakutaanguna, ukanootenta akilogilamu yomwi ya fulaulo wa witi upelekete, usenkene alita yomwi ya mafuta a olifi eene eene alimwi alita yomwi ya waini ayi ncipo ca cakunwa.

Kulonga 29:42

Inshiku shoonse mulambu wakutenta uyu, nkokwaamba ayi bana ba mbelele ashipo shoonse isho, ulyeelete kubengwa kunembo lyangu pamulyango wa Tente ya Cipangano. Uko nkweshi nkanookumanina abantu bangu akunokwaamba awebo.

Kulonga 12:6

Ono pabushiku bwalikumi ashone mumweenshi ngomunya uno macolesha, bene Isilaeli boonse balyeelete kucaya banyama abo.

2 Makani 2:3

Solomoni wakatuma nkombe kumwaami Ilamu wa kuTaya ayi, “Atusebensele pantu pomwi bweenka mbomwakalinga kusebensa abata baami baDefedi ndimwakoolisha shisamu sha sida shakuyakisha ŋanda yabo ya bwaami.