Kulonga 26:30 - Baibo Busansulushi Bwa Libuku Ili

³⁰ Tente iyi mukeeyaake kweelana ambondakakubonesha pakalundu.

Kulonga 26:30 Referans Kwoze

Kulonga 25:40

Ukabikeko maano kwaamba ayi ukapange kweelana ambondakakubonesha pakalundu kano.

Bene Ebulu 8:5

Milimo bapailishi njebacita ilibo anga ncimfule nabi cikoshanyo ca sheesho sha kwiculu. Cilibo bweenka mbuli mbocakalinga kuli Mose. Mukwiinga Mose ndyaakalinga kusuni kuyaka Tente ya Cipangano Lesa wakamwaambila ayi, “Ulyeelete kuyaka akucita shoonse kweelana ambuli mbowakaboneshekwa pakalundu.”

Kulonga 25:9

Mukeeyaake ashiyandika shoonse shamukati bweenka mbuli mbweshi nkakuboneshe.

Milimo ya Batumwi 7:44

“Bamashali besu bakulukulu bakalinga kucite Tente ya Cipangano yakalinga kutondesha ayi Lesa mpwaali pakati kabo muluyanga. Lyakapangwa kweelana aLesa mbwaakalwiita Mose mucikoshanyo ncaakabona.

Bene Ebulu 9:23

Nkokwaamba ayi shintu isho shakalinga kwiimikanina shancinencine sha kwiculu, mboshakalinga kusalashikwa ubo. Sombi shintu sha kwiculu shiine kwaamba ayi shisalashikwe, kulayandika milambu yiinda payeeyo yakalinga kwiimikaninwa.

Bene Ebulu 8:2

Ngowooyo usebensela Lesa muMusena Usalalite Wiindaawo, nkokwaamba ayi mutente yancinencine Mwaami Lesa njaakayaka, kuteshi muntu tau.

Joshuwa 18:1

Mpomunyaawo bene Isilaeli boonse bakabungana kuShilo alimwi akuyaka Tente ya Cipangano nkomunya uko. Cishi bakacibwesa,

Shakubelenga 10:21

Kuboolaawo bamucipani cakwe Koati bakalinga kunyamuka, kabayumwite ashintu shisalalite. Ciindi nceenga bashikilamo kumusena umwi wakuyakawo misumba, bakalinga kucana Tente ya Cipangano yeemikwa kale.

Kulonga 40:2

“Pabushiku butaanshi mumweenshi wakutaanguna, ukayake Tente ya Cipangano.

Kulonga 27:8

Cipaililo ici cilyeelete kuba ca mapulanga, alimwi alupako mukati. Ukapange kweelana ambondakamubonesha pakalundu.

Kulonga 26:29

Shamakonko isho ukashinanike golodi alimwi akupanga nkobeko sha golodi akushicatanisha ashamakonko one kwaamba ayi shicate mbalo, isho sheshi shikananikwe golodi ashalo.

Shakubelenga 8:4

Kuswa peculu apanshi, cakubikawo malampi cakapangwa kugolodi wakufula kweelana aMwaami Lesa mbwaakabonesha Mose.

1 Makani 28:19

Mpeeke Defedi wakaamba ayi, “Shoonse ishi shililembetwe kweelana amilasho ya Mwaami Lesa iyo njaakandwiita.”