Kulonga 24:16 - Baibo Busansulushi Bwa Libuku Ili

^16-17 Mpeeke bulemu bwa Mwaami Lesa bwakaboneka pakalundu. Bulemu ubo, kubene Isilaeli bwakalinga kuboneka anga ngumulilo utoonyaka peculu pakalundu. Kwanshiku shili shosanwe abomwi, likumbi lyakalinga kufwekete kalundu. Ono pabushiku bwasanu ashobilo, Mwaami Lesa wakeeta Mose mulikumbi momunya.

Kulonga 24:16 Referans Kwoze

Kulonga 16:10

Ono Aloni ndyaakalinga kwaamba, bene Isilaeli boonse bakacebukila muluyanga. Paciindi ceenka ico, bakabona bulemu bwa mwaami Lesa mulikumbi.

Shakubelenga 16:42

Mpeeke ndibakabungana kabatongookela Mose aAloni, bakacebukila kuTente ya Cipangano akubona likumbi lyafwekeleshaawo alimwi abulemu bwa Mwaami Lesa bwakaboneka.

Esekelo 1:28

Ono bweenka buboneka nkongolo mumakumbi pabushiku bwa mfula, mbweeke ubo bulemu bumushingulukite mbobwakalinga. Anu uyo ngowakalinga mumuni utowa uyo utondesha bulemu bwa Mwaami Lesa. Ndindakabubona, ndakafukama cakushisha ciwa panshi. Mpomunyaawo ndakanyumfwa liswi lyakalinga kwaamba kuli ndime.

Kulumbaisha 99:7

Wakaambila bene Isilaeli kuswa mulicincilo lya likumbi, alimwi bakakonkela milawo amilasho iyo yoonse njaakabapa.

Shakubelenga 14:10

Mpeeke bantu boonse bakayeeya kucaya Joshuwa aKalebu kumabwe, sombi paciindi ceenka ico, bene Isilaeli bakabona bulemu bwa Mwaami Lesa paTente lya Cipangano.

Bene Lefi 9:23

Mpomunyaawo Mose aAloni bakenjila muTente ya Cipangano. Ndibakaswaamo, bakapa coolwe bantu, mpeeke bulemu bwa Mwaami Lesa bwakabonekela kubantu boonse.

Ciyubululo 1:10

Pabushiku bwa Mwaami, ndakesushikwa aMushimu Usalashi, lyalo ndakanyumfwa liswi linene kwisule lyangu, anga nkulila kwa lupeenga.

2 Bene Kolinto 4:6

Ceebo Lesa wakaamba ayi, “Akube mumuni umunika kuswa mumunshinshe.” Lesa eenkabo uyo ngoolengesha mumuni kumunika mumyoyo yesu, kwaamba ayi twishibe bulemu bwakwe bumunika pameenso akwe Klistu.

Kulonga 20:10

sombi bushiku bwasanu ashobilo, mbushiku bwangu ubo mboweelete kookesha. Taaku muntu weelete kusebensa pabushiku ubo, nkokwaamba ayi webo, bana bako, basha bako, shifubwa shako nabi baswamashi bekala mucishi cako.

Kulonga 19:11

akulibambila isona. Ceebo ubo bushiku ndaakwisa pakalundu ka Sinayi kwaamba ayi bantu boonse bakamboone.

Kulonga 19:9

Mpeeke Mwaami Lesa wakaambila Mose alimwi ayi, “Ndaakwisa kuli ndiwe mulikumbi litikeme kwaamba ayi bantu bakanyumfwe ndyeshi nkanokwaamba awebo akulengesha ayi bantu bakatalike kukushoma kuswa apo peenka.” Lyalo Mose wakalwiita Mwaami Lesa maswi akaamba bantu,

Bene Lefi 9:6

Lyalo Mose wakaamba ayi, “Mwaami Lesa walasha ayi mucite shoonse ishi kwaamba ayi bulemu bwakwe buboneke kuli ndimwe.”

Isaya 4:5

Mpeeke Mwaami Lesa ulaakutuma paKalundu ka Siyoni koonse apabantu baliimo likumbi lya bwiishi malumwi acibalankuni ca mulilo mashiku. Peculu lya ndabala yoonse palaakuba bulemu bwa Mwaami Lesa.