Kulonga 23:24 - Baibo Busansulushi Bwa Libuku Ili

²⁴ Mutakeeleshi kufukamina balesa babo nabi kubalambila, alimwi mutakakonkeli micito yakupaila kwabo. Sombi mukanyonyoole balesa babo alimwi akupwayoola mabwe ngobakeemika pamisena yakulambililaawo.

Kulonga 23:24 Referans Kwoze

Kulonga 20:5

Utafukamini cibumbwabumbwa cili coonse nabi kucilambila, mukwiinga nebo neMwaami Lesa, Lesa wanu, ndi shibusuba. Ndapa mulandu bantu abo bampatite, alimwi akubamulunyungu lwabo kushikila akulishalane lyatatu alyane.

Shakubelenga 33:52

mulyeelete kutandaanyamo bantu boonse bekala mucishi ico. Munyonyoole shibumbwabumbwa shabo sha mabwe asha sheela alimwi amisena yabo njebalambililaamo.

Dutolonomi 12:3

Mukamwayoole shipaililo shabo, mukanyonyoole mabwe ngobakeemika pamisena yakulambililaawo alimwi mukatente shikoshanyo shakwe Ashela mumulilo, lesa wabo mwanakashi wakubesa akutimboola shibumbwabumbwa shabo kwaamba ayi batakalambilili mumisena iyo lyobilo.

Dutolonomi 7:5

Sombi mukamwaaye shipaililo shabo, mukanyonyoole mabwe ngobakeemika pamisena yakulambilaawo alimwi akutimboola shikoshanyo shakwe Ashela, lesa wabo mwanakashi wakubesa akutenta shibumbwabumbwa shabo.

2 Makani 33:9

Manase wakabalengesha ayi beendeewo kubisha pabaabo Mwaami Lesa mbwaakatanda mucishi kunembo lyabo.

Bene Lefi 18:3

Tamweelete kukonkela shicita bene Ijipiti uko nkomwakalinga kwikala, nabi shicita bantu ba mucishi ca Kenani umo moontoomutola bulya.

Kulonga 32:20

Kuswawaawo wakabwesa mucende mwaana uyo ngobakapanga akumusungulula, wamupelapela waboolabo anga mbusu alimwi akubusanseela pamaanshi, mpeeke wakakakatisha bene Isilaeli ayi banwe.

Esekelo 16:47

Webo tookwe kukonkelabo nshila shabo alimwi akwiiya micito yabo ilensha bunya, sombi munshila shako shoonse wakabisha kwiinda mbabo.

Kulumbaisha 101:3

alimwi teshi nkasuminisheewo cintu cibiibi pameenso angu. Ndipatite micito ya bantu bafutatila Lesa. Ncakwiila tatunyumfwani abantu abo.

2 Makani 33:2

Wakabishisha Mwaami Lesa mukukonkela kwishibila kulensha bunya kwa baabo Mwaami Lesa mbwaakatanda mucishi cabo.

Kulonga 23:13

“Kamukonkela shintu shoonse nebo neMwaami Lesa nshendamulwiita. Mutapaili balesa bamwi, tamweelete kubanda nabibo meena abo.

Kulonga 23:32

Mutakapangi cipangano ambabo nabi abalesa babo.

Kulonga 23:33

Alimwi mutakasuminishi bantu abo kwikala mucishi canu. Na mukabasuminishe, balaakulengesha ayi mukambishishe. Kulambila balesa babo, kulaakuba koose keshi kakamuletele lufu.”

Bene Lefi 26:1

Lyalo Mwaami Lesa wakaamba ayi, “Mutanoopanga shibumbwabumbwa, nabi shintu sha mabwe, nabi mabwe akubesa ayi munooshilambila. Nebo ndime Mwaami Lesa, Lesa wanu.

2 Baami 3:2

Wakabisha kuMwaami Lesa sombi kuteelana abaishi nabi baJesebelo banyina. Lakwe wakapwaya libwe ndibakeemika pamusena wakulambililaawo Baali lyakashiya baishi.

2 Baami 18:4

Wakanyonyoola misena yakulambililaako ya patulundu. Wakapwaya libwe lyakeemikwa akutimboola shikoshanyo shakwe Ashela lesa mwanakashi. Ayalo nsoka ya bulonse iyo Mose njaakalinga apanga wakeepwayoola mutupanshapansha mukwiinga bene Isilaeli bakalinga kubenga tununkila kabotu mukwiilemeka. Nsoka iyo yakalinga kwiitwa ayi Neushitani.

Kulonga 20:3

“Utalambili Lesa aumwi, sombibo ndime.

Shakubelenga 25:2

Banakashi abo bakeeta basankwa abo ayi bacanikwe pakusekelela kwa kupa milambu, uko nkobakalinga kulambilila balesa ba bene Moabu. Bene Isilaeli bakalya akulambila balesa abo.

2 Baami 17:8

akukonkela kwishibila kwa bantu abo Mwaami Lesa mbwaakatanda mucishi cabo. Bakatambula amicito iyo yakaletwa abamaami ba bene Isilaeli.

2 Baami 17:11

Pamisena yoonse yakulambililaako ya patulundu bakalinga kutentelaawo tununkila kabotu mukukonkela kwishibila kwa bantu abo Mwaami Lesa mbwaakatanda mucishi cabo. Aboobo bakasonkomona bukali bwa Mwaami Lesa ceebo ca micito yabo ibiibi.

2 Makani 14:2

Asa wakacita shakakonda Mwaami Lesa, Lesa wakwe mukucita shintu shiluleme ashibotu.

2 Makani 25:14

Amasiya ndyaakaboola kuswa mukucayoola bene Edomu, wakaletelela ashibumbwabumbwa shabo. Mpeeke wakashiimikeemika ayi shibe balesa bakwe washifukamina akushitentela milambu.

Osiya 10:2

Bantu aba bacite myoyo yabubeshi bulya balyeelete kupekwa mulandu kweelana akubisha kwabo. Mwaami Lesa utoomwayoola shipaililo shabo akunyonyoola mabwe asalalite ayo ngobalambila.