Kulonga 23:12 - Baibo Busansulushi Bwa Libuku Ili

¹² “Musebense milimo yanu yoonse kwanshiku shosanwe abomwi munsondo, sombi pabushiku bwasanu ashobilo tamweelete kusebensa, kwaamba ayi basha banu alimwi abaswamashi bamusebensela bookeshe kubikaawo ashifubwa shanu shoonse.

Kulonga 23:12 Referans Kwoze

Luka 13:14

Mpomunyaawo munene wa mucoonde wakakalala abuumbi ceebo Jesu wakashilika pabushiku bwakookesha bwa Cibelu. Mpeeke wakaambila bantu ayi, “Kuli nshiku shosanwe abomwi nshetweelete kusebensa. Aboobo munoosa munshiku isho mukuba kabotu, kuteshi pabushiku bwakookesha, sobwe!”

Kulonga 35:3

Pabushiku ubu bwakookesha, tamweelete kukunka nabibo mulilo mumaanda anu.”

Isaya 58:3

“Baleepusha ayi, ‘Ceebonshi twakalikasha, kulya sombi mwebo nobaLesa cakutabona ncetwakalinga kucita? Ceebonshi twakalibombya pameenso anu, sombi mwebo cakutabikaako amaano?’ ” Mwaami Lesa wakumbula ayi, “Mwebo paciindi ndimulikasha kulya mulacita shimusangalasha akulita masuku basebenshi banu pamitwi.

Kulonga 34:21

“Mulicite nshiku shosanwe alimwi abomwi isho nshemweelete kusebensa milimo yanu, sombi pabushiku bwasanu ashobilo, tamweelete kusebensa, nabibo ciindi cakulima alimwi acakutebula.

Maako 2:27

Lyalo Jesu wakabaambila ayi, “Bushiku bwakookesha bwa Cibelu bwakapangilwa muntu, kuteshi muntu kupangilwa Cibelu.

Kulonga 16:23

Mose wakabalwiita ayi, “Mwaami Lesa wakaamba ayi ciilo mbushiku bwakwe busalalite bwakookesha bwa Cibelu. Paceebo ceeci mulyeelete kupanga sunu shakulya nshemusuni kupanga alimwi muteleke nshemusuni kuteleka. Shoonse nsheshi mushiyeeko, mushibike palubasu ayi mukalye ciilo.”

Kulonga 23:11

Sombi mumwaaka wasanu ayobilo, tamweelete kulimaamo alimwi akutebula cintu nabi comwi ceshi cikamene mumo. Bakandu inga balya shili mumyuunda umo, abalo banyama bamuluundu inga balya nsheenga shacalaamo. Mulyeelete kucita mbomunya ubo mumyuunda yanu ya minyansa alimwi aya shisamu sha olifi.

Kulonga 35:2

Munshiku shosanwe abomwi mulyeelete kusebensa milimo yanu, sombi bushiku bwasanu ashobilo, mbushiku busalalite bwakookesha, bubengetwe kuli ndime neMwaami Lesa, Lesa wanu. Uyo woonse weenga wasebensa milimo pabushiku ubu, ulyeelete kucaikwa.

Bene Lefi 23:3

“Mulicite nshiku shosanwe abomwi umo momweelete kusebensa milimo yanu, sombi mwiingashile bushiku bwasanu ashobilo, mbushiku bwakookesha. Pabushiku ubu tamweelete kusebensa, sombibo kubungana pantu pomwi ayi mulambile. Kuli koonse nkweenga kamwikala ubu mbushiku bwa Mwaami Lesa.

Neyemiya 13:16

Abalo bene Taya bakalinga kwikala muJelusalemu bakalinga kuleta nswi ashintu shimwi shakuulisha mundabala inene iyo akuulisha bene misheesu pabushiku bwakookesha bwa Cibelu.