Kulonga 22:25 - Baibo Busansulushi Bwa Libuku Ili

²⁵ “Na mwakongosha maali muntu wangu mukandu uli woonse, tamweelete kuba anga ngushikukongosha maali akusuna kwaamba ayi eelikeewo maali amwi.

Kulonga 22:25 Referans Kwoze

Kulumbaisha 15:5

Muntu uyo ulakweletesha cakutalangila cinyona mucila peculu. Taatambuli makulo kwaamba ayi apenshe bantu batacite mulandu. Ncakwiila uyo woonse ucita shintu ishi, teshi akatenkaanishikweewo napaceyi.

Esekelo 18:8

Taakweleteshi maali ayi acaninewo mpindu, sobwe Ulalitalamusha kukucita shibiibi akoombolosha bweelete bantu batoopikishanya.

Tushimpi 28:8

Uyo ubilila mukukomenya mweelo wa cinyona mucila pankongole nshaapa, ulabikilabo babye abo bafwita nkumbu bakandu.

Neyemiya 5:7

Ndindakamana kuyeeya pamakani aya, ndakaambila bamatanjilili alimwi abacinenenene abo ayi, “Mwebo mutoolyatilila baJudanyinaanu.” Mpomunyaawo ndakabunganya bantu baanji kwaamba ayi cikani ici bacibandike.

Esekelo 18:17

Ulalitalamusha kukucita shibiibi. Taakweleteshi maali ayi acaninewo mpindu, sobwe. Mwaana wa mushobo uyo ulalama milawo yangu cakushomeka akukonkela milasho yangu. Mwaana uyo teshi akafwite shibiibi sha baishi. Ndushinisho lakwe ulaakuba abuumi.

Esekelo 18:13

Ulakweletesha maali ayi acaninewo mpindu. Sa muntu wa mushobo uyo inga waba abuumi? Sobwe teshi akabeewo abuumi! Ndushinisho ulaakufwa ceebo wakacita shintu ishi shoonse shilensha bunya. Lufu lwakwe ndwakuliletela mwiine.

Jelemiya 15:10

Maawe mbondapengaako nebo! Anu bama bakanshalilanshi? Nebo ndishikwaambana akupikishikwabo abantu boonse bamucishi! Nshina kukweleteshawo kale nabi kukweletaawo kumuntu, nakubi boobo muntu womwi awomwi ulanshingana.

2 Baami 4:7

Lyalo wakaya kuli Elisha mulaluki. Elisha wakaamba ayi, “Kamuya muulishe mafuta ayo mulipile nkongole shoonse. Kulaakuba maali aanji eshi akacaaleewo ayo mwebo abana banu ngweshi munoolyaamo.”

2 Baami 4:1

Bumwi bushiku mukalubinje mwanakashi wa wooyo wakalinga mulikoto lya balaluki wakaya kuli Elisha akwaamba ayi, “Nkambo, beebaangu bakafwa! Mbuli mbomwishi, bakalinga kulemeka Lesa. Ono musankwa umwi ngobakakongolako maali wesa mukubwesa bana bangu bobilo basankwa ayi babe basha kwaamba ayi nkongole imane.”

Luka 19:23

Ino ono tookwe kulibikilanshi kubutala bwa maali? Naakwiinga pakuboola ndacana mpindu peculu.’

Mateyo 25:27

Aboobo wakalinga kweelete kwaatola kumaanda a beshimakwebo, naakwiinga pakuboola, ndacaana mpindu.

Esekelo 22:12

Muli ndiwe bamwi bantu balatambula makulo kwaamba ayi bacaye bantunyinaabo. Bamwi balasesa cinyona mucila pankongole nshebapa bene Isilaelinyinaabo. Bamwi balacana mpindu akubila ceebo cakucenjeeka babyaabo. Ncakwiila bantu abo banduba nebo neLesa. Nebo neMwaami Lesa Shinkusu shoonse ndaamba.

Dutolonomi 15:7

“Ono na mundabala imwi mucishi ico Mwaami Lesa, Lesa wanu ncatoomupa muli mwine Isilaelinyinaanu utacite shiyandika mubuumi, tamweelete kuba boonyu mukutamucafwa.

Dutolonomi 24:13

Kamumubooshesha macolesha lyoonse ayi anoofwala pakoona. Lyalo ulaakukulumba, alakwe Mwaami Lesa, Lesa wanu ulaakukondwa ceebo ca micito yanu ibotu.

Esekelo 18:7

Taalyatilili muntu nabi womwi, sombi ulapilusha cintu ncaakacatila kushinkongole. Taaciti bupambi, sombi ulapa shakulya kubaabo bafwite nsala akupa shakufwala abo batacite.

Amosi 2:8

Kumisena yakulambililaako yoonse balo baloonabo pashakufwala nshebacatila bakandu ceebo ca nkongole. MuŊanda yangu neLesa balanwitamo waini uyo ngobanyaya baabo bakakweleta kuli mbabo.