Kulonga 21:20 - Baibo Busansulushi Bwa Libuku Ili

²⁰ “Na muntu wooma musha wakwe musankwa nabi mwanakashi musako, mpeeke musha uyo wafwa mpomunyaawo, muntu uyo ulyeelete kupekwa mulandu.

Kulonga 21:20 Referans Kwoze

Bene Loma 13:4

Ceebo mweendeleshi ngumusebenshi wakwe Lesa utoosebensela kucafwa ndiwe. Ono na ulacita shibiibi ncakwiila ulyeelete kumuloonda mukwiinga ulicite nkusu shakukupa mulandu. Anu mweendeleshi ngumusebenshi wakwe Lesa uyo upa mulandu bacita shibiibi mumusena wakwe Lesa.

Tushimpi 29:19

Musebenshi taakoonshi kunyumfwa kumwaambilabo, sobwe. Nabi wanyumfwa nshewamwaambila, teshi akashikonkeleewo.

Dutolonomi 19:21

Tamweelete kunyumfwa nkumbu mumilandu ya mushobo wooyu. Mulandu ulyeelete kuba buumi pabuumi, liinso paliinso, liino paliino, lyaansa palyaansa, ncimpanta pacimpanta.

Shakubelenga 35:19

Ono mukwabo wooyo wakacaikwa ngoweelete kucaya mucayi uyo kuli koonse nkweenga wamucana.

Matalikilo 9:6

Muntu wakalengwa mucikoshanyo cangu, aboobo muntu uli woonse ucaya umwi, alakwe muntunyina ulaakumucaya.

Matalikilo 4:24

Na muntu ucaya Kaini ulyeelete kupekwa mulandu unene kwiinda waakwe mankanda osanwe aobilo mukuboosha cishole, ingayi uyo ucaya ndime ulyeelete kupekwa mulandu unene kwiinda waangu mankanda makumi osanwe aobilo alimwi osanwe aobilo mukuboosha cishole.”

Matalikilo 4:15

Sombi Mwaami Lesa wakakumbula ayi, “Sobwe, na muntu wakucaya, ingayi mulandu wakwe ulaakukomena kwiinda waako mankanda osanwe aobilo mukuboosha cishole.” Aboobo Lesa wakabika cishibilo pali Kaini kutondesha woonse weenga wamukumanya kutamucaya.

Kulonga 21:19

Uyo wooma mubye teelete kupekwa mulandu na muya nshiku muntu uyo kaabuka akunokweendaako ankooli. Nakubi boobo uyo wakamuuma ulyeelete kulipila mubye ceebo cakumusowela ciindi, alimwi ulyeelete kumulama kushikila akanyumfwe kabotu.

Kulonga 21:21

Sombi na musha uyo weensha bushiku bomwi nabi shobilo kutafwa, mwaami wakwe teelete kupekwa mulandu, mukwiinga musha uyo mbubile bwakwe.