Kulonga 20:25 - Baibo Busansulushi Bwa Libuku Ili

²⁵ Na mukampangile cipaililo ca mabwe, mutakapangishi mabwe akubesa mukwiinga na mwasebensesha ceela cakubesesha mabwe, nkokwaamba ayi mwaamana ncito kuli ndime.

Kulonga 20:25 Referans Kwoze

Joshuwa 8:31

Wakaciyaka kweelana amilasho iyo Mose musebenshi wa Mwaami Lesa njaakapa bene Isilaeli. Nkokwaamba ayi bweenka mbomulembetwe mulibuku lya Milawo lyakalemba Mose ayi, “Cipaililo cakayakwa amabwe atakwe kubeswa kushisebensesho sha ceela.” Pali ncico, bakabengelawo milambu yakutenta mukulemeka Mwaami Lesa, pantu pomwi amilambu ya bwanabwankashi.

Kulonga 20:24

Mumpangile cipaililo ca bulongo apo mpweshi mubengele milambu ya mbelele, mpongo alimwi aŋombe isho sheshi shitentwe shoonse, alimwi ayi shibe milambu ya bwanabwankashi. Pamusena woonse mpweenga ndasala ayi munoonambilila, ndaakwisa kuli ndimwe mukumupa coolwe.

1 Baami 6:7

Mabwe ayo ngobakalinga kuyakisha taakalinga kubeselwa mpobakalinga kuyakila Ŋanda yakwe Lesa, sombi bakalinga kwaabesela kooko nkwaakalinga kuswa. Aboobo uko kwakalinga kuyakilwa Ŋanda yakwe Lesa tekwakalinga kubaawo coongo ca nsando, tweembe nabi cisebensesho cimwi, sobwe.

Esekelo 40:42

Matebulu amwi one akalinga kucipinda cakwinjililaako apo pakalinga kubambilwa shifubwa shamilambu akalinga kupangitwe amabwe akabeswa. Akalinga kucite masentimita ali 50 kuya mwiculu amasentimita ali 75 mumbasu shone shoonse sha capeculu. Shisebensesho shoonse shakalinga kusebenseshekwa pakucaya shifubwa shakubenga milambu, shakalinga kubikwa pamatebulu aya.

Kulonga 24:4

Mpeeke Mose wakalemba milawo yoonse ya Mwaami Lesa. Ndibwakaca macuunsa, wakayaka cipaililo panshi lya kalundu akubikawo mabwe ali likumi aobilo ayo akalinga kwiimikanina mishobo ya bene Isilaeli ili makumi obilo ayobilo.