Kulonga 20:20 - Baibo Busansulushi Bwa Libuku Ili

²⁰ Mose wakabakumbula ayi, “Mutaloondi, mukwiinga Lesa wesabo mukumweelesha akulengesha ayi mutolelele kumunyumfwila kwaamba ayi mutakabishi.”

Kulonga 20:20 Referans Kwoze

Dutolonomi 13:3

mutakamunyumfwili napaceyi. Mulyeelete kwishiba ayi Mwaami Lesa, Lesa wanu utoosebensesha muntu uyo kwaamba ayi amweeleshe akubona na ncakwiila mulimusuni amyoyo yanu yoonse alimwi abuumi bwanu boonse.

Tushimpi 3:7

Kuteelesha kuliyeeyela ayi ulicite busongo, sombi koloonda Mwaami Lesa akutalamuka kushibiibi.

1 Samwelo 12:20

Lyalo Samwelo wakabaambila ayi, “Mutaloondi, nakubi kwaamba ayi mwakacita cibiibi ca mushobo uyo, mutafutatili Mwaami Lesa, sombi kamumusebenselabo camoyo woonse.

Isaya 8:13

Koibaluka kwaamba ayi nebo neMwaami Lesa Shinkusu shoonse ndisalalite. Ndime ngooelete kuloonda akulemeka.

Tushimpi 16:6

Lusuno alushomo nsheshileta kulekelelwa kwa shibiibi. Na kooloonda Mwaami Lesa, inga kootabishiiwo napaceyi.

Jobo 28:28

“Mpeeke Lesa wakaambila muntu ayi, ‘Kuloonda Mwaami Lesa mbobusongo. Kufutatila bubi ndolushibo lwiine lwiine.’ ”

Dutolonomi 8:2

Amwiibaluke mwaami Lesa, Lesa wanu mbwaakamutanjilila mulweendo loonse lwa muluyanga lwa myaaka makumi one iyo yeenda. Wakalinga kumutumina makatasho mukumweelesha kwaamba ayi abone mpomwiimfwi alimwi na inga mwacikonsha kukonkela milawo yakwe.

Matalikilo 22:1

Mukuya kwanshiku Lesa wakeelesha lushomo lwakwe Abulaamu. Wakamwiita ayi, “Abulaamu!” Alakwe wakakumbula ayi, “Nkambo!”

Isaya 41:10

Anu aboobo mutaloondi mukwiinga ndi amwebo. Mutoongumani ceebo ndime Lesa wanu. Ndaakumupa nkusu akumucafwa alimwi ndaakumufuna alyaansa lyalulyo liluleme.

Tushimpi 1:7

Kuloonda Mwaami Lesa ngomatalikilo a lushibo, sombi balo baluya balanyansha busongo akukaka kulilemeka.

Neyemiya 5:15

Beendeleshi bakataanguna kulela nebo kaantana kubaawo bakalinga kulemya bantu. Bakalinga kubasesa maali a silifa ali 40 pabushiku abushiku a cakulya awaini. Abalo basebenshi babo bakalinga kulyatilila bantu. Sombi nebo nshindakalinga kucita boobo mukwiinga ndaloonda Lesa.

Joshuwa 24:14

Lyalo Joshuwa wakatolelela ayi, “Anu ono kamulemeka Mwaami Lesa akumusebensela cakushomeka munshila shoonse. Amusowe balesa bakalinga kulambila bamashali banu bakulukulu muMesopotamya amuIjipiti. Lyalo musebenselebo Mwaami Lesa.

Dutolonomi 10:12

“Ono nobene Isilaeli, amukutike Mwaami Lesa ncaasuni ayi mwebo mucite. Ulisuni ayi munoomulemeka akucita shoonse nshaamba. Mumusuune, mumusebensele amyoyo yanu yoonse

Dutolonomi 6:2

Kulilabo kamucili boomi mwebo abamulunyungu lwanu mulyeelete kulemeka Mwaami Lesa, Lesa wanu akukonkela milasho amilawo yakwe yoonse njeentoomupa, kwaamba ayi mukekaale mucishi ico kwa ciindi cilaamfu.

Dutolonomi 4:10

shabushiku ndimwakeemikana kunembo lya Mwaami Lesa, Lesa wanu paKalundu ka Sinayi palya ndyaakaambila ndime ayi, ‘Bunganya bantu abo. Ndisuni ayi banyumfwe mbweshi ŋambe kwaamba ayi beeye kunyumfwila kulilabo kabacili boomi alimwi ayi bakeeishe abana babo kucita bweenka ubo.’

Matalikilo 22:12

Munjelo wakaamba ayi, “Utaciisi nabi kucita cili coonse kumwanike uyo. Ono ndeshiiba kwaamba ayi ulalemeka akunyumfwila Lesa ceebo tookwe kumamatisha mwanaako eenkabo kwaamba ayi utamubengi kuli nguwe.”

Matalikilo 20:11

Abulaamu wakakumbula ayi, “Ndakayeeya kwaamba ayi taaku muntu muno nabi womwi uloonda akulemeka Lesa alimwi batooncaya kwaamba ayi babwese mukaangu.

Kulonga 14:13

Mose wakabakumbula ayi, “Mutaloondi! Amuyumebo, mubone Mwaami Lesa nceshi acite sunu kwaamba ayi amupulushe. Aba bene Ijipiti teshi mukababoneewo alimwi.

Dutolonomi 6:24

Lyalo Mwaami Lesa, Lesa wesu wakatwaambila kukonkela milawo iyi yoonse akumulemeka. Na tunoocita boobo, unanootulama lyoonse akunootulengesha kusumpuka kweelana ambwaatoocita cino ciindi.

Isaya 41:13

Ceebo nebo ndime Mwaami Lesa, Lesa wanu. Ndime wooyo umucatilila pamaansa anu alulyo akumwaambila ayi, ‘Mutaloondi, ndaakumucafwa.’ ”

Dutolonomi 8:16

Muluyanga wakamupa mana kwaamba ayi mulye, cakulya citana kulyaawo bamashali banu bakulukulu. Wakatuma makatasho pali ndimwe ayi amweeleshe, kwaamba ayi kumeelelesho akamuboteshele shintu shoonse.