Kulonga 20:12 - Baibo Busansulushi Bwa Libuku Ili

¹² “Lemeka baiso abanyoko kwaamba ayi ukekale nshiku shiinji mucishi ico nebo neMwaami Lesa nceshi nkakupe.

Kulonga 20:12 Referans Kwoze

Bene Kolose 3:20

Nobaana amwebo, mulyeelete kunyumfwila bashali banu mushintu shoonse mukwiinga ici ncecikondelesha Lesa.

Dutolonomi 5:16

“ ‘Lemeka baiso abanyoko kweelana ambondakaamba nebo neMwaami Lesa, Lesa wanu ayi shintu shoonse shikakweendele kabotu alimwi ayi ukekale nshiku shiinji mucishi ico nebo neMwaami Lesa nceshi nkakupe.

Maako 7:10

Mukwiinga Mose wakaamba ayi, ‘Lemeka baiso abanyoko,’ alimwi ayi, ‘Uyo woonse unyansha baishi nabi banyina, ncakwiila uyo ulyeelete kucaikwa.’

Tushimpi 30:17

“Muntu ucelebula baishi akunyansha banyina, meenso akwe alaakulobolwaamo kubacikwangala bamucinyika alimwi ulaakulikwa kumakubi.

Bene Lefi 19:3

“Womwi awomwi ulyeelete kulemeka banyina abaishi, alimwi mulyeelete kulama inshiku shakookesha kweelana ambondamulwiita. Nebo ndime Mwaami Lesa wanu.

Luka 18:20

Yalo milawo uliishi yaamba ayi, ‘Utaciti bulale, utacaayi, uteepi, utapi bukamboni bwakubeca, lemeka baiso abanyoko.’ ”

Mateyo 19:19

lemeka baiso abanyoko, alimwi usune mubyo bweenka mboolisuni omwiine.”

Tushimpi 20:20

Uyo woonse ushingana baishi abanyina, buumi bwakwe bulaakumanabo anga ndilampi lyashimika mumunshinshe.

Kulonga 21:17

“Awooyo woonse weenga wanyansha baishi nabi banyina, ulyeelete kucaikwa.

Maako 10:19

Yalo milawo uliishi yaamba ayi, ‘Utacaayi, utaciti bulale, uteepi, utapi bukamboni bwakubeca, utapambi alimwi lemeka baiso abanyoko.’ ”

Kulonga 21:15

“Uyo woonse weenga wooma baishi nabi banyina, ulyeelete kucaikwa.

Dutolonomi 32:47

Teshi maswi atacite ncito, sombi mbobuumi bwanu. Kamwaakonkela, lyalo mulaakwikala nshiku shiinji mucishi ico cili kwitala lya Joodani ncemutooya mukwikalaamo.”

Tushimpi 3:16

Busongo inga bwakulengesha kuba abuumi bulaamfu, ncakwiila inga bwakulengesha kubila akuba abulemu.

2 Baami 2:12

Elisha wakakabona, wakatalika kulila kuli Elija ayi, “Ta! Ta! Nobeshikufuna bene Isilaeli beshinkusu mwaya!” Lyalo taakwe kumubonaawo Elija alimwi. Mubuumba bwakwe Elisha wakakwamuna cakufwala cakwe ca peculu.

Dutolonomi 4:40

Amukonkele milawo yoonse njendamupa sunu. Lyalo shintu shoonse shilaakumweendela kabotu kushikila akubamulunyungu lwanu. Alimwi mulaakutolelela kwikala mucishi ico Mwaami Lesa, Lesa wanu ncatoomupa ayi cibe caanu muyayaya.”

Dutolonomi 25:15

Mulyeelete kuba ashipimo shancinencine alimwi sheelete, ayi mukekale nshiku shiinji mucishi ico Mwaami Lesa, Lesa wanu ncaatoomupa.

Malaki 1:6

Mpeeke Mwaami Lesa Shinkusu shoonse wakaambila bapailishi ayi, “Mwaana ulalemeka baishi, alakwe musebenshi ulalemeka mwaami wakwe. Nebo ndi ishiwanu, ono tamundemekelinshi? Alimwi ndi mwaami wanu, ceebonshi tamumpi bulemu? “Mwebo mulacobola liina lyangu, sombi muleepusha ayi, ‘Ino tulakunyansha munshilanshi?’

Tushimpi 30:11

“Kuli bantu bashingana bamaishiwabo alimwi batatondeshi kulumba kubamanyinawabo.

Tushimpi 28:24

Uyo upamba baishi abanyina akwaamba ayi “Taaku mbocibete,” ulyeelenebo amuntu shikunyonyoola shintu.

Tushimpi 15:5

Muntu muluya ulanyansha sheesho shimufunda baishi, sombi uyo ukutika kululikwa ngoocite busongo.

1 Baami 2:19

Mpeeke Batisheba wakaya kumwaami Solomoni mukwaambililaako Adonija. Mwaami wakanyamuka akwansha banyina akubakotamina mukubapa bulemu. Lyalo wakekala pacuuna ca bwaami akutumisha cuuna cimwi cabwaami ayi acise apo banyina mpobakekala kulubasu lwakwe Solomoni lwalulyo.

Bene Lefi 19:32

“Kamubonesha bulemu kubamanene alimwi akubalemeka. Kamumpa bulemu akunyumfwila. Nebo ndime Mwaami Lesa.

Bene Efeso 5:21

Ceebo mulalemeka Klistu, mulyeelete kunyumfwana.

Dutolonomi 4:26

Ndeeta liculu acishi ca panshi kuba bakamboni sunu, kwaamba ayi na mukabule kunyumfwila, teshi mukekaale ciindi cilaamfu mucishi cili kwitala lya Joodani ico ncemuli pafwaafwi kubwesa. Sombi mulaakunyonyoolwa cakumaninina.

Dutolonomi 5:33

Mukeekonkele yoonse kwaamba ayi shintu shinoomweendela kabotu, alimwi kwaamba ayi mutolelele kunooli boomi mucishi ico ncemutooya mukubwesa.

Dutolonomi 6:2

Kulilabo kamucili boomi mwebo abamulunyungu lwanu mulyeelete kulemeka Mwaami Lesa, Lesa wanu akukonkela milasho amilawo yakwe yoonse njeentoomupa, kwaamba ayi mukekaale mucishi ico kwa ciindi cilaamfu.

Dutolonomi 11:8

“Mukonkele milawo yoonse njendamupa sunu. Lyalo mulaakukonsha kusubuka Mulonga wa Joodani akubwesa cishi ico ayi cikabe caanu.

Dutolonomi 11:9

Mulaakwikala ciindi cilaamfu mucishi muli bubile abulongo bubotu ico Mwaami Lesa ncaakashomesha kupa bamashali banu bakulukulu abamulunyungu lwabo.

Dutolonomi 21:18

“Ono na muntu ulicite mwaana musankwa shintindi, utanyumfwili bashali bakwe nabi bamuuma cili buyani,

Dutolonomi 27:16

“ ‘Aashinganishikwe muntu uli woonse uyo unyansha baishi abanyina.’ “Mpeeke bantu boonse balaakwaamba ayi, ‘Ameni!’

Tushimpi 17:6

Bashikulu ngomushini wa bacembele abwalo bulemu bwa baana, mbamashali babo.

Jelemiya 35:7

Wakatukasha akuyaka maanda, kulima myuunda imwi, kushanga myuunda ya minyansa nabibo kuba acintu nabi comwi pashintu ishi. Sombi tulyeelete kunookalabo mumatente. Twaakucita boobo, ndyeshi tukekaale ciindi cilaamfu mucishi umo motwiingeelabo.

Jelemiya 35:18

Mpeeke nebo neJelemiya ndakalwiita bamumukowa wa bene Lekabu ayi Mwaami Lesa Shinkusu shoonse, Lesa wa bene Isilaeli wakaamba ayi, “Mwebo mwakanyumfwila mulawo uyo wakamupa Jonadabu mushali wanu mukulukulu, mwakakonkela kwiisha kwakwe koonse alimwi akucita shoonse isho nshaakamwaambila kucita.

Esekelo 22:7

Muli ndiwe taamu nabi womwi uyo ulemeka baishi nabi banyina. Muli ndiwe bantu balacenjeeka baswamashi akupensha bana banshiwa alimwi abamukalubinje.

Matalikilo 48:12

Lyalo Josefu wakabakusha pamubili pali Jakobo akufukama kunembo lyakwe cakushisha ciwa panshi.

Matalikilo 50:12

Aboobo bana bakwe Jakobo bakacita bweenka mbwaakabaambila.

Lute 3:6

Mpeeke Lute wakaya kumusena wakulupwitaawo akucita bweenka bwakamulwiita bapongoshi bakwe.

1 Samwelo 22:3

Kuswa kooko Defedi wakaya kuMisipa muMoabu akwaambila mwaami wa kuMoabu ayi, “Sa inga tamusuminishi bata abama kwisa mukwikalaanu kushikila nkeshibe Mwaami Lesa nceshi akancitile?”